Ub 18:18 - Fanawbuid tagsibaliwas Fakayabian

¹⁸ E gaiyan wa anya siginan at mayamag fag talun ay e nantaban wa anya sas fagfolian sat madulum fag talun.

Ub 18:18 ပူးပေါင်းရင်းမြစ်များ

Ub 20:8

Kanya umkalyam kata sik taginfan at yud ya gdog kamatang.

Ub 10:22

Sanya fag talun maksvn nu madulum, ay kabavn mayabi ay we yamag, ay we fagmanabayanun ya.”

Udas 1:13

Kanya fagayu kata at kinramsaw fag burak siginans dagat nu glugwak, ay kata way sik galeme at malyaman, ay at mafalganan wan sat yud e fakatabuan fag fagmadulumun.

Daniel 5:21

ay nafayayu siginans ngay taw. At amatanganan kata sik fagbaugun at amatanganan. Kanya nabanwan gfadgaloan at mela fag ngay asnu, ay kata baka, kanya kon bariri, ay damug gfabasa anya, yakmay kanya natoglag te, Tiba Tungud fag Dius at ke fagmabalyananun sa sangay fagfagtainanan, ay at ke fagmakatuun gfasik funan nusnga sinu at fakaylatun.

Daniel 4:33

Ay anfasludan takatanya fagayu sas fun Nabukudunusur. Dius naiyan anya siginan at fagfanggunaun fag ngay taw ay kanya kata sik baka kon bariri. Ay damug nafabasa at bilug ay at ngay sigyu ankaba kata sik bio at sigyu ay at ngay u kata sik manuk tungud at ngay u.

Fangatulun 14:32

At mauri fag ngay taw gafaurianan, aroro siginan at fagmauriun, dewa katanya, at matuyan fag taw e fagsarirungan tua gina gakabulun.

Ub 11:14

ay nu gubun tuo am asalanan, ay anggan am ngay kalongan nu gubun tua at ngay asalanan,

Ub 5:14

Kanya fagayu wa glag dewa mayamag, ay dewa sis buknga menit galafangan way lang nu glao kata gina mayabi.

Ub 3:20

Wain Dius at fagfonun yay gugat fagmayamagun ay leleg sa sangay taw at ke fagagwantanun ay tagidapan?

Ub 18:11

Ay si wat ligung fagayu at malimu, ay nusnga nday nu glao, kata nu e gfafalo anya.

Ub 20:26

Ay kanya at ramraman umkalyam wan. Ay e mirug anya gasfuan fagayu at kinfamato sit fagbanwanan, at nafaigang kafag afuy, bundi taw.

Ub 27:21

Tagmara tagsiginans fakamenitan nabuba anya, ay nafalin anya siginan at fagbanwanan.

Ub 27:23

kata nu gtiu gfalingun anya, ay ginasan gaiyan anya siginan at fagbanwanan.

Isayas 22:18

ay namabul ay nangukas emu sa tagbia fag talun. Sanya ban nu kabul o ay anggan am fagfanagsagun fag ngay fagsakayan nu karasras, ay gfae fakaplaun ban o am tagfayafun.”

1 Samwel 2:9

Kanya gdiri tua at matuyan fag ngay taw tagbanwan si anya. Dewa katanya, kanya gfabul at mauri fag ngay taw ay gfasas fagmadulumun. Nusnga sinu wa mababo nu siginan way at sadili fagmabitsugun.