Uan 8:2 - Fanawbuid tagsibaliwas Fakayabian

² Ay balabag di sbalabag sirut, Isus anfoli sas Dius at bale, ay fagayu taw andasug sa anya. Ay Isus namalunggung ay gfoyung sa sangay taw.

Uan 8:2 ပူးပေါင်းရင်းမြစ်များ

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Eremyas 25:3

“Kaduge duak safulu e tuluk banwa, siginans falabi tuluk banwa Usyas, Amun at baguama, nu gfunan sis Uda, dasug katsi, Yawi gfoyung wa gugat sa angku at longan. Ay gfoyung koma gugat ayu, dewa katanya, wam kaylat gdungugan.

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Mateu 26:55

Ay ginanya Isus ginto sanya fag ngay taw te, “Nataw ay fagsteun ngayu gafisoan ay e ngay ba famalang? O nanggamat am angku kata nu ggamat am sik tagfangkamul? Kayu menit malunggung kway sis Dius at bale ay gfoyung, ay diam nagamat angku.

Lukas 21:37

Fagayu menit Isus gfoyung sis Dius at bale, ay nu nyabi wan, kanya nalo siginans furuan ay nantiug sas Buksul Ulibu.

Lukas 21:38

Ay kayu balabag, fagayu taw masurip nu kadasug sas Dius at bale laman nandungugan anya.

Lukas 4:20

Isus nu ntabu wan nu gtap, nafalut ay nafafoli sa tagalaga, ay kanya namalunggung. Ay fagayu taw sis bale fakafulan gdama anya.

Lukas 5:3

Ay Isus nasakay sa sik sakayan lino, Simun at fagagbilugun, ay get sas Simun te, “Fayayui sirut sasad lino.” Ay Isus namalunggung ay nafoyung sa sangay taw tagsis tigyangan lino.

Uan 4:34

Isus nafayamag sat ngay tagadal te, “Ku fakonun namakamulun au at nasugu angku at fakaylatun, ay namatabu au at fafakamulun sa angku.

Uan 8:20

Isus nafoyung takatanya gina sis Dius at bale, munakbang sis fagsuadan fanggalangun. Dewa katanya, we mananggamat anya aroro ya ndasug at kasakan fag buknga.

Uan 8:3

Ay ngay tagfoyung Muisis at Faugali ay taw Fariseu nataban sik mangena at nagamatan gina kamatugtug, ay nafalindug sis wabilug fagngayuan taw.

Fakamulun 5:21

Ay sbalabag sirut, kanya fagayu nafaning tagbarita at longan ay nasakbo sas Dius at bale ay gfoyung sa sangay taw at maful sanya. Ay fun tagfon fanggalangun ay at ngay ufud nu ndasug, nafauro taw Udyu at ngay tagfangguna laman gkamatoan. Ay kanya fagayu nasugu laman nantaban Isus at ngay nasugu siginans fagubungan.