Ub 14:5 - Fanawbuid tagsibaliwas Fakayabian

⁵ Siginans fagsigadan nafalganan wo sik taw at leleg te, kaduge way nya, ay wa glangfe kata am nafalganan.

Ub 14:5 ပူးပေါင်းရင်းမြစ်များ

Ub 12:10

Fagayu at awatan at ngay leleg siwa at daluap, ay anggan taw at engasan.

Ub 14:14

O nunda sik taw at kinbul, gdog yay ban gleleg? Dewa katanya, gagwanta kwan ku ngay fagidapun yakmay au anlangfe sas fagmanabayanun.

Ub 16:22

Aroro waban ngayu yak banwa nu gleleg au ay sanya ginan glo kwan ay kwa ban kafoli ya.

Ub 21:21

Ay kanya ban fagayu nu nbul wan, wa gamatangan ya sat mesa talnayan.

Ub 7:1

Taw at leleg ste swa daga maidap, kata sik tagfakamulun tagfaebayad.

Alubad. 104:29

Ay nu natalyuyan o anya fagayu, maksvn nu gafanawa. Ay nu nabul o at engasan, kanya fagayu kabul wan ay kafoli sas daga.

Alubad. 104:9

Nafae tigyangan o dagat, laman wa gdog ya kalino sas fagdaul daga.

Alubad. 139:16

Gina kyay yud ansalug, nalag wo angku. Ay nafalganan wo ngay menit at kadugean ban nu gleleg au, ay marirukan wan sim fafil.

Alubad. 31:15

O wan tagbakvd ku leleg at sawad. Falangfei angku siginan ku ngay fawayan tagfafalo angku.

Alubad. 39:4

“Yawi, famatangi angku te, ku leleg e fakatabuan way, ay ku ngay menit katap way lang. Foyungi nangus angku te, ku leleg gakafusun wan.

Takamoyung 3:2

E buknga kasalug ay e buknga kabul, e buknga gtanum ay e buknga ggutlu.

Takamoyung 8:8

Nu setain taw nu yud mafaragang tagmara, wa yangay mafaragang nu kabul. Kata nu sis awayan, kanya wa makafoli ya. Ay at fagmauriun wa mafalangfe anya siginans fakabulun.

Daniel 11:36

“Tagsi bans fawalan baliwa fag fun namakamulun at fakaylatun. Nu gdama at sadili gtungud tua ngay dius, ay gfalingun Dius tagtungud sas fagayu dius. Kanya ban gbabo yakmay Dius nafasure at dotama, laman umfasludan tua ban nusnge wain Dius at algan takafasludan.

Daniel 4:35

Nu gfaladlabian sa anya, fagayu taw sas fagdaul daga kata way nu yud e masuad. Kanya gfakamulun kata at fakaylatun sa sangay tagbarita sas banwa ay sa sangay taw sas wa daga. We mafafaragang anya, ay we mafafalong sa anya te, “Wain am fagnafakamulunun takatanya?”

Daniel 5:26

“At masuad: Mene: Dius natap at sawad fag ngay menit nu gfunan o ay nafatabu wan.

Daniel 5:30

Ay ginanya fag yabi, e nafabul Belsasar, Babilunya at fun,

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

Fakamulun 17:26

Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga.

Ebreu 9:27

Ay Dius at ke algan te, ngay taw nu kabul sayginan way, ay sanya ginan nanginsaful at ngay nafakamulun.

At Nafasure 1:18

Au wan tagleleg. Ebi anbul au, dewa katanya damai, katsi gleleg kwan ay gleleg kban kabavn. Ay fakabulun ban ay anggan at kinbul at talun sa wa ku daga fagmabalyananun.

At Nafasure 3:7

“Riruki sas tagbarita tagulit ngay tagafanud sis Filadelfia te, “Tagted Dabid at fanluang di e malong ay matuyan. Kanya nu naluang wan sakbawan we madingding ya, ay nu nadingding wan we mananluang ya. Kanya glong te,

1 Samwel 26:10

Gfatuyanan au sas Yawi, tagleleg fag Dius te, Yawi ban tagfabul anya. Tibaginan ban kanya umbul sit nafalganan fag menit, ay tibaginan ban umbul sas awayan.