Ub 22:13 - Fanawbuid tagsibaliwas Fakayabian

¹³ Nu katanya, nalong o te, ‘Dius wa saful ku fakamulun. Setain ro nu sumaful ay linyabu gligung way anya?

Ub 22:13 ပူးပေါင်းရင်းမြစ်များ

Ub 34:22

At mauri fag taw wa mananuksuan dewa sit madulum fag suluk.

Alubad. 10:11

Kanya fagayu gamatangan way te, “Dius wa kasalag ay wa glag tam ngay fakamulun.”

Alubad. 139:11

Nu nafainfanyuan kro sas dulum te, “Suksuki angku,” ay nu nalong kro sas yamag te, “Adulumi; nangus umdulum ro,”

Alubad. 139:7

Yawi, dada ro nu glao au laman nanuksuan emu? Ay dada ya ro ku fagnanlagyuan emu?

Alubad. 59:7

Dius, dungugani takamalingun at ngay nalong, kata sik fiso at maglat. Ay kanya fagayu glong te, “We gdungug antam.”

Alubad. 64:5

Kanya fag ngay taw mauri gfadfaksvnan at amatanganan sa nu namakamulun at mauri. Ay gkamatoan te, “Inda ro nu gfasangdawan tam?” Ay glong te, “We glag antam.”

Alubad. 73:11

Ay kafag ngay taw mauri glong te, “Setain ro Dius nu gsaful em fakamulun? Tiba Tungud fag Dius wa nasaful.”

Isayas 29:15

Afanyuan am tagsuksuk ay ngay algan sas Yawi. Nu gfakamulun am ay fakamulun si way sad fagmadulumun ay glong am te, “Wa ngap e glag ay we gsaful tam fakamulun.”

Eremyas 23:24

We taw masuksuan angku dewa snga nday fag furuan at masuksuk. O nunda wam saful te, si au sbanwa, ay sis daga ay nusnga nday? Au, Yawi, taglong tuy.

Esekyel 8:12

Ay Dius nalong angku te, “Taw at baguama, o nalag o kafag ngay tagfangguna at nafakamulun? Galay at sadi sit mesa fagsegan, ay glong te, Yawi wa glag antam ay natalyuyan wan tam talun Israel.”

Esekyel 9:9

Kanya gbalus angku te, “Maksvn wan taw Israel ay taw Uda at asalanan. Ay maksvn wan nu gfadfabulan sit furuan ay we fagmatuyanun ya. Kanya fagayu glong te, ‘Yawi wa gdungug ya antam, ay natalyuyan wan.’

Amus 9:2

Kanya fagayu dewa sumuksuan sas daga daga, ay sa sangay kinbul at talun, namul kyay ban fia anya fagayu. Ay dewa ban nasas banwa, gguyud kyay fia anya fagayu sat daga.

Amus 9:3

Kanya ban fagayu dewa nananuksuan sas tungud Buksul Karmel, nanrvbvy kyay ban fia ay nanggamat anya fagayu. Ay dewa sumuksuan sas fagngabasadan dagat, gsugu kban sik ule laman nangagat anya fagayu.

Sefanias 1:12

Ay ginanya yangay ban fia fag menit, namae salung au ay nanrvbvy ay namaurianan ngay taw sis Erusalem tagbanwan manabayan ay gamatangan te, ‘Yawi wa namakamulun sa emi at mauri ay at masine.’