Ub 42:8 - Fanawbuid tagsibaliwas Fakayabian

⁸ Nu katanya, katsi namul am fituk baka tama ay fituk tupa tama, ay namuba am sas Ub, ay namon am sa angku sik fagirugun fag fanggalangun laman famalyam ay fagmauriun. Ay Ub ro gdarangin ayu, ay gbalus kro at darangin, ay kwa ro gfaurianan ayu sat kasakan sa ay nasalan. Wam nalong at matuyan sabaliwa angku kata ku fagsuguan Ub.”

Ub 42:8 ပူးပေါင်းရင်းမြစ်များ

Fakasigadan 20:17

Gina Abimelek nabul Sara, Yawi nafayud gsisian fagayu mangena tagbanwan sis Abimelek at bale. Nu katanya, Abrayam nadarangin sas Dius, ay Dius nafafia Abimelek at mangena ay anggan at fagsuguan fag ngay mangena laman gdog tua kae sisian.

Fakasigadan 20:7

At masine, fafolii wan anya sat indugan, aroro at indugan sik taglong, ay gdarangin ro emu laman di ro wo kabul. Ay nu dway ro wo nafafoli anya, umbul ro wo gasfuan am ngay taw.”

1 Krunika 15:26

Ay aroro Dius nagubuk tua ngay taw Lebi gina gbuba Fagsuadan Yawi at Nasadian, kanya fagayu nafon at ngay fanggalangun, fituk tumad baka ay fituk tupa.

2 Krunika 29:21

Ay kanya fagayu nataban fituk tama baka, fituk tama tupa, fituk riangan tupa, ay fituk tama kambing, laman at fanggalangun famalyam fagfagtainanan at asalanan, ay sas Dius at bale, ay sa sangay taw Uda. Ay fun Esekyas nasugu sas Arun at ngay baguama fag ngay tagfon fanggalangun laman nangirug kanya fag ngay fanggalangun sas Yawi.

Ub 1:5

Ay galay antabu at fagmafulun, Ub gfon sas Dius sik fanggalangun, laman sat ngay sisian. Kanya masurip nu kafulo ay gfon sas Dius sik fagirugun fag fanggalangun laman sat ngay sisian aroro gamatangan te, ay at ngay sisian manga anke asalanan way, ay e nalong mauri sas Dius. Ub gfakamulun gugat takatanya galay at ngay sisian at fagmafulun antabu.

Ub 1:8

Ay Yawi ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun.”

Ub 22:30

Ay anggan ke asalanan fag ngay taw nu nalag am ugali at matuyan, kanya ro umlangfe tua.”

Ub 35:8

Dewa o gfakamulun at masine ay at mauri, sa way lang sa ngay taw am fagfalagan takatanya.

Ub 42:9

Nu katanya, Elifas tagsiginans Teman, Bildad tagsiginans Sua ay Sufar tagsiginans Naama, nafaning Yawi at suguan, ay Yawi nabalus Ub at darangin.

Alubad. 103:10

Kanya nu gfaurianan antam di kaksvn tam ngay asalanan ay tam ngay kakurangan.

Nu Galin 18:12

Sanya ginan, Etru nafon sik ngay fagirugun fag fanggalangun ay tiba yak fanggalangun sas Dius. Ay kaduge gfakamulun, Arun ay tiba yak fagtainan taw Israel andasug. Ay nafasfuan Etru laman nanfangon sis Dius at daga salubangan.

Isayas 60:14

Tagfalingun ban emu at ngay sisian umkakbang sa emu ay kamababaun. Ngay tagfauri emu gtudan ban sam daga salubangan, ay kanya ban fagayu gngayan emu te, Yawi at Furuan, ay mannga ‘Siun, Israel at Dius at yud e Malong at Furuan.’

Eremyas 14:11

Sanya ginan, Yawi nalong sa angku te, “Lag o gdarangin sabaliwa kafag ngay taw at fagmanabayanun.

