Ub 5:5 - Fanawbuid tagsibaliwas Fakayabian

⁵ Ay tiba way ban ktaw takon at gutluan. Ay anggan at ngay tanum at rawvg tagsis wa dugi, takalunus way fag ngay taw at nangon. Ay ngay taw ban tagfangalabian ramraman gago wan kafag taw at ngay ramraman.

Ub 5:5 ပူးပေါင်းရင်းမြစ်များ

2 Krunika 33:11

Nu katanya, Yawi naylat Asirya at ngay tagfawayan nu gfawayan anya fagayu. Ay kanya fag ngay tagfawayan nataban Manase ay nafae sanggit at dungus ay nasiuk anya salambitan ay nataban sas Babilunya.

Ub 1:15

ngay taw Syeba masakit andasug ay nataban wan fagayu am ngay fagbaugun ay nafabul yangay ku ngay fadgaloan, ay au way lang at nalagyu laman nanlong sa emu.”

Ub 1:17

Ay gina kafag fagsuguan garingang, andasug yay fia at fatuluk fagsuguan ay glong te, “Tuluk gaban taw Kaldea andasug sa emi ay nataban wan fagayu am kamelyu ay nafabul wan ku ibama, ay au way lang at nalagyu laman nanlong sa emu.”

Ub 12:6

Dewa katanya, takamabul fag ngay taw manabayan nu gbanwan, ay ngay taw takauri Dius maseganama tua, dewa katanya, kanya fagayu at fagsegan at sadili way lang fagmakatuun.

Ub 2:3

Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Ub 20:15

Ay kanya ban kata nu nansufa at nafangkamul fag ngay ramraman, Dius namafangkok ban anya dewa siwa at basad ungdan.

Ub 20:22

Gina yay ban e ramraman, umdasug ban sa anya at maksvn fag fagidapun.

Ub 22:10

Siginan takatanya am fakamulun, ngay sangdaw maligung emu, ay sik fanlimu ban kadasug masakit sa emu.

Alubad. 109:11

At fagbedanan ban nangus mul wan at ngay ramraman, ay at fagyudun toglag fag ngay taw nangus mul wan at ngay nainlufuyan.

Isayas 62:8

Yawi nafatuyanan te, namakamulun takatanya siginan at fagmabalyananun. Ay kanya nalong te, “Kwa ban gfon ya ay ngay trigu sa ay ngay fawayan tagsiginan tibak talun. Ay kanya ban fagayu wa nanginum ya ay ngay wat ubas at mamam, ay nainlufuyan.

Eremyas 51:34

Ngay taw Erusalem glong te, “Nabukudunusur talun Babilunya at fun kata sik ule daul naon emi. Ay kanya nafapsug anya em ngay ramraman, ay naubun wan em furuan ay we nafasawad ya nusnge wain, kata way lang sik tikung at yud e bilug ya.

Eremyas 51:44

Gfaurianan kban Bel, talun Babilunya at fagsegan, ay gfafangkok kban at ngay naon. Ay ngay talun ban at ngay taw we nangadasug ya sa anya laman nanseg. Ay umrasras wan talun Babilunya at ngay alad.

Takabalu 2:16

Am ngay fawayan gfalingun emu, gifulan ay gfaringgit at ngay bagang ay glong te, “Katsi narasras watam furuan Erusalem! Katsi wan fag menit tam fagfanyaun, ay anfasludan wan!”

Takabalu 2:5

Fun Dius naiklas Israel kata nu at fawayan, ay naiklas yangay ngay furuan at alad, ay anggan fun at alad bale. Ay nafamut yay kafag ngay taw at fakabaluun ay at fagwaywayun.

Usea 8:7

Kanya fagayu kata way nu gtanum tagmara ay ggutlu tagridribudan fag tagmara. Ay kanya fagayu kata yangay sik trigu at yud e rawvg. Ay kanya nu narawvg di, tiba way ro ktalun takon.

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.

Deuterunumyu 28:51

Kanya ban fagayu gfamin ay ngay fagbaugun ay ay ngay gutluan yakmay ban am anbul. Kanya ban fagayu we fasawadan ay ngay trigu, mamam malangu ay langis ay anggan ay ngay fagbaugun yakmay ban am ankamin.

Tagfangguna 6:11

Sanya ginan, Yawi at tagbarita andasug sas Ufra ay namalunggung sis fun kayu daul sis Uas at talun. Uas siginans Abieser at kasugfunanan. Ginanya, Gidyun, Uas at baguama, gruyus trigu sis fagturisan ubas at rawvg laman ngay taw Midyan wa glag at ngay trigu.