Ub 24:1 - Fanawbuid tagsibaliwas Fakayabian

¹ Wain Dius at fagyudun gfalganan sik menit laman namaurianan at mauri fag ngay taw? Wain ngay taw tagtoglag anya fagyudun glag nu gfaurianan fag menit?

Ub 24:1 ပူးပေါင်းရင်းမြစ်များ

Fakasigadan 18:17

Ay Yawi nalong te, “Kwa nanuksuk sas Abrayam ku fagnamakamulunun ban.

Fakasigadan 7:4

Aroro nu nlangfe ban fituk menit siginan katsi, gfarak kban sas fagdaul daga kaduge ufatk safuluk menit ay ufatk safuluk yabi, laman namamin fagayu ku nawat tagleleg tagsis daga.”

Ub 15:20

Ay at mauri fag taw gidapan kaduge gleleg.

Alubad. 31:15

O wan tagbakvd ku leleg at sawad. Falangfei angku siginan ku ngay fawayan tagfafalo angku.

Alubad. 36:10

Fataglayuni nu kesug o ngay taw tagtoglag emu, ay gubuki ngay taw at matuyan.

Alubad. 9:10

Ay ngay taw tagsaful emu gafanud tua, aroro di o gaiyan nusnga sinu tagrvbvy emu.

Takamoyung 3:17

Nalong au sa ku sadili te, “Dius ban ginsaful ngay taw at matuyan ay at mauri, aroro kanya nafalganan wan buknga sas fagayu nusnge wain.”

Isayas 2:12

Yawi at Mabalyanan nafalganan sik menit laman namaurianan fagayu takamatungudun, ay fagayu taglong te, mabalyanan ami.

Isayas 60:22

Kanya wa ngayu, dewa katanya umkayu ban. Kanya sik ngay yud e kwa, dewa katanya, umsik mabalyanan ban fag talun. Au Yawi, gabanganan kban gfakamulun takatanya nu ndasug ginanya fag buknga.”

Eremyas 46:10

Dewa katanya, tam Fun, Yawi at Mabalyanan gbabo ban gina nawayan. Ay ginanya ban kanya mafasud sat ngay fawayan. At fiso kata sik mangilafang takalunus at nangon kafag ngay taw yakmay napsug, ay at nanginum at taguk yakmay napyan. Ay kanya ban fag ngay taw at ngay bilug at mabulan, kata ban sik ngay fanggalangun sa tam Fun, Yawi at Mabalyanan, tagsi sangay furuan sas fawalan fag alvngvdan, munakbang sis Liskung Eufrates.

Daniel 2:21

Kanya wan tagfainbalian buknga. Kanya wan at nanfili nusnga sinu at nanfunan ay tagtubus. Kanya wan tagfon fagsafulun sat ngay ke fagsafulun.

Ubadyas 1:15

Munakbang wan nu nanginsaful au fagayu talun at ngay taw. Nu setain ay nafakamulun say iba, katanya yangay ban ku fakamulun sa ayu. Nu setain ay nalong say iba, katanya yangay ban at longan sa ayu.

Sefanias 1:7

Maragangani si ku daga salubangan, aroro munakbang wan ku nafalganan fag menit nu namaurianan au. Nafalganan kwan laman namabul ku ngay taw kata sik fagbaugun fag fanggalangun. Ay katsi, nauro au ku nafili fag ngay tagfawayan laman namawayan talun Uda.

Mateu 24:38

Ginanya, gina lino daul gakadasugun, ngay taw mabayan way fia gfangon ay ginum ay gdaddadwaan, yakmay Nui nasakbo sas sakayan lino.

Uan 17:3

Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Fakamulun 1:7

Isus gbalus te, “Ku Mama wa kaylat nu sumaful am nu ginain ban nu kafasludan takatanya.

Fakamulun 17:26

Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga.

Ruma 2:5

Ay aroro kamaogatun o siginan nu yud o gubun am fagmauriun, nafaksvn o faurianan sa emu, gina ban Dius nafadasug at dotama ay nanginsaful ngay taw at asalanan, sit nafalganan fag menit.

1 Tesalunika 5:1

Em ngay faduksay nu saman baliwa kafag ngay buknga ay kafag ngay menit, wami nangus griruk ya sa ayu takatanya.

1 Timuteu 4:1

Mayamag wan at Masine fag Falad at longan te, sa ban taguyan fag ngay menit tiba bank taw gubun at fagafanudun, ay nangalo takamuagan fag ngay falad ay ngay bara at ngay foyungan.

1 Timuteu 6:15

gina ban sis Dius at nafalganan fag menit. Tam Dius way lang at mabalyanan fag Fun, fagayu fun at Fun ay fagayu fagtainan at Fagtainan.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.