Eremyas 15:1

Yawi nalong sa angku te, “Dewa yay ro Muisis ay Samwel at namainfanyuan sa angku laman sanya fag ngay taw, kwa kafanyu ya anya fagayu. Nu katanya, namayayu o anya fagayu siginan angku. Nangaiyan wo anya fagayu!

Esekyel 14:14

Kanya ban fag ngay taw dewa gfadgaloan yay Nui, Daniel, ay Ub, kanya way lang fag tulu takalangfe, aroro kanya fag tulu matuyan tua at ugali. Au, Fun Dius Yawi, taglong tuy.

Esekyel 45:23

Kayu menit kaduge fituk menit nu maful am, ay tagfangguna gfon fanggalangun fituk riangan baka tama ay fituk tupa yud e malong laman fagirugun fag fanggalangun sa angku. Ay kanya gfon yangay sik kambing laman famalyam asalanan fag fanggalangun.

Tap 23:1

Balaam nalong sas Balak te, “Awati ste fituk fagirugan laman ku fagnangirugan, ay falganani fituk riangan baka ay fituk tama tupa laman ku fanggalangun.”

Tap 23:14

Nu katanya, Balak nataban Balaam sa sik gamasun tagsis Supim, sis tungud buksul Pisga ay kanya nafawat sanya fituk fagirugan fanggalangun, ay nairug sik riangan baka ay sik tama tupa sis galay fagirugan.

Tap 23:29

Balaam nalong te, “Awati ste fituk fagirugan fanggalangun laman ku fagnangirugan, ay falganani fituk baka tama ay fituk tupa tama laman ku fanggalangun.”

Mateu 3:17

Ay e naringang siginans banwa te, “Tuy wan ku fakesugun ku Baguama. Maksvn nu guseganan au anya.”

Efesu 1:6

Fauseganani Dius, aroro kanya nafakamulun tua at madulo fag famonun sa antam siginan at fakesugun at Baguama.

2 Timuteu 4:14

Aleandru fag takawat ngay fagagbilugun siginans sanbung, kanya mauri at fakamulun sa angku. Tam Fun waban tagfasud sa anya kata at nafakamulun.

Ebreu 10:4

Aroro baka tama at taguk ay kambing at taguk wa mafafalyam taw at ngay asalanan.

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.

Santiagu 5:14

Nusnga sinu si ayu at ke fakasaitun, fafuli bale fakafulan at ngay fagtainan, laman gdarangin ay gfatayuk sa anya sik langis sa tam Fun at ngayan.

Santiagu 5:16

Nu katanya, fodfoyungani ay asalanan ay darangini, laman Dius gfafia ayu. Aroro sik taw at matuyan, at darangin e fagmabalyananun ay gbia at fanambagun.

1 Uan 5:16

Sik taw nu nalag at faduksay nu e asalanan, ay at asalanan nu ddi gfadasug anya sas fakabulun, darangini anya, laman Dius gfon anya leleg at yud e fakatabuan. Kanya sabaliwa at ke asalanan at yud gfadasug sas fakabulun. E sik asalanan tagfadasug taw sas fakabulun. Ay bunwa takatanya fag asalanan ku nalong te, darangini.

1 Uan 5:6

Tam Fun Isus antuyan fia te, Dius at Baguama, siginan nu kasurung sas mamam, ay siginan yangay at taguk at kinbusbus gina kabul. Bundi lang siginans mamam, nu bunway siginan yangays taguk. Ay at tagfatuyan at Masine fag Falad wan, aroro kanya wan at matuyan.

At Nafasure 3:9

Dungugani, namasalubang kban sa ayu ay namalub sa ay daga darafa Satanas at ngay taw, at nafamuag ay at nafamaningan te, kanya fagayu sik ngay taw Udyu. Namakamulun au takatanya sa anya fagayu laman sumaful te, kesug au ayu.

1 Samwel 25:35

Ay Dabid nabul Abigail at ngay famonun, ay nalong anya te, “Ulii wan manabayan, aroro namakamulun kban kata am ngay fagetun.”