Ub 3:17 - Fanawbuid tagsibaliwas Fakayabian

¹⁷ Ngay taw mauri at kinbul wan wa mafakamulun ya at mauri sis fagfolian, ay takalufuy fag ngay taw at kinbul wan, gfiangalay wan.

Ub 3:17 ပူးပေါင်းရင်းမြစ်များ

Ub 14:13

Dius, suksuki angku sa sangay kinbul at talun, yakmay o nafalyam am dotama sa angku, ay falganani yap sik buknga sabaliwa nu nangamatang o angku.

Ub 17:16

Ay galo wa angku sas fagfolian ku fagsegun ay gadgaloan wami sas fagfolian.”

Ub 3:16

Masine nu kata kdi ngap ngay sisian at kinbul wan gina kasalug, ay e nafoli wan gina yay yud nalag yamag.

Ub 3:18

At natabanan fag ngay taw at kinbul wan gfiangalay yangay sanya, ay kanya fagayu wa gdungug ya ngay taw tagfaidapan anya fagayu gfafakamulun.

Takamoyung 4:2

Nu katanya, nalong au te, amasine yap at kinbul nu gamut tagleleg.

Takamoyung 9:6

ay nalyam wan nu mafangesug, nu kadotama ay nu gfangalabianun, at ugali gina gleleg. Ay wa yangay saful ya fagayu takadasug stes fagdaul daga.

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Lukas 12:4

“Ku ngay fagadgalangan, gfoyung au sa ayu te, lag kalimu tagfabul ay bilug, aroro at fagmakatuun tagfabul way lang ay bilug.

Ebreu 4:11

Nu katanya, masine nu gugatan tua tam nangadasug sanya fag fagfiangalayan, laman ban di tam umkata ebi fag ngay taw at nafamabo.

Ebreu 4:9

At masuad, e kadasug yay ban sik fagfiangalayan laman sas Dius at ngay taw.

2 Pedru 2:8

Lut maksvn nu kabalu aroro siginan at nalag ay at nadungug fag ngay fagmauriun kayu menit, gina gbanwan magamut kafag ngay taw at mauri.

At Nafasure 14:13

Ay nadungug au sik aringang siginans banwa nu glong te, “Riruki takatatuy, Siginan katsi, mauseganan at kinbul tagafanud sa tam Fun.” Ay at Masine fag Falad glong te, “Sabv ngaro. Kanya fagayu gfiangalay ban siginan at nainlufuyan, aroro Dius gfon ban sa kafag ngay taw kata at nafakamulun.”

1 Samwel 28:19

Balabag ban Yawi namababawan emu ay fagayu taw Israel sa ay ngay fawayan fag ngay taw Filistia, ay am ban fag talamean umgamut am sa angku sas fagfolian.”