Ub 2:10 - Fanawbuid tagsibaliwas Fakayabian

¹⁰ Ay Ub gbalus te, “Am ngay longan kata way sik mauri fag mangena at ngay longan. O nunda ban at masine way lang fagayu tam fakaylatun siginans Dius, o ay nunda ban bunwa anggan tua fagidapun?” Ub dewa nadalan takatanya fagayu, kanya di nasalanan ay di nafayud Dius.

Ub 2:10 ပူးပေါင်းရင်းမြစ်များ

Fakasigadan 3:17

Ay Yawi nalong sas Adan te, “Aroro nadungugan o am bubay ay naon o kafag kayu at rawvg ku nalong te, lag kon, namauri kban lutuk. Kaduge ban o gleleg, gidapan o gugat gfakamulun laman e fakonun o.

2 Samwel 13:13

Maksvn tua ban nu kapla au sa sangay taw. Ay ngay taw Israel ban gtuyan emu te, sik mauri o fag taw ay at yud e fagsafulun. Nu katanya, gfainfanyuan au sa emu te, namakamatoan yap o fun sabaliwa am algan. Ay gafanud au te, fun ro kaylat way nu gbubay o angku.”

2 Samwel 19:22

Dewa katanya, Dabid glong te, “Ay am Seruya at baguama, nataw ay fakasalagun? Lag am gsalag ku ngay algan. Katsi au wan taw Israel at fun, ay gtuyan au te, nusdi sadik taw Israel, wa ro e kabul.”

2 Samwel 19:28

Nangus nafabul wo ku fufuama at kalongan fagayu, dewa katanya, naylat o nu gfasfuan au emu gfangon. Nu katanya, katsi kwa maet ya sa emu at maylat.”

2 Samwel 24:10

Dabid nafanawa nu ntabu nanginsaful ngay taw. Ay kanya nalong sas Yawi te, “Maksvn ku asalanan siginan ku nafakamulun takatanya. Nu katanya, Yawi, gfainfanyuan au sa emu te, falyami ku asalanan aroro ku nafakamulun kata way sik taw at yud e fagsafulun.”

2 Krunika 16:9

Aroro Yawi gdama sas fagdaul daga laman gfabitsug ngay taw at matuyan sa anya. Wa matuyan am ngay nafakamulun. Nu katanya, siginan ban katsi namawayan way ban o gugat.”

Ub 1:10

Nadiri o anya ay anggan at talnayan, anggan at ngay ramraman, ay nafadante o fagayu at fakamulun, nu katanya, at ngay fagbaugun kafamut.

Ub 2:9

Ay at mangena nalong sa anya te, “O matuyan yay o gugat sam Dius? Longi wan sa anya at mauri, maro gfabul wan emu.”

Alubad. 39:1

Nalong au sa ku sadili te, “Nangugatan au nandiri ku ugali, ay nangagwanta au laman di au glong at mauri. Ay kwa garingang gina au munakbang sit mauri fag ngay taw.”

Alubad. 39:10

Faragangi wan nu gfaurianan o angku. Aroro nafalang o angku ay gakabulun kwan.

Alubad. 39:9

Gragangan kway lang, kwa garingang ya, aroro ku fagidapun am naylatan wan.

Alubad. 59:12

Aroro at ngay nalong mauri way ay kamatungudun, e gumamat ban nangus anya fagayu. Ay aroro kanya fagayu kamalingun ay kamuag,

Fangatulun 9:13

Fagyudun e fagsafulun, kata sik mangena at mabarisan yud e fagsafulun.

Fangatulun 9:6

Ubuni wan ay fagyudun e fagmamatanganun, laman ban ngaduge tua nu gleleg am, ay saful tuam gtogdungug.”

Takamoyung 7:14

Useganani, nu manabayan tua nu mabanwan o. Dewa katanya, nu gidapan way o, amatangani te, Dius wan tagfakamulun tuy fag duak kaugalian. Laman wa tam saful takadasug ban balabag.

Takabalu 3:37

Fun Dius nu dway kaylat, we kafasludan nusnge wain.

Mateu 16:23

Ay Isus anbiling ay nasalubang Pedru ay nalong anya te, “Satanas, lag ste ya! Gfataid wayo angku. Aroro am amatanganan bunwa Dius at algan, nu bunway taw way at algan.”

Mateu 25:2

At lima yud way mamatanganan. Ay at lima mamatanganan tua.

Uan 18:11

Ay Isus glong sas Pedru te, “Fafolii am fiso sam guma. O nunda kwa masine nandalan ku Mama at nafalganan sa angku fag fagidapun?”

Ruma 12:12

Useganani aroro e fagsegun tuam. Ay agwantani tua ay fagidapun. Ay kabavn darangini.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

Santiagu 3:2

Fagayu tam, ngayu tam nasalan. Sik taw nu ddi e nasalan sit longan, kanya sik yud e malong, aroro kanya gfaragang tua at sadili.

1 Samwel 3:18

Ay Samwel nafoyung sas Eli Yawi at ngay nalong, ay we nasuksuk. Ay Eli nalong te, “Kanya wan Yawi; at namakamulun ban fia nusnga setaw at masine sit amatanganan.”