Ub 17:8 - Fanawbuid tagsibaliwas Fakayabian

⁸ At masine fag ngay taw kadulo at kindasug sa angku. Kanya fagayu gamatangan te, mauri au ay kwa gtoglag Dius.

Ub 17:8 ပူးပေါင်းရင်းမြစ်များ

Esra 9:3

“Nu nadungug au takatanya, nagirat au ku lanbung at kaksvnan nu kabalu au, nafaburago au ku buk, ay naranggut au ku umi ay namalunggung au kabalu.

Ub 22:19

At matuyan fag ngay taw guseganan nu nalag te, at mauri fag ngay taw anfaurianan, kanya fagayu gfalingun kase,

Ub 34:30

laman gfaragang wan at yud gafanud sa anya nu gfunan, ay laman at ngay taw di kasangdaw.

Alubad. 37:1

Lag o galabian ngay taw tagfakamulun at mauri, ay lag o gafanawa anya fagayu.

Alubad. 73:3

aroro galabian au nu nalag au takamatungudun, ay at mauri fag ngay taw nu nke ngay ramraman.

Takamoyung 5:8

Lag o kadulo dewa o e nalag si ay furuan ngay yud e kwa nu gafalingunan, ay nu yud gfon fagmabayanun ay fagmakatuun. Aroro tagfaidapan kanya fag ngay yud e kwa, sik tagfangguna, ay e gfadiuganan yangay kafag tagfangguna tiba yak tagfangguna tagtungud tua anya.

Abakuk 1:13

Yawi, aroro di o e malong, wo kaylat fagmauriun ay fagidapun. Dewa katanya, wain am fakaylatun tagfandaya fag ngay taw Babilunya nu gfaidapan emi? Wain am fakaylatun anya fagayu nu namaurianan ngay taw at yud e asalanan?

Fakamulun 13:46

Dewa katanya, Pablu ay Bernabe mabitsug nu gbalus te, “Sa way nangus ayu fag ngay taw Udyu taguna nu gfoyung Dius at longan. Dewa katanya, wam naylat, nu katanya, kanya wan tagfatuyan te, wam masine kae afud sas leleg at yud e fakatabuan, nu katanya, katsi glo wami sas yud Udyu fag ngay taw laman nanfamoyung.

Ruma 11:33

Maksvn tua Dius at fagmagalangun ay at fagmamatanganun ay at fagsafulun. We taw nasaful Dius nu gfili, ay we taw matogdungug at ngay balyawvtan.