Ub 9:12 - Fanawbuid tagsibaliwas Fakayabian

¹² Kanya nu e fakaylatun gbul we masalag anya. Nu katanya, sinu yaro at mafamayud sat ngay nafakamulun.

Ub 9:12 ပူးပေါင်းရင်းမြစ်များ

2 Samwel 16:10

Ay Dabid nalong te, “Seruya at ngay baguama, lag am kasalag! Nu Yawi wan at nasugu anya laman gfauri angku, sinu au laman gfaragang anya?”

Ub 1:21

Ay kanya glong te, “Gina au kasalug kwe buba, ay kwa yangay ban e buba gina au kabul. Yawi wan at nafon sa angku fagayu nusnga setaw ay Yawi yangay ban tagbul. Segi Yawi.”

Ub 10:7

Nasaful wo te, kwe asalanan. Dewa katanya, we mafaago angku siginan am daluap.

Ub 11:10

Dius ro nu nagamat emu ay nu nataban sa sangay taginsaful ay nafaubung, o nunda ro e masalag anya?

Ub 23:13

Ay Dius di ginbalian kabavn, ay nusnga sinu we masalag anya, ay kanya mafafakamulun tua nusnga setaw at fakaylatun.

Ub 33:13

Wain am fagnalongun te, kanya wa gbalus taw at fagetun?

Ub 34:29

Dewa katanya, Dius dewa maragangan ay gsuksuan ginanya fag buknga, we taw malong te, kanya nasalan. At matuyan, Dius gulit tua gugat fagayu taw,

Takamoyung 8:4

Fun nu nasugu, mabalyanan ay we masalag.

Isayas 43:13

Siginan ebi au wan Dius. We masaruyan sa ku fagmabalyananun. Ay we mafabali fagayu ku ngay fakamulun.”

Isayas 45:9

Afanyuan sik taw tagfabadbaboan at nawat anya fag Dius. Kafag taw kata way sik tikung. O sik lifak mafalong sa takawat anya te, ‘Wain fakatanyaun am nawat?’ O ay nunda mafalong sabaliwa takawat anya te, ‘Kanya wa saful kawat’?

Eremyas 18:6

“Am fag ngay taw Israel, o nunda ro kwa mafafakamulun sa ayu kata sik takawat tikung at fangawat lifak? Nu setain kanya fag lifak nu si takawat tikung at daluap, am si yangay am ku daluap.

Daniel 4:32

Gaiyan kwan emu siginan am fagfanggunaun fag ngay taw ay namabanwan au emu gadgaloan tagsis talun fag ngay mangilafang. Ay kata ban o ngay baka, kon bariri. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay gfagbilug sas nusnga sinu.”

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Mateu 11:26

Anud, Mama, aroro katanya tua am fakaylatun.”

Mateu 20:15

Kwe asalanan dewa au gfaning ku algan sa ku salapi. O kadotama o sa am amatanganan aroro nafakamulun au at masine sam iba?’ ”

Ruma 11:34

“Sinu tagsaful tam Dius at amatanganan? Ay sinu at mafalu anya?”

Efesu 1:11

Aroro sa tam Fun Isus, Dius nafili emi laman at furuan, kata at fakaylatun siginan ebi sfakasigadan. Ay kanya nafafasludan takatanya kata at algan,