Ub 1:6 - Fanawbuid tagsibaliwas Fakayabian

⁶ Sik menit, Yawi at ngay tagbarita maful sit daga salubangan, ay sanya yangay Satanas.

Ub 1:6 ပူးပေါင်းရင်းမြစ်များ

Fakasigadan 6:2

Dius at ngay sisian nalag te, kafag ngay baguina masine, nu katanya, mesa nafili laman at bubay ban.

Fakasigadan 6:4

Ay ginanya fag buknga ay dewa at fadogan ya fag ngay buknga, e ngay taw kadungug sas fagdaul daga, siginan Dius at ngay sisian at sugfun at nafamubay sanya ginan fag ngay baguina. Kafag ngay mangama mabalyanan ay sik ngay takadungug.

1 Fun 22:19

Ay Mikaya nalong yangay te, “Dungugani Yawi at longan! Nalag au Yawi nu malunggung sit faglunggungan, ay at ngay tagbarita nu malindug gsumbalian sit dua tigyangan.

1 Krunika 21:1

Satanas nafasaysalagan taw Israel, ay kanya nafamatangan Dabid laman nanginsaful te, seyu ngay taw Israel at kayuan.

2 Krunika 18:20

“Ay sanya ginan sik falad ankakbang sas Yawi ay nalong te, ‘Au wa ro at nandaya anya.’ “Ay Yawi nainto te, ‘Setain ro?’

Ub 2:1

Sik menit, Yawi at ngay tagbarita maful sit daga salubangan, ay sanya yangay Satanas, laman nandog nansalubang Yawi.

Ub 2:3

Ay Yawi gdog yay ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun. Kanya matuyan tua gugat sa angku dewa o nafabulun sa angku laman kaylat au nu gfaurianan o anya deyud e asalanan.”

Ub 38:7

gina ngay tagurabas gasfuan gseg galubadan, ay ngay tagbarita gasfuan guro guseganan?

Alubad. 103:20

Segi Yawi, am at mabalyanan fag ngay tagbarita tagdungugan tua, ay tagfaning at ngay longan.

Daniel 3:25

Fun nalong te, “Damai! Ufat tua taglao sis wabilug afuy. Kanya fagayu wa masiukan ya ay wa kairug. Ay at sadi kata sik dius.”

Sakaryas 3:1

Yawi nafalag angku Uswe fag tagfon fanggalangun nu malindug sis Yawi at tagbarita at daga salubangan. Ay Satanas malindug sit siun baliwa laman gfoyung te, mauri at nafakamulun.

Mateu 18:10

“Amatangani laman diam kauri dewa tuy way fag ngay sisian sirut, aroro glong au ayu te, tuy fag ngay sisian e tagbarita tua taglag ku Mama sis banwa at mata.

Lukas 22:31

“Simun, Simun, dungugani angku, Satanas get ayu, laman glayap ayu kata sik fare.

Lukas 3:38

Kenan at mama, Enus. Enus at mama, Set. Set at mama, Adan. Ay Adan at mama, tam Dius.

Uan 6:70

Ay Isus nalong te, “Nafili au ayu labi dua, dewa katanya, at sadi si ayu sik mauri way fag falad.”