Ub 14:1 - Fanawbuid tagsibaliwas Fakayabian

¹ Taw at leleg wa ngaba ay ngayu at fagidapun.

Ub 14:1 ပူးပေါင်းရင်းမြစ်များ

Fakasigadan 3:17

Ay Yawi nalong sas Adan te, “Aroro nadungugan o am bubay ay naon o kafag kayu at rawvg ku nalong te, lag kon, namauri kban lutuk. Kaduge ban o gleleg, gidapan o gugat gfakamulun laman e fakonun o.

Fakasigadan 47:9

Ay Akub nabalus te, “Sadik sandan tuluk safulu. Wa ngaduge way ku leleg ay maidap way ku nadalan kaduge au gleleg ste swa daga, ay kwa kaduge ku ngay mangaguyang nu gleleg.”

2 Fun 4:19

Ay nu ndasug sat gamasun, kanya nalong sat mama te, “Kasait au ku alfuyu! Kasait au ku alfuyu!” Ay at mama nalong sat fagsuguan te, “Bubai anya sat mina!”

Ub 10:20

Wa ban ngaduge ya nu gleleg au, nu katanya, lag o kasalag ya angku, laman umke buknga kyay guseganan,

Ub 15:14

O nunda sik taw makatu gugali at yud e malong, o ay matuyan sis Dius at daga salubangan?

Ub 25:4

Setain ro sik taw nu manangalindug sis Dius at daga salubangan ay glong te, ‘Matuyan au’? O e taw at kinsalug yud e malong?

Ub 25:5

Magdanun ay ngay galeme nu dway e masuad sas Dius,

Ub 5:7

Taw gidapan wan siginan ngay nu kasalug, kata sik singsing afuy at nalayug sat tungud.

Ub 7:1

Taw at leleg ste swa daga maidap, kata sik tagfakamulun tagfaebayad.

Ub 7:6

Ku leleg, kata menit masakit nu kalangfe, yud e fagsegun. Ay amasakit yap tua sik fangawat lanbung.

Ub 8:9

Aroro kata yay nu yud glugo nu kasalug tam ay kurang yay tam fagsafulun, ay tam ngay menit ste swa daga kata way sik aninu at masakit kalyam.

Ub 9:25

Ku ngay menit masakit kata sik taglagyu, ay kalangfe way vtv, ay we nfasludan at masine.

Alubad. 39:5

Am nafon angku fag leleg wa ngaduge. Nu sa emu kata way sik buknga sirut, ay kata way sik tagmara nu gdalan,

Alubad. 39:6

ay kata yangay sik aninu masakit kalyam. Ay gugatan way sas nusnge wain at yud e tungkul. Kanya gfungsu way at ngay ramraman, dewa katanya, nu nbul ban wa saful te, sinu ban at nangagbilug.

Alubad. 51:5

Siginan yay ku mina nu gfafion angku, mauri kwan, ay gina au kasalug e asalanan kwan.

Alubad. 89:47

Saful way o te, taw at leleg wa ngaduge, ay kabul way masakit. O nunda am nawat fag ngay taw kata way nu yud e tungkul?

Takamoyung 2:17

Nu katanya, ankuri au ku leleg, aroro fagayu fakamulun stes fagdaul daga at fungfung fagidapun way. Fagayu we masuad, kata way nu gfafalo o tagmara.

Takamoyung 2:23

Ay fagayu at nafakamulun kaduge gleleg gfauri way at amatanganan. Nu katanya, dewa sisad yabi kanya wa katiug. Ay takatanya fagayu wa yangay we masuad.

Eremyas 20:18

Wain ro ku faginsalugun yay? O laman nandalan au at maksvn fag fagidapun, o ay nangabul au sas fakaplaun?

Mateu 11:11

Matuyan nu glong au ayu te, ya batang e nsalug tagtungud tua Uan Tagfasurung. Ay dewa katanya, nusnga sinu tiba daga sis Dius at fagfagtainanan, kanya gtungud tua Uan.