Ub 11:13 - Fanawbuid tagsibaliwas Fakayabian

¹³ Ay nu matuyan tua ban o sas Dius, ay nu kakbang tua ban o sa anya,

Ub 11:13 ပူးပေါင်းရင်းမြစ်များ

2 Krunika 12:14

Reubuam anke fagmauriun, aroro kanya wa kaylat ya nangakbang sas Yawi.

2 Krunika 19:3

Dewa katanya, e nafakamulun tuo at masine. Narufa tuo sis Uda fag turuk fagtoglagan Asera fag fagsegan, ay naylat tuo gfaning Dius.”

Ub 15:12

Wain am fagnafaningun am namatangan? Nataw at nafamomuy emu siginan at matuyan

Ub 22:23

Nu kafoli tuo sas Dius, ay nu gfayayu tuo fagmauriun siginan ayu fag talanan, kanya gdog yay gfon sa emu fagmanabayanun kata ebi ginan.

Ub 22:27

Darangini sa anya ay kanya dumungug emu, ay fafasludani tua am ngay fatuyanan sa anya.

Ub 5:17

Mauseganan sik taw, Dius nu nafalyam tua at ngay nasalan. Nu katanya, lag o glong te, at mabalyanan fag Dius nu gfasine am ugali mauri way.

Ub 5:8

Nu au di emu, nangakbang kwan sas Dius, laman namoyung sa anya ku kayaunanan.

Alubad. 143:6

Nafabat au ku daluap, laman gdarangin au sa emu. Kaylat au gfakamatoan emu, kata sik matat fag daga tagayudan mamam.

Alubad. 68:31

E ngay fagsuguan ban kadasug siginans talun Igiptu gbuba at mafanud fag ngay fanggalangun. Ay anggan ban ngay taw Kus gfabat at ngay daluap laman sas Dius.

Alubad. 77:2

Galay au gafanawa, kakbang au sas Fun Dius. Gfabat au ku ngay daluap fagngabak yabi, dewa katanya, kwa nsun.

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Alubad. 88:9

Yawi, ku mata gakadulumun wan, aroro sa ku fagidapun. Kayu menit guro au sa emu gfabat ku ngay take.

Nu Galin 9:29

Ay Muisis nabalus te, “Kin! Nu nalao kwa ro ste ginan fag furuan, gfabat kro ku daluap sas Yawi laman gdarangin, ay karagang wa ro nu glingsi, nu glimbad ay nu karak at marios takata ngay gang. Nu katanya, sumaful ro wo te, Yawi tua tagagbilug fagdaul daga.

Takabalu 3:41

Ay luangi tam ngay amatanganan ay fabati tam ngay take sa tam Dius tagsis banwa ay longi te,

Lukas 12:47

“Sik fagsuguan, dewa nasaful at tagfayafun at fakaylatun, nu dway gfaning ay nu dway gfakamulun at fanambagun, kanya ban gafaurianan maksvn.

1 Samwel 7:3

Nu katanya, Samwel nalong sa sangay taw Israel te, “Nu kafoli tuam sas Yawi sas fagdaul ay amatanganan, ubuni wan ay ngay fagsegan anggan Asturet at aninu ay falganani ay sadili sas Yawi. Kanyai tua ay fagfaningun. Nu katanya tua ay fakamulun, gfalangfe tua ban ayu siginan sangay taw Filistia.”