Ub 5:18 - Fanawbuid tagsibaliwas Fakayabian

¹⁸ Aroro sia yay tagfafia sat nafae fakarukan, ay kanya yangay tagfasun sat nafaidapan fag ngay taw.

Ub 5:18 ပူးပေါင်းရင်းမြစ်များ

Alubad. 147:3

Kanya ban gfasun fagayu takabalu. Ay gsifig ngay taw at bangbang laman gfafia.

Isayas 19:22

Yawi ban namaurianan kanya fag ngay taw Igiptu, ay dewa katanya, namafia yay ban anya. Kanya fag ngay taw nangakbang sas Yawi, ay Yawi gbalus ban at darangin ay gfafia.

Isayas 30:26

Ginanya ban, magdanun dumamlag kaksvn menit. Ay menit nu mayamag kafamut yay fitu ginan, kata nu nafasadi fituk menit at damlag sa sadik menit. Umfasludan ban takatanya gina Yawi gsifig ay gfafia at ngay taw at ngay fakarukan.

Eremyas 30:17

Ay gfafia kban ay ngay bangbang, tibak taw dewa nalong te, nafabayan wan ay naiyan ayu fag ngay taw Erusalem. Au, Yawi, taglong tuy.”

Usea 6:1

Ngay taw Israel gkamatoan te, “Gewan! Kafoli watam sas Yawi. Aroro kanya nafaurianan antam, kanya yangay ro at mafafia antam.

Lebitiku 14:48

Dewa katanya, tagfon fanggalangun nu nainsaful wan kanya fag bale gina natubus at ke amling fag ngay dingding ay nu nalag te, we amling ya, tagfon fanggalangun gfoyung te, kanya fag bale masine wan aroro we amling ya.

Deuterunumyu 32:39

Damai au way lang ay Dius! We tibak dius sas day angku. Au at mafabul ay au yangay at mafaleleg, ay au wan at mafae fakarukan ay au yangay at mafafia. Ay we malagyu siginan angku.

1 Samwel 2:6

Yawi e fagmabalyananun gfabul ay gfaleleg taw. Ay e fagmabalyananun namoli taw sat mabulan at talun ay gfalin sanya ginan.