Ub 27:2 - Fanawbuid tagsibaliwas Fakayabian

² “Gfatuyanan au sas tagleleg fag Dius at nafaidapan angku, nustua wa matuyan nu gfawabilugan sabaliwa angku.

Ub 27:2 ပူးပေါင်းရင်းမြစ်များ

2 Samwel 2:27

Ay Uab nabalus te, “Gfatuyanan au sas tagleleg fag Dius te, nu dway ro wo nalong katanya, ku ngay tagfawayan ro wa gfaragang nu gfafalo ay ngay kaiban anggan ban sas balabag.”

1 Fun 17:1

Elyas sik taglong tagbanwan sis Tisbe, sis Gilyad fag afud talun. Kanya nalong sas fun Akab te, “Gfatuyanan au sas Yawi, tagleleg fag Dius ku fagfaningun te, wa ban e damug ay e arak nu seyuk banwa, kway ban gsugu.”

1 Fun 18:15

Ay Elyas nabalus te, “Gfatuyanan au sas Yawi, tagleleg fag Dius ku fagfaningun te, katsi fag menit namablang au Akab.”

2 Fun 4:27

Ay kanya fag mangena nu ndasug sas Elisyu sas buksul Karmel, kanya narungan ay nated Elisyu at darafa. Ay Gekasi ankakbang laman namayayu anya, ay Elisyu nalong te, “To sanya! Kanya e fakabaluun. Yawi we nalong sa angku te, nataw at fakabaluun.”

Ub 10:3

O guseganan way o gfaidapan angku? Wain ro am fagaiyanun am nawat, ay gfadiuganan at mauri fag ngay taw at algan?

Ub 16:11

Dius nafon wa angku sat mauri fag taw ay naukas angku sat malimu fag ngay taw.

Ub 19:6

Asafuli te, Dius wan at ke fakamulun sa angku takatatuy. Kanya wan at nafoli ngay sangdaw si ku ligung.

Ub 23:16

At Mabalyanan fag Dius gfamomuy ay gfalimu angku.

Ub 34:5

Ay Ub glong te, ‘Kdoma e asalanan, dewa katanya, Dius wa nafon angku fagmatuyanun.

Ub 35:2

“O nu glong o matuyan wo nu malong o te, wo e asalanan sis Dius at daga salubangan?

Ub 40:8

O gfatuyanan o te, nasalan au laman gfasure te, o tua at matuyan.

Ub 9:17

Aroro kanya gfaidapan angku kata fulug nu gfae fagidapun. Ay kanya nafamut yay ku fagidapun, dewa au yay e malong.

Ub 9:18

Arvs kwa maengasan ya aroro sat nafadasug fag fagidapun sa angku.

Isayas 40:27

Ngay taw Israel, Akub at ngay kasugfunanan, wain ay fakamayudun te, “Yawi wa ggubuk emi gina ami e fagidapun, ay ku Dius wa kasalag sa em ngay fagayudanun.”

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 5:2

Dewa am glong te, ‘Gfatuyanan au sas Yawi, tagleleg fag Dius,’ kamuag wayam.”

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Tap 14:21

Dewa katanya, au Yawi, gfatuyanan au te, kaksvn nu gleleg au ay ku fagmasineun nu kapnu fagdaul daga,

Rut 3:13

Stei yap tuy fagngabak yabi, ay balabag ban sbalabag sumaful ta ku kalongan at algan laman sa emu. Ay kanya ban nu kaylat tua, masine, ay nu dway ban kaylat, gfatuyanan au sas Yawi, tagleleg fag Dius te, namafasludan kban ku fanambagun sa emu. Ay katsi fag yabi, stei yap nu gtiug o.”

1 Samwel 14:39

Gfatuyanan au sas Yawi, tagleleg fag Dius at nafalangfe ngay taw Israel te, nusnga sinu ro at nasalan umbul, dewa ku baguama Yunatan.” Nu katanya, ngay taw Israel wa naringang ya.

1 Samwel 14:45

Dewa katanya, ngay taw nalong sas Saul te, “Yunatan wan at nafababo antam, ay wain ro tam fagnamabulun anya? Wa masine! Gfatuyanan ami sas Yawi, tagleleg fag Dius te, di ro e kalyam nusdi sadi Yunatan at buk, aroro Dius nagubuk anya laman gbabo kata at nafakamulun.” Ay Saul wa nafabul Yunatan aroro ngay taw Israel nagubuk tua anya.

1 Samwel 20:21

Ay gsugu kban sik munama laman nanrvbvy ku ngay banyas, ay nu nalong kban sa anya te, ‘Ngay banyas sim day tigyangan,’ duksuni wan. Aroro gfatuyanan au sas Yawi, tagleleg fag Dius te, wo e fakalimuun ya sa ku mama.

1 Samwel 25:26

“Katsi, Yawi naylat nu gfaragang o am algan nu namasud o ay namabul Nabal ay at ngay kalongan. Gfatuyanan au sa emu ay sas Yawi, tagleleg fag Dius te, fagayu ban nangus at nafauri emu umfaurianan kata Nabal.

1 Samwel 25:34

Gfatuyan au sas Yawi, Israel at Dius tagleleg te, satu ro nu dway o andasug, balabag ban sbalabag, namamin au Nabal at kalongan fag ngay mangama. Ay Dius nafaragang nu namakamulun au sa emu at mauri.”