Ub 12:10 - Fanawbuid tagsibaliwas Fakayabian

¹⁰ Fagayu at awatan at ngay leleg siwa at daluap, ay anggan taw at engasan.

Ub 12:10 ပူးပေါင်းရင်းမြစ်များ

Fakamulun 17:28

Aroro siginan anya, gleleg tua tam ay maleleganan ay mafakamulun. Ay kata tibak taw tagsaful gfangkaturunan at nalong te, ‘Dius tam at ngay sisian.’

Ub 33:4

Dius at Falad at nawat angku ay at nafon sa angku ku leleg.

Fakamulun 17:25

ay wa gayudan fanggubukun siginans taw, aroro kanya wan tagfon sa antam leleg ay engasan ay nusnge wain.

Tap 16:22

Dewa katanya, Muisis ay Arun anlub ay nalong te, “Em Dius tagfon leleg sas fagayu taw, o gfalag wo am fandotama sas fagdaul taw Israel at ngay talananan dewa sadi wayk taw at nasalan?”

Ub 27:3

Kaduge kban gleleg yay, ay kaduge ban Dius gfon angku engasan,

Daniel 5:23

abat ngate, nalong way o te, gtungud tuo tagsis banwa fag Fun. Nasugu o laman namul ngay taya tagsis Yawi at bale, ay nainum am fanlangu sanya ginan, o, ay am takadungug fag ngay taw, am ngay mangena, ay tiba ya am ngay mangena fag ngay fagsuguan. Saman kanya, naseg o tibak fagsegan at mawatan sanbung salapi, gintu, tansu, sanbung, kayu ay gang. Kafag ngay fagsegan wa glag, ay wa gdungug, ay we fagsafulun. Dewa katanya, wo nafauseganan Dius tagbakvd am leleg ay am ngay fakamulun.

Alubad. 104:29

Ay nu natalyuyan o anya fagayu, maksvn nu gafanawa. Ay nu nabul o at engasan, kanya fagayu kabul wan ay kafoli sas daga.

Fakasigadan 2:7

Yawi nawat taw siginans lukbu. Ay kanya nauyup sat dungus laman kanya fag taw gleleg. Nu katanya, at nawat fag taw ansik tagleleg fag awatan.

Uan 3:6

At kinsalug siginan sik taw, at leleg tagste way swa daga. Ay at kinsalug sat Masine fag Falad, e fanfalad tua fag leleg.

Fakasigadan 6:17

Aroro namadasug kban sik lino daul sas fagdaul daga laman namamin fagayu tagleleg. Ay fagayu ban tagsis tungud daga umbul wan.

Ub 27:8

Aroro nataw ya ban sik taw at yud gtoglag Dius at fagsegun, gina ban Dius nabul at leleg?

Takamoyung 9:1

Namatangan au fia fagayu nusnge wain, ay nasaful au te, Dius galaga fagayu taw at matuyan ay at ke fagsafulun, anggan at ngay fakamulun. Dewa katanya, kanya fagayu wa saful te, o at fakadasugan ban sa tuas fakafanyun ay mannga sa ways fandotaman.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Alubad. 104:30

Am ngay awatan kaawat gina o gfadasug am engasan. Nu katanya, gfabagu o fagdaul daga.

Isayas 57:16

At matuyan, kabavn kwa namawayan ay namaurianan ayu, aroro nu nafakamulun kway ro takatanya, umbul ro ku nawat fag ngay taw.