Ub 40:11 - Fanawbuid tagsibaliwas Fakayabian

^11-12 Falagi am dotama sa takamatungudun fag ngay taw, famomuyi ay rasrasi at mauri fag taw at kayaunanan.

Ub 40:11 ပူးပေါင်းရင်းမြစ်များ

Ub 20:23

Kafag taw gina manabayan, Dius maksvn nu kadotama anya, ay gfadasug at faurianan.

Ub 21:30

O nunda glong te, ‘At mauri ban fag taw umlangfe gina Dius gfaurianan fag menit.’

Ub 27:22

Gina gurungan glagyu, tagmara guyup gugat anya,

Ub 4:9

Dius ban nu nafadasug at dotama sa kafag ngay taw, kanya ban fagayu umbul.

Ub 9:5

Kanya nauig wa vtv ngay buksul, ay at kaksvnan nu kadotama kanya narufa wan kafag ngay buksul.

Alubad. 144:6

Ay fae limbadi kata sik ngay bangko, laman ku ngay fawayan lumagyu gsaruayan.

Alubad. 94:2

O yangay taginsaful sas fagayu taw, nu katanya, fakamuluni wan! Faurianani wan takamatungudun fag ngay taw tagalvngvdan sat ngay nafakamulun.

Nu Galin 15:6

Yawi, matuyan am fagmabalyananun, ay siginan takatatuy, narufa o am ngay fawayan.

Nu Galin 18:11

Ay katsi, nasaful kwa te, Yawi amabalyanan yap tibak dius aroro kanya nafalangfe ngay taw Israel siginan sangay taw Igiptu at nafaidapan anya fagayu.”

Isayas 2:17

Ay ginanya ban fag buknga, Yawi way lang ngay taw at fagfabatun ay at fagfausegananun. Kanya ban gfababa ay gfapla fagayu takamatungudun ay takamanagsag,

Isayas 22:19

Yawi nalong sa emu te, “Nangaiyan kban emu siginan am fakamulun.

Isayas 23:9

Yawi at Mabalyanan at ke algan takatanya, laman namatong takamatungudun tagseg at kamasinean, ay laman gfamababaun ngay takadungug sas fagdaul daga.

Isayas 25:11

Ay dewa katanya, kafag ngay taw namabulun yay ban nangalangfe kata sik taw tagakalubgubun. Ay dewa katanya, dewa saful gfioan, Yawi namalubgub yay anya. Ay namababa ban anya aroro kamatungudun.

Isayas 26:5

At matuyan, e gfababa wa fia nusnga sinu takamatungudun, ay e rumasras wan at furuan anggan umrapyag sas daga.

Isayas 42:25

Nu katanya, Yawi nafalag sa antam at dotama maksvn, ay nafaidapan antam sa tam ngay fawayan. Kanya nu kadotama kata sik afuy at maligung tagirug antam, aroro wa tam nafandungug ay namatangan.

Eremyas 48:29

At kaksvn nu kamatungudun am. Nadungug au nu se aksvn nu kamatungudun am kamanagsag.

Esekyel 28:2

“Taw at baguama, nanlong o sas Tiru at tagfangguna te, ‘Au, Fun Dius Yawi, glong au te, kamatungudun o glong te, sik dius o, malunggung o sit faglunggungan sis fagngabasadan dagat. Dewa katanya, at matuyan, dewa o gtuyan te, sik dius o, sik taw way o ay bunwa o sik dius.

Daniel 4:24

Mesug fag fun, katatuy am taginfan at masuad, sabaliwa Tiba Tungud fag Dius at algan sa emu:

Daniel 4:37

Nu katanya, katsi, gfauseganan au ay gfabat Dius tagsis banwa, aroro at ngay fakamulun matuyan, ay kanya gfababa ngay takamatungudun.

Naum 1:6

Sinu at magwanta Yawi nu nkuri? Aroro kanya nu nkuri, kata nu gfaduksun afuy siginan at bibig, ay gang kabaltak sit salubangan.

Naum 1:8

Ay kanya kata sik lugwak masakit kadasug laman namamin at ngay fawayan, ay gfafalo yakmay kanya fagayu anbul.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Lukas 18:14

Ay Isus glong yay fia te, “Gfoyung au ayu te, kanya fag taw gina guli, Dius natap anya kata sik taw at yud e asalanan, ay duan kafag taw Fariseu. Aroro nusnga sinu nu kamatungudun way, abandi ban e gfababa anya, ay kanya nu kamababaun tua, abandi ban e gfabat anya.”

Deuterunumyu 32:22

Nu kadotama au kata sik afuy tagigang, ay girug daga ay fagayu tagsanya, anggan sas daga daga, ay sa sangay buksul at fagtungkudan.

Santiagu 4:6

Ay Dius at nafon sa antam at gubuk kasakan wan. Nu katanya, anriruk sis Dius at Longan te, “Dius wa gfadiuganan takamatungudun fag ngay taw, dewa katanya, kafanyu tua nusnga sinu takamababaun.”