Ub 31:3 - Fanawbuid tagsibaliwas Fakayabian

³ O nunda ban ngay taw at yud matuyan wa gafaurianan, o ay tagfakamulun at mauri wa ban kabul?

Ub 31:3 ပူးပေါင်းရင်းမြစ်များ

2 Samwel 18:10

Ay Dabid at fagsuguan at sadi nu nalag Absalum, kanya nalao sas Uab ay nalong te, “Nalag au Absalum masayangan si sik kayu daul at sanga.”

Ub 18:12

Ay aroro kalunus wan, kanya garimanan wa ayu sirut kamomuy, ay fagmauriun mafalganan wan laman namabul anya.

Ub 20:29

Katanya ban at mauri fag taw at fakadasugan. Dius wan at nafalganan fagayu takatanya sa anya.”

Ub 21:17

At mauri ngap fag ngay taw wa ngayu takabul. Dius di vtv kadotama laman gfadasug fagidapun sa anya.

Ub 21:30

O nunda glong te, ‘At mauri ban fag taw umlangfe gina Dius gfaurianan fag menit.’

Ub 31:23

Kwa mafakamulun takatanya, aroro kalimu au at mabalyanan fag Dius at faurianan.

Ub 34:22

At mauri fag taw wa mananuksuan dewa sit madulum fag suluk.

Alubad. 55:23

Dius, dewa katanya, gfatong o sa tangabasad fag alian ngay taw takamabul ay tagfandaya, gina yay mabaguama. Dewa katanya au, gafanud ktua sa emu.

Alubad. 73:18

Anud, nafalyam wo kafag ngay taw at fagsegun, ay kanya ban umfaurianan wan. Ay kanya fagayu kata nu ndangsal ay nu ntong.

Fangatulun 10:29

At matuyan fag taw, nu gfaning tua Yawi at faugali, kanya wan tagdiri anya, dewa katanya, at yud gfaning, umfaurianan way.

Fangatulun 21:15

Nu fagmatuyanun tua at faugali, at matuyan fag ngay taw guseganan, dewa katanya, at mauri fag ngay taw maksvn nu kalimu.

Isayas 28:21

At matuyan, Yawi namawayan wa fia ayu kata ebi at nafakamulun sas buksul Perasim ay sas datag Gibyun. Namakamulun waban fia at madulo fag fakamulun.

Tap 16:30

Dewa katanya, Yawi ro nu gfakamulun at madulo, nu nafakarang way daga, ay naon anya fagayu, gasfuan fagayu at ngay fagagbilugun ay gfataglayun sas mabulan at fagbanwanan, sumaful ro am te, kafag ngay taw kamabo Yawi.”

Mateu 7:13

“Ay ay fagsakboan sa yakman talay fag sakbawan. Aroro tagbia fag sakbawan ay at malbang fag dalan, at fakadasugan sa ways faurianan. Ay ngayuk taw sanya way nu glao.

Ruma 9:22

Katanya yangay Dius at nafakamulun. Dius kaylat gfalag at dotama ay gfatoglag at fagmabalyananun. Dewa katanya, kanya nagwantan yay sas fagdaul at fangagwanta laman wa namamin at fagnamaminun wan fag ngay taw.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

2 Tesalunika 1:9

Kanya ban fagayu gafaurianan kabavn, ay umsaman ban sa tam Fun ay sat fagmasineun at mabalyanan.

2 Pedru 2:1

Ebi e takamuagan fag ngay taglong si sangay taw Israel, ay kadasug yangay ban sa ayu takatanya fag ngay taglong. Kafag ngay taw masuksukan nu gfadasug tagsalan ay at mauri fag ngay foyungan. Ay kanya fagayu kauri tam Fun, at nafalangfe anya fagayu. Nu katanya, faurianan ban masakit nu kadasug sa kafag ngay taw.

Udas 1:7

Amatangani at kinfasludan sas furuan Suduma ay Gumura, ay sat fakbangan fag ngay furuan. Aroro kanya fag ngay furuan at ngay taw gugatan sat fagfanugtugun ay sas fagmauriun. Nu katanya, Dius nafaurianan kanya fagayu sat yud karabung fag afuy. Takatanya sik famararang sas fagayu taw.

Tagfangguna 9:53

sik mangena nafatong sas Abimelek sik gang fanligis trigu ay natukan at alfuyu.