Ub 9:17 - Fanawbuid tagsibaliwas Fakayabian

¹⁷ Aroro kanya gfaidapan angku kata fulug nu gfae fagidapun. Ay kanya nafamut yay ku fagidapun, dewa au yay e malong.

Ub 9:17 ပူးပေါင်းရင်းမြစ်များ

Ub 10:8

O wan at nalaga ay at nawat angku, ay katsi namaidapan wo angku.

Ub 16:12

Ebi mabayan ktua. Ay kanya nafauri angku, ay nated ku liug ay narugut, ay nawat angku at fagfanaun.

Ub 16:14

Ay kanya wa gfaragang nu gfalang angku. Kanya kata sik tagfawayan tagfataglayun gfawayan angku.

Ub 16:17

Dewa katanya, kdoma e asalanan, ay matuyan oma ku darangin.

Ub 2:13

Ay kanya fag mangama tulu namalunggung sisad lutuk magamut at fagadgalangan Ub kaduge fituk menit ay fituk yabi. Kadugenya mangama tulu wa naringang aroro nalag te, Ub maksvn nu gidapan.

Ub 2:3

Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Ub 2:7

Ay Satanas nalo wan siginans Yawi at daga salubangan ay nafaidapan Ub siginan sik ngay famaktvk, siginan at darafa sitsigon at alfuyu.

Ub 27:2

“Gfatuyanan au sas tagleleg fag Dius at nafaidapan angku, nustua wa matuyan nu gfawabilugan sabaliwa angku.

Ub 30:22

Kata nu naukas o angku sas tagmara, ay kata nu naukas o angku sas fulug.

Ub 33:10

Ay nalong yay o te, ‘Dius narvbvy sik malong laman gfaidapan angku, ay gtap angku te, at fawayan.

Ub 34:6

Dewa au matuyan Dius glong way te, kamuag kway, ay dewa au yud e nafakamulun asalanan, kanya nafae fakasaitun angku at yud gfangafia.’

Ub 9:16

Dewa au get sa anya te, gkamatoan ami, ay dewa naylat, kanya ro wa gdungugan angku.

Alubad. 25:3

Nusnga sinu tagafanud sa emu di ban gafaplan, dewa katanya, tagfandaya fag ngay taw umkapla ban.

Alubad. 29:5

Yawi at aringang mafafaramyuk ngay kayu sidru at mogat sis Lebanun,

Isayas 28:17

Kata wayam sik bale ku nainsaful te, o masine wan. Ay gina am gfawabilugan, nasaful au te, wam matuyan. Nu katanya, namalayug au ayu sas fulug ay namalimus sas lugwak ay fakamuaganun ay fagsegun te, mafalangfe ayu.

Eremyas 23:19

Dungugani! Ku dotama kaksvn sik fulug ay sik tagmara tagbaribungan at namalang sat mauri fag ngay taw at ngay alfuyu.

Esekyel 13:13

“ ‘Nu katanya, au, Fun Dius Yawi, glong au te, at kaksvnan nu kadotama au, nangiklas kban at ngay alad siginan sik maksvn fag fulug, ay yelu fag arak, ay at maksvn fag arak.

Mateu 12:20

ay dewa e sik sigbo malukyukan, di ban ggatvng. Ay dewa sik salung gakarabungun, di ban gfarabung. Ay kanya ban gfataglayun nu gfakamulun yakmay ban nafae fagmatuyanun.

Mateu 7:27

Ay narak maksvn, ay mamam anbia, ay tagmara nayukfu at bale, ay kafag bale anfuan ay anrasras wan.”

Uan 15:25

Ay siginan kafag ngay taw at nafakamulun takatanya, anfasludan at marirukan sit Faugali te, ‘E kauri ban angku deyud au e asalanan.’ ”

Uan 9:3

Ay Isus gbalus te, “Tuy fag mangama at fagyudun glag, bunwa sia ay at ngay fagtainan at ke asalanan, nu bunway laman Dius at fagmabalyananun umsure siginan nu gfafia anya.