Ub 10:7 - Fanawbuid tagsibaliwas Fakayabian

⁷ Nasaful wo te, kwe asalanan. Dewa katanya, we mafaago angku siginan am daluap.

Ub 10:7 ပူးပေါင်းရင်းမြစ်များ

Ub 10:15

Anke asalanan kman ay kdi e asalanan, afanyuan kway gugat, ay grungan au kapla, ay maksvn nu gidapan au.

Ub 11:4

Nalong oma o te, matuyan am foyungan, ay di o e malong sis Dius at daga salubangan.

Ub 13:18

Katsi mafalganan au gfoyung sabaliwa ku sadili, nasaful kwa te, kdi e asalanan.

Ub 23:10

Aroro kanya saful way ku fakamulun, kanya nu ntabu nu gfaskud angku, nu glag angku masine ktua, kata sik gintu at masine fia.

Ub 23:11

Gfaning ktua gugat at ngay balyawvtan ay kwa kamabo anya.

Ub 27:22

Gina gurungan glagyu, tagmara guyup gugat anya,

Ub 31:14

Kway ro nafakamulun takatanya, setain ro ku fakamulun, Dius nu gfaurianan wan angku? Setain ro ku famalus gina kanya gfatuyan sabaliwa angku?

Ub 31:35

Nu e gfadiuganan di angku, griruk kro ku ngayan sit ba rirukan laman gfatuyanan sas Dius te, kdi e asalanan. Nu e foyungan di te, mauri au, glong kyay ro sa anya te, ‘Riruki yap.’

Ub 31:6

Dius ro nu nanantuyan sabaliwa angku, sumaful te, kdi e asalanan.

Ub 32:1

Ub at fagadgalangan fag tulu nafaragang wan nu garingang, aroro ngap Ub gfabulun way te, “Kwe asalanan.”

Ub 33:9

‘Kdi e asalanan, ay kdi e kalong, ay kdi e nafakamulun at mauri.’

Ub 40:8

O gfatuyanan o te, nasalan au laman gfasure te, o tua at matuyan.

Ub 42:7

Ay Yawi nu nalong wan sas Ub takatanya fagayu, kanya nalong yangay sas Elifas tagsiginans Teman te, “Kadotama au emu ay am fagadgalangan fagdua. Aroro wam nalong at matuyan sabaliwa angku kata ku fagsuguan Ub.

Ub 9:12

Kanya nu e fakaylatun gbul we masalag anya. Nu katanya, sinu yaro at mafamayud sat ngay nafakamulun.

Ub 9:21

We fanambagun sa angku dewa au yud e asalanan. Kauri kwan ku leleg.

Ub 9:22

At masine ay at mauri fag taw gsudan way. Aroro ngap gsud way gafaurianan.

Alubad. 1:6

Yawi galaga tua at matuyan fag ngay taw, dewa katanya, tagasalanan ban at fakadasugan sa way sad faurianan.

Alubad. 17:3

Nainsaful o ku amatanganan, ay dewa sad yabi nafaskud o angku. Ay wo e nalag si angku nusnga setaw fag asalanan, ay kwa nalong at mauri kata tibak taw at fakamulun,

Alubad. 50:22

Fagayu am at yud gamatang Dius, dungugani, aroro nu dway am gdungugan, namamin kban ayu, ay wa ban e gfalangfe ya ayu.

Alubad. 7:3

Yawi, ku Dius, kanya fagayu kamuag glong te, nafakamulun au at mauri,

Isayas 43:13

Siginan ebi au wan Dius. We masaruyan sa ku fagmabalyananun. Ay we mafabali fagayu ku ngay fakamulun.”

Daniel 3:15

Katsi gsugu au ayu te, nung ro am nadungug ngay fagfawangun at awang, malubi ay segi ku nafawat fag fagsegan. Ay nu dway ro am gseg, gsugu kro te, ukasi ayu sa sik faygangan daul. Sumaful ro tam te, o anud e dius at mafalangfe ayu.”

Usea 2:10

Katsi, namasure au at fakamatugtugun sat ngay mangama at daga salubangan, ay we mafalangfe anya siginan ku faurianan.

Usea 5:14

Aroro kata kban sik liun laman namabo Israel ay Uda. Namabul kban anya fagayu, ay namuba sa tibak talun ay wa ban e mafalangfe anya.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

2 Kurintu. 1:12

Kamatungudun ami te, gugali tuami at yud e malong ay at matuyan si sangay taw at daga salubangan, ay kaugat wan sa ayu. Ay anke ugali ami takatanya, bunwa siginans fagdaul daga fag fagsafulun, nu bunway siginan tua Dius at fagmagalangun.

Deuterunumyu 32:39

Damai au way lang ay Dius! We tibak dius sas day angku. Au at mafabul ay au yangay at mafaleleg, ay au wan at mafae fakarukan ay au yangay at mafafia. Ay we malagyu siginan angku.

1 Tesalunika 2:10

Am wan tagfatuyan te, masine ay matuyan ay di e malong em ugali kaduge ami gfaudgufudan ayu. Ay anggan Dius gfatuyan yangay.

Uswe 22:22

“Yawi sik mabalyanan fag Dius! Yawi sik mabalyanan fag Dius! Ay kanya saful way em fagnafakamulunun takatanya, ay anggan am nangus sumaful yangay am. Nu nafawayan way romi ay nafamabo Yawi, fabuli wan emi katsi fag menit.