Ub 8:3 - Fanawbuid tagsibaliwas Fakayabian

³ At mabalyanan fag Dius wa yud gfae masuad fagmatuyanun ay fagmasineun.

Ub 8:3 ပူးပေါင်းရင်းမြစ်များ

Fakasigadan 18:25

Gafanud au te, di ro wo nangus gfaurianan at matuyan fag ngay taw gasfuan at mauri fag ngay taw. Ay di ro nangus gsudsudan nu gdama o anya fagayu. O wan tagsaful fagayu taw te, o e asalanan, nu katanya, fakamuluni kata am algan.”

2 Krunika 19:7

Suyui tua Yawi, ay matuyani tua nu gfawabilugan am, aroro Yawi tam Dius wa kaylat fagmatuyanun nu kalyam, ay nu e fagfili nu gfawabilugan, ay nu gbul famayad gina gfawabilugan.”

Ub 10:3

O guseganan way o gfaidapan angku? Wain ro am fagaiyanun am nawat, ay gfadiuganan at mauri fag ngay taw at algan?

Ub 19:6

Asafuli te, Dius wan at ke fakamulun sa angku takatatuy. Kanya wan at nafoli ngay sangdaw si ku ligung.

Ub 19:7

Dewa au guro get gubuk we gbalus ya angku. Naet koma fagmasineun ay we nafon angku.

Ub 21:15

Sinu o fag Dius at Mabalyanan em fagnamaningun, ay nataw ro am fanambagun nu nadarangin ami sa emu?’

Ub 21:20

Ay kanya nangus fagayu dumalan faurianan. Fabayani wan Dius nu gfadasug at fandotaman sa anya fagayu.

Ub 34:5

Ay Ub glong te, ‘Kdoma e asalanan, dewa katanya, Dius wa nafon angku fagmatuyanun.

Ub 35:13

Anud, Dius wa gdungugan at yud e masuad fag darangin ay wa kasalag.

Ub 36:23

We mafoyung sa anya nu setain at fakamulun at masine, ay we malong te, kanya nasalan.

Ub 36:3

Ngayu ku fagsafulun, ay gfatuyanan au sa emu te, Dius tam Takawat, matuyan.

Ub 37:23

Wa tam manangakbang sat mabalyanan fag Dius, aroro maksvn nu mabalyanan ay nu matuyan.

Ub 4:17

‘O nunda sik taw matuyan sis Dius at daga salubangan? Ay o nunda sik taw we malong sat nawat anya at daga salubangan?

Ub 40:2

“O namabadbaboan yay o angku, at mabalyanan fag Dius? Glong o te, nasalan au. Katsi balusi angku.”

Ub 40:8

O gfatuyanan o te, nasalan au laman gfasure te, o tua at matuyan.

Ub 9:2

“Matuyan am nalong, dewa katanya, sinu at mafatuyan te, kanya we asalanan sas Dius?

Alubad. 89:14

Nu gfagtainan o masine tua ay matuyan, ay sas fagayu am fakamulun, gfalag o te, mafangesug tuo ay matuyan.

Alubad. 99:4

Kanya mabalyanan ay matuyan fag Fun. Nu gfawabilugan, di e fagfili, ay kabavn at fakamulun sas Israel, masine tua ay matuyan.

Esekyel 18:25

“Ay gamatangan wayam manga te, Fun Dius at fakamulun wa matuyan. Ngay taw Israel, amatangani! O ku fakamulun at yud matuyan ay mannga ay fakamulun?

Esekyel 33:17

“Taw at baguama am ngay kaiban gurungan glong te, ku balyawvtan wa matuyan, dewa way kafag ngay taw at balyawvtan at yud matuyan.

Esekyel 33:20

Dewa katanya, ngay taw Israel, glong am te, ku balyawvtan wa matuyan. Gfaurianan kban ayu kata ay mesa nafakamulun.”

Daniel 9:14

Nu katanya, nafaurianan o emi, ay nafakamulun takatatuy aroro fagayu am fakamulun matuyan. Dewa katanya, wami nafaning emu.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

Deuterunumyu 32:4

Kanya ku fagsarigan fag gang, ay at fakamulun matuyan, ay fagayu at balyawvtan mafanud. Sia wan at matuyan fag Dius ay di gfakamulun at mauri; kanya matuyan tua ay di e fagfili.

At Nafasure 15:3

Ay kanya fagayu galubad Dius at fagsuguan, Muisis ay Tupa Riangan at alubad te, “Dius em Fun at mabalyanan sas fagayu, am ngay fakamulun mabalyanan ay madulo, am ugali matuyan ay mafanud, o wan fagayu talun at Fun.

At Nafasure 16:7

Ay nadungug au sik famalus siginans fagfonan fanggalangun, glong te, “Anud, em Fun Dius, at mabalyanan sas fagayu. Matuyan ay mafanud nu gfaurianan o.”