Ub 20:19 - Fanawbuid tagsibaliwas Fakayabian

¹⁹ Kanya nafabayan wan ngay tagidapan, nustua, naago wan at ngay bale.

Ub 20:19 ပူးပေါင်းရင်းမြစ်များ

1 Fun 21:19

Nanlong o sa anya te, ‘Katatuy Yawi at longan: O nunda nafabul o sik taw ay nabul o at ramraman? Katatuy Yawi at longan: Nu inda ngay idu nu gsupsup Nabut at taguk, sanya yangay ban ngay idu nu gsupsup am taguk.’ ”

Ub 18:15

At mauri fag ngay taw at fagbanwanan ankiklas wan, ay umkirug sa tagigang fag afuy.

Ub 22:6

Nabul o am ngay faduksay at ngay lanbung laman at famaguna at famayad at bedan sa emu, ay nabul yangay o ngay taw at ngay lanbung, ay kanya fagayu lulas way lang.

Ub 35:9

Ay am ngay nafalingun get gubuk te, falangfei anya fagayu siginan at mabalyanan fag taw.

Alubad. 10:18

Fakamuluni at matuyan sa sangay taw at yud e kalongan ya ay sa sangay tagafalingunan, laman ban ngay taw mauri gfaragang wan nu gfalimu at iba, aroro kanya fagayu taw yangay.

Alubad. 12:5

Yawi nalong te, “Kadasug kwan, aroro ngay yud e kwa gafalingunan, ay ngay tagidapan gurungan get sa angku. Ay namae fagmanabayanun au anya fagayu kata at fagetun.”

Alubad. 12:6

Yawi at ngay fatuyanan mafanud, kasine sik sanbung salapi tagfitu ginan kafasine sat masugba fia fag afuy.

Fangatulun 14:31

Tagfalingun at yud e kwa, gfalingun Dius; dewa katanya, takafanyu at yud e kwa, gfauseganan Dius.

Takamoyung 4:1

Nadog au nalag ngay nu e kamalingun stes fagdaul daga. Nalag au ngay tagafalingunan nu gwayway ay at yud ya e gfasun, aroro tagfalingun mabalyanan.

Takamoyung 5:8

Lag o kadulo dewa o e nalag si ay furuan ngay yud e kwa nu gafalingunan, ay nu yud gfon fagmabayanun ay fagmakatuun. Aroro tagfaidapan kanya fag ngay yud e kwa, sik tagfangguna, ay e gfadiuganan yangay kafag tagfangguna tiba yak tagfangguna tagtungud tua anya.

Takabalu 3:34

Tiba Tungud fag Dius wa kaylat nu e gfauri ngay taw at maubungan,

Esekyel 22:29

At ngay taw gfandaya ay gfangkamul, ay gfalingun at yud e kwa, ngay tagayudan ay ngay taw tagsiginan tibak talun, ay kanya fagayu wa nafalyam kafag ngay taw at ngay mamalong.

Amus 5:11

Gfalingun am ngay taw at yud e kwa ay gbul am at ngay gutluan. Nu katanya, wa ban am manamanwan say nawat fag bale daul, ay wa ban am mainum fanlangu siginan ay ngay tanum wat ubas.

Amus 5:12

Aroro saful kway at kayuan ay nu se aksvn ay ngay asalanan. Gfalingun am ngay taw at yud e asalanan ay gbul at ngay salapi. Ay wa gsud nu gfawabilugan am sat yud e kwa.

Mikas 2:2

Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Mikas 2:9

Naiyan am at ngay mangena siginan at ngay bale. Ay naago am at ngay sisian ku ngay famonun sa anya, nu katanya, kanya fag ngay sisian wa manangafoli ya sat ngay fagtainan kabavn.

Deuterunumyu 28:33

Ay fagyudun way ban toglag fag ngay taw at nangon ay ngay nainlufuyan, ay kanya ban fagayu gfalingun ay gfaidapan gugat ayu.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

Santiagu 2:6

Dewa katanya, gfaidapan am at yud e kwa. O nunda bunwa at maramraman tagfaidapan ay tagtaban ayu sas tagwabilug at daga salubangan?

Santiagu 5:4

Damai! Wam nafon famayad sa sangay taw at nagutlu ay fare. Takatanya ay nafakamulun sik famasaful sa ayu te, mauri am. Ay kafag ngay taggutlu at uro andasug sa tam Fun at Mabalyanan.