Ub 40:4 - Fanawbuid tagsibaliwas Fakayabian

⁴ “Kwa gbalus emu, gragangan kyakman lang.

Ub 40:4 ပူးပေါင်းရင်းမြစ်များ

Fakasigadan 18:27

Abrayam gdog yay nalong te, “Ku Fun, gfakamatoan au emu dewa au sik taw at yud masine glong sa emu takatatuy.

Fakasigadan 32:10

Kwa masine gbul fagmasineun ay fagmatuyanun am nafalag sa angku am fagsuguan. Aroro ebi gina au gdife Liskung Urdan, kwe buba sangay ku tulag, ay dewa katanya katsi, e tabanan ktua duak gaban.

2 Samwel 24:10

Dabid nafanawa nu ntabu nanginsaful ngay taw. Ay kanya nalong sas Yawi te, “Maksvn ku asalanan siginan ku nafakamulun takatanya. Nu katanya, Yawi, gfainfanyuan au sa emu te, falyami ku asalanan aroro ku nafakamulun kata way sik taw at yud e fagsafulun.”

1 Fun 19:4

Ay kanya nu glao sas talun at yud e taw sadik menit. Kanya natungkud ay namalunggung si sik daga fun kayu, ay nadarangin laman kabul wan. Kanya nalong te, “Yawi, maksvn wan nu gidapan au! Buli wa ku leleg. Kwa ngap e fagsamanun ku ngay mangaguyang.”

Esra 9:15

Yawi, Israel at Dius, matuyan tuo. Aroro naylat tuo nu kae sawad ami dasug katsi. Gtuyan ami te, e ngay asalanan ami, ay wami manangalindug ya sa am fagmasineun, aroro e ngay asalanan ami.”

Esra 9:6

Nalong au te, “Ku Dius, maksvn nu kapla au. Kwa matangda ya emu at kaksvnan nu kapla au, aroro maksvn wan em ngay asalanan; kata wa nu nasawe sa em ngay alfuyu ay gakadasugun banwa.

Nemyas 9:33

Matuyan gfaurianan o emi. Ay matuyan yangay o sa emi, dewa katanya, sik ngay tagasalanan waymi.

Ub 16:21

Ku tagfatuyan gfainfanyuan sas Dius laman sa angku, kata sik taw taget laman sat fagadgalangan.

Ub 21:5

Lingamani angku, o wa ro am e fakaduloun? Ay taupi ay bibig.

Ub 29:9

Anggan ngay funan gragangan way lang.

Ub 31:37

Ay gfoyung au sas Dius fagayu ku nafakamulun ay nansalubang au anya kata sik funan at yud kapla.

Ub 37:19

Longi emi nu setain at masine em fagnanlongun sas Dius. Wami saful em longan ro, aroro yami bangan e fagsafulun.

Ub 40:3

Nu katanya, Ub nabalus Yawi te,

Ub 42:6

Nu katanya, kapla au aroro sa ku ngay nalong sabaliwa emu, ay katsi gubun kwan ku asalanan siginan nu nanmalunggung au sasad dafug ay sas wa lukbu.”

Alubad. 39:9

Gragangan kway lang, kwa garingang ya, aroro ku fagidapun am naylatan wan.

Fangatulun 30:32

Siginan am fagyudun e fagsafulun, nu nanfamatungudun way o, ay am algan nu namakamulun way o at mauri, lag o gfataglayun ya takatanya.

Isayas 53:6

Ankata tam sik tupa at malyaman. Ay tam fagfaningun tam sadili way fakaylatun. Dewa katanya, Yawi nafafasanan wan sat fagsuguan tam fagnandalanun ma fag ngay fagidapun.

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Takabalu 3:29

Suyui tua Yawi, ay dangay yud e fagsegun.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Daniel 9:5

“Anke asalanan ami sa emu. Nafakamulun ami at mauri ay wami nafaning am ngay suguan ay am ngay faugali.

Daniel 9:7

“Em Fun, matuyan tuo, dewa katanya, dasug katsi tagsi emi fakaplaun way. Anggan ngay taw Uda ay Erusalem, ay anggan fagayu taw Israel am nafarapyagan sa sangay talun at munakbang ay tangayayu aroro nafamabo emu.

Lebitiku 13:12

Ay kanya fag taw at butsig nu nfagdaul way at bilug,

Mikas 7:16

Ay at mabalyanan ban fag ngay talun nu nalag takatanya, umkapla, ay wa ban gfalingun ya emi.

Abakuk 2:20

Dewa katanya, Yawi gbanwan sit bale at yud e malong. Nu katanya, fagayu taw sas fagdaul daga maragangani sit daga salubangan.”

Sakaryas 2:13

“Fagayu am maragangani sis Yawi at daga salubangan, aroro kanya kadasug siginan at fagbanwanan at yud e malong.”

Lukas 18:13

“Ay kafag tagbul famayad laman sas fun namalindug ngayayu siginan tibak taw ay wa gtangda, aroro kapla. Kanya grungan ay glong te, ‘Ku Dius, afanyui angku, aroro sik tagasalanan au.’ ”

Lukas 5:8

Simun Pedru, nu nalag at kinfasludan, namalub sas Isus at daga salubangan ay nalong te, “Ku Fun, ubuni angku, aroro sik tagasalanan au.”

1 Timuteu 1:15

Tuy at matuyan fag longan tam fagfaningun fia ay tam fagafanudun: tam Fun Isus andasug ste swa daga laman namalangfe ngay tagasalanan. Ay au wan at maksvn nu mauri sas fagayu.

Tagfangguna 18:19

Kanya fagayu gbalus te, “Lag o garingang ya. Aloi way lang emi. Gfili ban ami emu em tagfon fanggalangun ay tagfangatulun. O nunda wo kaylat nu sik tagfon fanggalangun ban o sis Israel at kasugfunanan at sadi, nu gamut ban nu si o lang sik bale?”