Ub 27:9 - Fanawbuid tagsibaliwas Fakayabian

⁹ Ay o nunda ro Dius gdungug kanya nu get gubuk, nu ndasug sa anya fagidapun.

Ub 27:9 ပူးပေါင်းရင်းမြစ်များ

Alubad. 109:7

Ay nu nainsaful ro anya, tagwabilug ro nangus lumong te, ‘Sia at ke malong.’ Dius, foyungi yangay te, ‘Kanya dewa gdarangin, gasalanan yangay.’

Alubad. 18:41

Kanya fagayu naet gubuk, dewa katanya, we nagubuk anya. Ay naet yangay gubuk anggan sa emu, dewa katanya, wo nabalus.

Alubad. 18:42

Narufa au anya fagayu kata lukbu, tagmara at fagmafalayugun. Ay naukas au anya fagayu nusnga nday kata sik ngay nakaurian.

Alubad. 66:18

Nu nesug kway ro ku ngay asalanan, tam fun ro wa nabalus angku.

Fangatulun 1:28

Ay gina ban am guro angku, kwa ban gbalus ayu. Grvbvy ban am angku, dewa katanya, wa ban am lumag.

Fangatulun 28:9

Sik taw at yud gfaning Yawi at faugali, Dius kauri way takatanya fag taw at darangin.

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Eremyas 11:11

Nu katanya, au, Yawi, glong au te, ‘Namadasug au sa anya fagayu sik faurianan at yud e malangfe. Ay kanya ban fagayu dewa get gubuk sa angku kwa ggubuk ya.

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Esekyel 8:18

Nu katanya, ku dotama ban umdasug sa anya fagayu. Kwa ban kafanyu ya anya fagayu. Ay dewa ban guro get gubuk sa angku, kwa ban ggubuk ya.”

Usea 7:14

Kanya fagayu wa matuyan dewa get gubuk sa angku. Kanya fagayu gwayway gina sit ngay igyan, ay gfaidapan at ngay sadili kaduge get fakonun ay fanginum sat ngay fagsegan.

Mikas 3:4

Gina ban am gafaurianan fag menit, get ban am gubuk sas Yawi, ay wa ban ggubuk ayu aroro sa ay fagmauriun.”

Sakaryas 7:13

Aroro kanya fagayu wa gdungugan ku ngay suguan, nu katanya, kwa yangay gdungugan nu guro angku.

Lukas 13:25

“Ay kanya fag tagagbilug bale nu nlindug ay nu nadingding wan at sakbawan, am si way am slod bale, ay katuk am sis sakbawan ay guro te, ‘Em Fun, luangi, fasakboi emi.’ Ay kanya gbalus ayu te, ‘Kwa toglag ayu ay kwa saful te, daginan am.’

Uan 9:31

Nasaful watam te, Dius wa gdungugan ngay tagasalanan, nusnga sinu way lang tagfakamulun at fakaylatun at fagdunguganun.

Deuterunumyu 1:45

Anfoli am gwayway sas Yawi, dewa katanya, kanya wa nadungugan ay wa nabalus ayu.

Santiagu 4:3

Get oma am, ay wam mafabul aroro mauri way ay algan, gfaning way am ay sadili fakaylatun.