Ub 3:5 - Fanawbuid tagsibaliwas Fakayabian

⁵ Ginanya nangus madulum way gugat ay mannga linyabu gfarum way gugat menit, ay fagmadulumun nangus nafarum wan menit.

Ub 3:5 ပူးပေါင်းရင်းမြစ်များ

Ub 16:16

At kaksvnan ku nawayway, ku mata anraska, ay siginan ku fakabaluun, ku balat mata anlayung.

Ub 24:17

Kanya fagayu nangayan dulum te, Mayamag, aroro kabavn kanya fagayu at fakaylatun sa ways fagmadulumun.

Ub 28:3

Ay kanya fag ngay taw gasalungan laman gyamag sat fakalian. Kanya gfanrvbvy sat ngabasad, gang at ke tansu sa tiba daga fag sulbung.

Ub 3:4

Ginanya nangus fag menit madulum way gugat. Nangus tagsis banwa fag Dius wa namatang ya kafag menit.

Ub 3:6

Ay ku fangasalug nangus fag yabi wa ntap sa tibak yabi, ay wa yangay nangus anriruk ya sas fagrirukan ngay magdanun ay ngay banwa.

Ub 34:22

At mauri fag taw wa mananuksuan dewa sit madulum fag suluk.

Ub 38:17

O e nafoyung wa emu sakbawan tagsabaliwa ngay kinbul at talun?

Alubad. 107:10

Tibak taw gidapan aroro masiukan salambitan, ay maubungan sit madulum fag fagubungan,

Alubad. 107:14

Ay kanya nagatvng wan ngay salambitan fansiuk kafag ngay taw, ay nafalfas siginan at madulum fag fagubungan.

Alubad. 23:4

Kwa kalimu dewa au glao sat madulum fag dalan, aroro o wan ku ufud. Am famalang ay am tulag tagdiri ay tagfasun angku.

Alubad. 44:19

Dewa katanya, nafamomuy o ay nafabanwan emi sa ngay idu talun at fagbanwanan at maksvn nu madulum. Ay natabun o emi fagmadulumun.

Isayas 9:2

Ngay taw tagbanwan sisad fagmadulumun lumag ban sik maksvn fag fagmayamagun. Ay fagayu tagbanwan sanya gadamlagan.

Eremyas 13:16

Fauseganani ay Dius Yawi kaduge yud nafadasug fagmadulumun, ay gina am yud anlub sat madulum fag ngay buksul. Kanya ban namasik maksvn fag fagmadulumun ay fagsegun fag mayamag.

Eremyas 2:6

Kanya fagayu wa grvbvy ya angku dewa au at nafalangfe siginans talun Igiptu, ay at nafangguna sas talun at yud e taw, ay sa tagagangun, ay sat magong fag daga, ay sa sangay buksul, ay sat malimu, ay sat yud e gbanwan, ay sat yud e gdalan ya.

Eremyas 4:28

Fagdaul daga kabalu ay banwa kadulum, aroro nalong kwan ku faurianan ay kwa gfabadbalian ya. Nafalganan kwan ku namatangan ay namafasludan kwan.”

Esekyel 30:3

Yawi nu gfaurianan fag menit munakbang wan nu kadasug. Ginanya ban fag menit, glinyabu ay umdulum sa sangay talun.

Esekyel 34:12

Nanrvbvy kban anya fagayu kata sik tagalaga tupa nu grvbvy at ngay tupa tagsaruayan. Namaful kban anya fagayu siginan sangay talun nu inda nu marapyagan gina fag buknga e fagmauriun.

Uel 2:2

Ginanya ban fag menit, glinyabu ay madulum. Ngay liung ban kadasug ay nangarapyag sa sangay buksul gina gakamenitun. Ya batang e nfasludan takaksvn nya ay wa ban umfasludan ya takatanya kabavn.

Amus 5:8

Ay Dius nawat ngay galeme tagfulan at ngayan te, Pleyades ay Uryun. Dius yangay tagfae yamag ay dulum, ay tagfae menit ay yabi. Kanya nafatulbu dagat at mamam sas linyabu, laman gfae arak. At ngayan, Yawi.

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Lukas 1:79

laman nandamlag ngay taw tagsi yay sad dulum, ay takalimu sas fakabulun, ay laman namoyung ban antam, laman tam darafa lumao sat manabayan fag dalan.”

Deuterunumyu 4:11

Sanya ginan, ankakbang am sa angku ay namalindug am sis day buksul kaduge gigang gdasug sas banwa, ay fagmadulumun nasifig kafag buksul siginan sik linyabu malayung.

Ebreu 12:18

Wam ankakbang kata ngay taw Israel nu kakbang sa sik buksul takalag, sas Buksul Sinay at ke afuy tagigang, ay at maksvn nu madulum, ay ke tagmara maksvn.