Ub 26:7 - Fanawbuid tagsibaliwas Fakayabian

⁷ Dius narafad kiwang sis daga banwa, ay narabing fagdaul daga sat yud e nusnge wain ya.

Ub 26:7 ပူးပေါင်းရင်းမြစ်များ

Ub 38:6

Sinu tagbakvd daga at fagtungkudan, ay sinu at nafatungkud sanya kafag fagfatungkudan daga,

Ub 9:8

Kanya tua at narafad banwa ay at mafaragang lugwak.

Alubad. 24:2

aroro kanya wan at nafalindug fagdaul daga at fagtungkudan sas bangsi dagat.

Alubad. 89:12

Nawat o dua fungfung alvngvdan daga. Buksul Tabur ay Buksul Ermun kata sik ngay taw tagalubad gfauseganan emu.

Alubad. 89:13

We mafasud am fagmabitsugun ay am fagmabalyananun.

Isayas 40:21

O nunda yam nasaful ay yam batang gdungug? O nunda ye nafoyung ayu siginans fagsigadan? O yam natogdungug siginan ngay nu kawat fagdaul daga?

Isayas 40:22

Dius malunggung sit fagbanwanan sis tungud fagdaul daga ay gfunan, ay nu glag at ngay taw ste swa daga kata way sik ngay fitfit. Kanya nawat banwa kata nu narafad sik umut, ay kata nu kawat sik bale ramit laman ngay taw at fagbanwanan.

Isayas 40:26

Tangdai sas banwa! Sinu nunda at nawat ngay galeme? Dius wan at nawat kanya fagayu, ay gfasadsadian gfasure gina glong at mesa ngayan. Ay siginan at fagmabalyananun, nusdi sadi di e nalyam.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Sakaryas 12:1

Katatuy Yawi at longan sabaliwas Israel: Au, Yawi, at nawat banwa ay daga. Ay au wan tagfon leleg sa sangay taw.