Ub 6:4 - Fanawbuid tagsibaliwas Fakayabian

⁴ Aroro at mabalyanan fag Dius kata wa nu nafana angku at maganga fag godun ay fagdaul ku bilug naganga. Ay natayukan au.

Ub 6:4 ပူးပေါင်းရင်းမြစ်များ

Ub 16:9

Dius, siginan am dotama nafawayan o angku, ay kata o sik tagfangagat fag mela at narufa ku faknul, ay gfaringgit o am ngay bagang, ay glibayung o angku.

Ub 19:12

Kanya kata nu namadasug sa angku sik ngay tagfawayan laman namawayan angku, ay kanya fagayu gligung ku bale.

Ub 20:16

Kanya kata nu nangvp ngay ule at ganga, ay kanya wan at nafabul anya.

Ub 21:20

Ay kanya nangus fagayu dumalan faurianan. Fabayani wan Dius nu gfadasug at fandotaman sa anya fagayu.

Ub 30:15

Ay anke fakalimuun au maksvn, ay ku fagmasineun masakit way lang nalyam, kata sik tagmara at magaras nu nauyup, ay ku ngay ramraman nalyam yangay kata linyabu nu nalyam.

Ub 31:23

Kwa mafakamulun takatanya, aroro kalimu au at mabalyanan fag Dius at faurianan.

Ub 34:6

Dewa au matuyan Dius glong way te, kamuag kway, ay dewa au yud e nafakamulun asalanan, kanya nafae fakasaitun angku at yud gfangafia.’

Ub 7:20

Tagulit ngay taw, nu nke asalanan kway sa emu, nataw ku asalanan? Wain am fagnafiliun angku laman am fagfaidapanun? O gfaidapan au emu?

Ub 9:17

Aroro kanya gfaidapan angku kata fulug nu gfae fagidapun. Ay kanya nafamut yay ku fagidapun, dewa au yay e malong.

Alubad. 143:7

Yawi, gubuki angku masakit, aroro kwe fagsegun ya. Ay lag gtalyuyan angku, aroro mankata au ngay taw at kinbul wan.

Alubad. 18:14

Limbad wan am famana am ngay fawayan, ay kanya fagayu nalagyu ay nafansaruayanan way lang.

Alubad. 21:12

Ay kanya fagayu nu nalag te, gfatiuan wo sa anya fagayu am godun, kanya fagayu glagyu.

Alubad. 38:2

Kata nu nafana o angku: am ngay banyas antaruk sa ku bilug, ay am daluap gtigna angku.

Alubad. 38:3

Anmomuy au, aroro kadotama o angku. Ay aroro sa ku ngay asalanan, ku katagluan wa maugali ya.

Alubad. 45:5

Maruk am ngay banyas, ay kataruk sam ngay fawayan at baga. Ngay talun at taw grungan sam salubangan.

Fangatulun 14:10

Sik taw mandi tagsaful at mesa fakabaluun ay at fagusegananun.

Fangatulun 18:14

Sik taw at ke fakasaitun, nu maksvn tua at amatanganan, gfabitsug tua anya. Dewa katanya, nu dway e fagsegun ya, wa mafangagwanta.

Isayas 28:19

Ay kayu ban menit kadasug sa ayu takatanya, sbalabag ay sad yabi, ay matuyan wan umlimus am.” Gina ban am natogdungug kanya fag foyungan umlimu wam fia.

Takabalu 2:4

Ay kanya gfatiuan at banyas sat ngay taw kata nu at fawayan. Ay nafabul wan at fagfanagsagun fag ngay taw. Ay kanya nafadasug sa sangay taw Israel at dotama kata sik afuy.

Takabalu 3:3

ay malayun nu gfaurianan angku kayu menit ay yabi.

Markus 15:34

Ay gina sfafun sfatulu, Isus nauro daul te, “Elui, Elui, lama sabaktani.” At masuad te, “Ku Dius, ku Dius, wain am fagnafabayanun angku.”

2 Kurintu. 5:11

Dakngani saful wami te, masine nu gseg tua tam fia tam Fun, maksvn nu gugatan ami gfoyung sa sangay taw laman gafanud ban sa anya. Dius nasaful wan em kaugalian ay em fagsegun sumaful yangay am sabaliwa emi.

Deuterunumyu 32:42

Ay at ngay taguk ban ganting aroro sa ku bangko, ay ku fiso namabul at ngay bilug. Ay umbul yangay ban anggan at ke fakarukan, ay at maubungan, ay anggan at ngay tagfangguna.”

Rut 1:20

Nuemi nalong sa kafag ngay mangena te, “Lag am gfangayan ya angku te, Nuemi, nu bunway, Mara yakman lang, aroro at mabalyanan fag Dius nafaksvn ku fagidapun.