Ub 42:9 - Fanawbuid tagsibaliwas Fakayabian

⁹ Nu katanya, Elifas tagsiginans Teman, Bildad tagsiginans Sua ay Sufar tagsiginans Naama, nafaning Yawi at suguan, ay Yawi nabalus Ub at darangin.

Ub 42:9 ပူးပေါင်းရင်းမြစ်များ

Fakasigadan 20:17

Gina Abimelek nabul Sara, Yawi nafayud gsisian fagayu mangena tagbanwan sis Abimelek at bale. Nu katanya, Abrayam nadarangin sas Dius, ay Dius nafafia Abimelek at mangena ay anggan at fagsuguan fag ngay mangena laman gdog tua kae sisian.

Ub 2:11

Ub at fagadgalangan at tulu nadungug at kindasug sa anya. Kafag tulu at ngay ngayan te, Elifas sik taw Teman, ay Bildad sik taw Sua, ay Sufar sik taw Naama. Ay mangama tulu ansadi nansibo Ub laman namalag te, kabalu yangay, ay laman namasun anya.

Ub 22:27

Darangini sa anya ay kanya dumungug emu, ay fafasludani tua am ngay fatuyanan sa anya.

Ub 22:30

Ay anggan ke asalanan fag ngay taw nu nalag am ugali at matuyan, kanya ro umlangfe tua.”

Ub 42:10

Ay Ub nu nadarangin wan at ngay fagadgalangan, Yawi gdog yay nafaramraman Ub duak kayu ebi at ramraman.

Ub 42:8

Nu katanya, katsi namul am fituk baka tama ay fituk tupa tama, ay namuba am sas Ub, ay namon am sa angku sik fagirugun fag fanggalangun laman famalyam ay fagmauriun. Ay Ub ro gdarangin ayu, ay gbalus kro at darangin, ay kwa ro gfaurianan ayu sat kasakan sa ay nasalan. Wam nalong at matuyan sabaliwa angku kata ku fagsuguan Ub.”

Takamoyung 9:7

Useganani, fangoni, ay mamami fanlangu, aroro kanya Dius at fakaylatun am fakamulun.

Isayas 60:14

Tagfalingun ban emu at ngay sisian umkakbang sa emu ay kamababaun. Ngay tagfauri emu gtudan ban sam daga salubangan, ay kanya ban fagayu gngayan emu te, Yawi at Furuan, ay mannga ‘Siun, Israel at Dius at yud e Malong at Furuan.’

Esekyel 14:14

Kanya ban fag ngay taw dewa gfadgaloan yay Nui, Daniel, ay Ub, kanya way lang fag tulu takalangfe, aroro kanya fag tulu matuyan tua at ugali. Au, Fun Dius Yawi, taglong tuy.

Mateu 7:24

“Fagayu at nadungug ay at nafaning ku longan kata sik taw at mamatanganan nu gbale. Kanya fag taw naali ngabasad, at kabasadan andasug sas gang.

Uan 2:5

At mina glong sa sangay fagsuguan te, “Fakamuluni nusnga setaw at longan ayu.”

Fakamulun 10:33

Nu katanya, nafauro au emu. Ay fadi fadi andasug tuo stae. Ay katsi maful ami ste sis Dius at daga salubangan laman gdungugan tam Fun at ngay longan siginan emu.”

Fakamulun 9:6

Alindugi, ay loi sas furuan, ay sanya ro e gfoyung emu am fakamulun ban.”

Ebreu 11:8

Aroro Abrayam gafanud tua sas Dius, kanya nafaning tua Dius nu nalong sa anya te, “Loi wan sa ku nafatuyanan sa emu fag talun.” Ay kanya nalao deyud nasaful at fakadasugan ban.