Ub 42:6 - Fanawbuid tagsibaliwas Fakayabian

⁶ Nu katanya, kapla au aroro sa ku ngay nalong sabaliwa emu, ay katsi gubun kwan ku asalanan siginan nu nanmalunggung au sasad dafug ay sas wa lukbu.”

Ub 42:6 ပူးပေါင်းရင်းမြစ်များ

Fakasigadan 18:27

Abrayam gdog yay nalong te, “Ku Fun, gfakamatoan au emu dewa au sik taw at yud masine glong sa emu takatatuy.

1 Fun 21:27

Akab nu nadungug Elyas at nalong, kanya narasras at lanbung ay nasulun saku, ay wa gfangon laman gdarangin ay ginbaluanan glao.

Esra 9:6

Nalong au te, “Ku Dius, maksvn nu kapla au. Kwa matangda ya emu at kaksvnan nu kapla au, aroro maksvn wan em ngay asalanan; kata wa nu nasawe sa em ngay alfuyu ay gakadasugun banwa.

Ub 2:8

Ay Ub nabul sik nagrufan tikung at fanggarit at ngay bangbang kaduge malunggung sisad dafug.

Ub 30:19

Ay naukas angku sasad lifak, ay nalukbuun au.

Ub 42:5

Ebi siginan way ku iba nu gsaful au sabaliwa emu, dewa katanya, katsi nalag kwan emu.

Ub 42:7

Ay Yawi nu nalong wan sas Ub takatanya fagayu, kanya nalong yangay sas Elifas tagsiginans Teman te, “Kadotama au emu ay am fagadgalangan fagdua. Aroro wam nalong at matuyan sabaliwa angku kata ku fagsuguan Ub.

Ub 9:31

kanya ngap namatong yay gugat angku sat malifak fag alian, dewa ku sadili lanbung kapla kway.

Alubad. 51:17

At matuyan fag fanggalangun laman sa emu, sik amatanganan takamababaun. Ay di o gaiyan am nafauri fag taw at naubun tua at ngay asalanan.

Isayas 5:5

Namoyung au ayu ku fagnamakamulunun ban sa ku tanuman wat ubas: Nanrasras kban at matunglu fag ngay tanum, ay nanrufa kban at alad, laman ngay mela nangon ay nansiad.

Isayas 58:5

Gina am yud gfangon laman gdarangin, maksvn nu kamababaun am. Garungan am kata sik ugun at ngay don. Gsulun am lanbung tagfatoglag te, kabalu am, ay gtaygilidan am sis dafug. O nunda kata kanya at matuyan nu yud gfangon laman gdarangin? O nu glong ro am guseganan au takatanya?

Eremyas 31:19

Natalyuyan ami emu, ay katsi, nafoyung ami fagayu em asalanan. Ay nu nasaful ami te, e nasalan ami, natalaptap ami em ngay dubdub kaduge ami gfoyung em asalanan. Kapla ami sa em nafakamulun ebi gina ami masisian.”

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Esekyel 20:43

Sanya ban nu gamatang am ay ngay nafakamulun at nafauri ay ngay sadili, ay kauri ban am ay ngay sadili aroro sa ay nafakamulun at mauri.

Esekyel 36:31

Ay gamatang ban am sabaliwa ay ugali ay ay fakamulun at mauri. Nu katanya, kauri ban am ay sadili aroro sa ay ngay asalanan ay sa ay nafakamulun at masuya.

Esekyel 6:9

ay kanya ban fagayu sik ngay natabanan. Ay gina gbanwan sa tibak talun, sanya yaban nu gamatang angku, ay sanya yangay ban nu gamatangan te, nu se aksvn nu kauri au at nafamaboan angku ay nu gseg at ngay fagsegan. Ay kanya ban fagayu maksvn nu kauri at mesa sadili, aroro at ngay nafakamulun maksvn nu mauri ay nu masuya.

Daniel 9:3

Nu katanya, ankakbang au sas Fun Dius ay kwa nafangon laman gdarangin, ay nasulun au saku ay nafasa ku alfuyu dafug laman gfalag te, kabalu.

Lebitiku 13:12

Ay kanya fag taw at butsig nu nfagdaul way at bilug,

Mateu 11:21

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Lukas 10:13

Ay Isus nalong te, “Ida, furuan Kurasin ay furuan Betsaida at ngay taw. Aroro nu sa di ngap furuan Tiru ay Sidun nu gfakamulun au ku nafakamulun sa ayu at madulo, kanya ro fag duak furuan glugo wan nu gubun at ngay asalanan, ay gsulun saku, ay malunggung sis dafug, laman gfalag te, gubun wan at ngay asalanan.

Uswe 7:6

Aroro siginans fakabaluun Uswe ay anggan at ngay fagtainan sis Israel nagirat at ngay lanbung, ay nafae lukbu at mesa alfuyu, ay anlub sis salubangan Fagsuadan Nasadian anggan andulum.