Ub 15:5 - Fanawbuid tagsibaliwas Fakayabian

⁵ Siginan am asalanan glong o at mauri, ay am longan kata sik taw tagfanuksuk at longan.

Ub 15:5 ပူးပေါင်းရင်းမြစ်များ

Ub 11:6

ay gfasure sa emu am yud yay nasaful fag fagsafulun, aroro at matuyan fag fagsafulun e duak masuad. Sumaful o nangus te, Dius nafalyam tua tiba am asalanan.

Ub 12:6

Dewa katanya, takamabul fag ngay taw manabayan nu gbanwan, ay ngay taw takauri Dius maseganama tua, dewa katanya, kanya fagayu at fagsegan at sadili way lang fagmakatuun.

Ub 15:4

Dewa katanya, siginan am ngay nalong, tibak taw wa gsuyu ya Dius, ay wa kaylat ya gseg anya.

Ub 22:5

nu bunway aroro maksvn wan am fagmauriun ay nu yud o gfaragang ya gfakamulun at mauri.

Ub 32:1

Ub at fagadgalangan fag tulu nafaragang wan nu garingang, aroro ngap Ub gfabulun way te, “Kwe asalanan.”

Ub 32:2

Sanya sik taw at ngayan Elyu. Kanya Barakel at baguama, ay Bus at fufu siginan Ram at kasugfunanan. Kanya kadotama Ub aroro abat ngate, nafayud at sadili, at nafayud Dius way.

Ub 5:12

Kanya nafae yud e masuad takamuag fag ngay taw at algan, laman wa mfasludan at ngay algan.

Ub 5:13

Kanya saful way te, at ke fagsafulun kamasaweun way, ay nasalag way ngay tagfandaya at algan.

Alubad. 64:3

At ngay nalong mauri way gugat, kata sik fiso tagsumbalian at uyup, ay kata sik banyas matares.

Eremyas 9:8

Aroro at ngay leplep kamabul kata sik ngay godun. Ay at ngay longan fakamuaganun way lang. Kanya fagayu nu gfakamatoan at iba, masine mandi, dewa katanya, sat amatanganan, at algan mauri way.

Lukas 6:45

Sik masine fag taw at longan masine tua aroro at amatanganan masine. Ay sik mauri fag taw mauri way at longan, aroro at amatanganan mauri way. Aroro sik taw glong nusnga setaw tagsit amatanganan.

Santiagu 1:26

Sik taw tagamatangan te, kanya gafanud sas Dius, ay dewa katanya wa gfaragang at leplep nu glong at mauri, kanya gdaya way at sadili, ay we tungkul at fagafanudun.