Uan 9:4 - Fanawbuid tagsibaliwas Fakayabian

⁴ Kaduge mamenit yay, masine nu gfakamulun tam at nasugu angku at fagyafakamulunun. Aroro nu nyabi wan, we taw ya mafakamulun.

Uan 9:4 ပူးပေါင်းရင်းမြစ်များ

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Mateu 20:7

“Ay kafag ngay taw nalong te, ‘Aroro we gfafakamulun sa emi.’ Ay tagagbilug nalong anya fagayu te, ‘Ay kin, nu katanya, anggan am, loi wan, namakamuluni sa ku tanuman.’

Markus 3:3

Ay Isus nalong sat yud mafalelegan at daluap te, “Gewan, stei sfagunan.”

Uan 10:32

Ay Isus glong anya te, “Ngayu ku nafalag ayu at masine fag fakamulun siginan ku Mama. Nataw fag fakamulun ku nafakamulun ay fagnamanaun way angku gang?”

Uan 10:37

Nu dakway nafakamulun ku Mama at fafakamulun angku, lag am gafanud sa angku.

Uan 12:35

Isus glong sa anya fagayu te, “Wa ban glugo ya fagmayamagun nu si ayu. Fataglayuni nu glao am kaduge mayamag, laman diam gaduluman. Nusnga sinu taglao sad dulum wa glag at dalan.

Uan 17:4

Fagdaul daga gfauseganan emu aroro nafatabu kwan am nafafakamulun sa angku fag fakamulun.

Uan 4:34

Isus nafayamag sat ngay tagadal te, “Ku fakonun namakamulun au at nasugu angku at fakaylatun, ay namatabu au at fafakamulun sa angku.

Uan 5:19

Nu katanya, Isus nalong sanya fag ngay taw te, “Matuyan nu glong au ayu te, au, Taw at Baguama, kwa mafakamulun nung way lang ku sadili. Ku fagfakamulunun ku nalag tua ku Mama at nafakamulun. Ku Mama at nafakamulun, katanya yangay anggan angku, at Baguama, ku fagfakamulunun.

Uan 5:36

Ay dewa katanya e tagfatuyan sabaliwa angku, gtungud yay Uan. Ku Mama nafafakamulun sa angku fag fakamulun, kanya way ku fakamulun, ay kanya wan tagfatuyan te, ku Mama at nasugu angku.

Uan 7:33

Ay Isus glong te, “Wa glugo ya nu gfadgaloan au ayu, ay kafoli kwa ban sat nasugu angku.

Fakamulun 4:20

Aroro wa masine nu dway mi gfoyung em ngay nalag ay em nadungug.”

Galasya 6:10

Nu katanya, kaduge nu e buknga, fakamuluni tua at masine sas fagayu taw, kaugat wan sa tam ngay faduksay tagafanud.

Efesu 5:16

Lag gfangulan ay buknga, aroro katsi mauri wan fagdaul daga at ugali.

Kulusas 4:5

Mamatangani tua nu gfadgaloan am at yud gafanud ay lag gfangulan ay buknga.