Ub 5:13 - Fanawbuid tagsibaliwas Fakayabian

¹³ Kanya saful way te, at ke fagsafulun kamasaweun way, ay nasalag way ngay tagfandaya at algan.

Ub 5:13 ပူးပေါင်းရင်းမြစ်များ

2 Samwel 15:31

Ay e nalong sas Dabid te, “Akitufel galo wan Absalum.” Nu katanya, Dabid gdarangin te, “Yawi, lag gfae tungkul Akitufel at ngay nalong.”

2 Samwel 15:34

Nu katanya, afolii wan sas furuan daul ay nanlong o sas Absalum te, ‘Namaning au emu kata ebi nu gfaning au am mama.’ Nu katanya tua am fakamulun, mafagubuk o angku siginan nu gsalag o Akitufel at famalun fag ngay longan.

2 Samwel 17:23

Akitufel nu nasaful te, Absalum wa nafaning at famalun, kanya nasakay wa vtv sat asnu ay noli wan sat furuan. Ay kanya nu nafangatulun wan sat ngay kalongan, narabing wan at sadili. Ay e nanamoli at bilug sat mama at fagfolian.

Ester 7:10

Nu katanya, kanya fagayu narabing Aman sat nafalganan fag fagrabingan laman sas Mardukyu. Ay fun at dotama nalyam wan.

Ester 9:25

Ay fun nu nasaful kafag algan siginan at mangena Ester, kanya nafariruk sik suguan te, “Fakamuluni sas Aman talamean kata at algan mauri sa sangay taw Udyu.” Ay katanya wa fia at kinfasludan.

Ub 15:5

Siginan am asalanan glong o at mauri, ay am longan kata sik taw tagfanuksuk at longan.

Ub 37:24

Nu katanya, ngay taw gsuyu anya, ay kanya wa kasalag ngay taw taglong te, e fagsafulun.”

Alubad. 18:26

Malukme tuo sat matuyan fag ngay taw, ay kadotama o at yud matuyan fag taw.

Alubad. 9:17

Fagayu tagasalanan sas fagayu talun tagtalyuyan Dius nangadasug ban sas fakabulun.

Fangatulun 3:32

Aroro Yawi kauri maksvn ngay taw at yud matuyan at amatanganan, dewa katanya, kanya guseganan tua tagugali at matuyan.

Isayas 19:3

Ay ngay taw Igiptu ummomuy ban at amatanganan, ay namasayuan kban at ngay algan. Kanya ban fag ngay taw nanget gubuk sat ngay fagsegan, ay sa sangay labang, ay sa sangay mabara ay anggan sa sangay tagsaful gbalawvn.

Isayas 44:25

Kwa nafafasludan at yud matuyan fag ngay taglong at ngay foyungan. Ay nafayud au e masuad ngay tagfangalga at nafangalga takadasug ban, ay nasalag au at ke ngay fagsafulun at ngay longan, nu katanya, wa nke masuad at fagsafulun.

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 49:7

Katatuy Yawi at Mabalyanan at longan sabaliwas Edum: “Dada wan at ke fagsafulun sis Teman? O we tagsaful ya gfalu longan?

Eremyas 8:8

Setain nu malong am te, e fagsafulun am? O aroro saful wayam Yawi at faugali? At matuyan, ay ngay takamoyung natubus wan Yawi at faugali.

Eremyas 8:9

Ngay taw taglong te, e fagsafulun ami, umke fakaplaun ay umke fakalimuun aroro e nantaban ban anya fagayu. Aroro kanya fagayu natalyuyan ku ngay longan, nataw fag fagsafulun tagsi anya?

Eremyas 9:22

Ay Yawi nalong te, “At ngay mabulan kata sik fagbaugun at kek nangarapyag sa sangay gamasun, ay kata yangay taggutlu at nafamato fag ngay rawvg at yud e namul ya.

Tap 22:25

Ay at asnu nu nalag Yawi at tagbarita nalisgisan sis alad ay Balaam at darafa ansikfit sis alad. Nu katanya, Balaam nadog yay nafalang at asnu.

Lukas 1:51

Dius nafalag at mabalyanan fag fakamulun. Ay kanya naiyan wan fagayu takamatungudun sat amatanganan.

1 Kurintu 3:19

Aroro nu sas Dius at daga salubangan, we tungkul tagste swa daga fag fagmamatanganun, kata at Rirukan te, “Dius ban gyukfu at mamatanganan fag ngay taw gina gfandaya.”