Ub 1:8 - Fanawbuid tagsibaliwas Fakayabian

⁸ Ay Yawi ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun.”

Ub 1:8 ပူးပေါင်းရင်းမြစ်များ

2 Fun 23:25

Ya batang e fun takata fun Usyas, at nafaning Yawi sas fagdaul at amatanganan, ay sas fagdaul at fakaylatun, ay sas fagdaul at fagmabitsugun. Kanya nafaning Muisis at Faugali fagayu.

Nemyas 5:15

Dewa katanya, at naguna angku fag ngay fun sirut, nafaidapan way ngay taw, aroro kanya fagayu get ngay fakonun ay at fanginum, saman ya at fagetun gugat fag ufatk safuluk salapi. Ay anggan at ngay tagfangguna kamalingun wan. Dewa katanya, au kdi gfakamulun takatanya, aroro gsuyu ktua Dius.

Ub 1:1

E sik mangama tagbanwan sis talun Us at ngayan Ub. At ugali matuyan ay kalimu tua Dius, ay gsaruy tua at mauri.

Ub 12:4

Dewa katanya, ku ngay fagadgalangan gfalingun kase angku, dewa au matuyan ay deyud au malong, ay Dius dewa nabalus ku ngay darangin.

Ub 2:1

Sik menit, Yawi at ngay tagbarita maful sit daga salubangan, ay sanya yangay Satanas, laman nandog nansalubang Yawi.

Ub 2:3

Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Ub 34:14

Dius ro nu gbul wan tam leleg,

Ub 8:20

At mafanud, Dius di gaiyan sik taw at matuyan. Ay wa ggubuk at mauri fag taw.

Alubad. 18:23

Dius nasaful te, fagdaul ku amatanganan sa way lang anya, ay gsaruy ktua fagmauriun.

Alubad. 34:14

Ayayui siginans fagmauriun, ay fakamuluni at masine. Ay ugatani rvbvyi fagmanabayanun.

Alubad. 36:1

Asalanan gfamatangan gugat at mauri fag ngay taw; kanya fagayu we fakalimuun ay wa gsuyu Dius.

Alubad. 37:27

Ubuni at mauri, ay fakamuluni at matuyan, laman kabavn gbanwan tuo sis talun Israel.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Alubad. 89:20

Ay kanya Dabid, nafili au anya siginan nu gugwag sik mafilian fag langis sat alfuyu.

Fangatulun 8:13

Sik taw tagsuyu Yawi, di gfakamulun sas fagmauriun. Ay kauri au takamabo ay takamatungudun, ay takamuag ay fagayu tagugali at mauri.

Isayas 1:16

Fasinei wan ay ngay sadili kata nu gigus am. Faragangi wan nu gfakamulun am at mauri sa ku daga salubangan.

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Esekyel 40:4

Ay kafag taw nalong sa angku te, “Taw at baguama, dungugani fia ay damai ku fagnamalagun emu aroro kanya wan ku fagnabubaun emu stae. Ay fagayu ban am nalag nanlong o sa sangay taw Israel.”

Tap 12:3

(Muisis, nu kamababaun gtungud tua fagayu taw sas fagdaul daga.)

Uan 1:47

Natanael nu munakbang wan, Isus glong te, “Damai, sik matuyan fia fag taw Israel, kanya di kamaningan lang.”

Uswe 1:2

“Ku fagsuguan Muisis anbul wan. Nu katanya, katsi, o ay anggan ngay taw Israel falganani, difei Liskung Urdan sa ku fon ban ayu fag talun.

Uswe 1:7

Maksvni tua ay maseganamai. Faningi fia fagayu ku suguan ku nafon sa ku fagsuguan Muisis. Lag o kalyam, laman nusnga setaw am fagnamakamulunun gbabo tuo.