Uan 7:1 - Fanawbuid tagsibaliwas Fakayabian

¹ Sanya ginan, Isus nalo ay gdalanan sas talun Galilea. Wa kaylat glao sas talun Udea aroro tagsanya fag ngay taw Udyu at ngay tagfangguna kaylat gfabul anya.

Uan 7:1 ပူးပေါင်းရင်းမြစ်များ

Mateu 10:23

Ay sik furuan at taw nu gfauri way ayu, lagyui sat fadogan fag furuan. Aroro matuyan nu glong au ayu te, ya ban am nadasug ngay taw Israel at ngay furuan tiba, au, Taw at Baguama, yakmay kban andasug.

Mateu 21:38

“Dewa katanya kanya fag ngay tagalaga nu nalag kafag baguama, gkamatoan te, ‘Kadasug wan at nangagbilug ban at mama at daga. Bastam, namabul tam anya, ay gagbilug ban tam at daga.’

Markus 11:18

Ay ngay fun tagfon fanggalangun ay ngay tagfoyung Muisis at Faugali nu nadungug Isus at longan, grvbvy balyawvtan te, tain ban nu namabul anya. Ay kanya fagayu kalimu Isus, aroro ngay taw andulo nu nadungug Isus at foyungan.

Uan 1:19

Taw Udyu at ngay tagfangguna sis Erusalem nasugu tibak tagfon fanggalangun ay tibak taw Lebi laman nanginto sas Uan te, “Sinu o?”

Uan 4:3

Ay Isus nu nasaful, kanya nalo wan siginans talun Udea ay anfoli sas talun Galilea.

Uan 4:54

Kanya at fadua ginan Isus at nafakamulun madulo sis talun Galilea gina siginans talun Udea.

Uan 6:1

Ay sanya ginan, Isus nadife wan tsiuy baliwa Lino Galilea, at ngayan yangay te, Lino Tiberias.

Uan 7:11

Ay taw Udyu at ngay tagfangguna sanya nu grvbvy Isus, kanya fagayu ginto te, “Dada wan kanya fag taw?”

Uan 7:13

Dewa katanya, we taw namaskud namoyung sas fagngayuan taw sabaliwa anya aroro kalimu way taw Udyu at ngay tagfangguna.

Uan 7:19

O nunda Muisis wa nafon ayu Dius at Faugali? Dewa katanya, nusdi am at sadi wam gfaning. Wain ay fakaylatun gfabul angku?”

Uan 7:25

Tibak taw sis Erusalem glong te, “O nunda bunwa kafag taw tam ngay tagfangguna at fakaylatun gfabul?

Uan 7:35

Ay taw Udyu at ngay tagfangguna gkamatoan te, “Dada ban manga kafag taw nu glao, tam fagyudun ban glag ya anya? O kanya ban manga sa tam ngay kaiban at kinrapyag at magamut gbanwan si sangay taw Gresya, ay namoyung sanya fag ngay taw Gresya?

Uan 8:37

Nasaful kwa te, Abrayam am at kasugfunanan. Dewa katanya, kaylat am gyafabulun angku, aroro wam kaylat gfaning ku foyungan.

Uan 8:40

Ku fakamulun, gfoyung kway lang ayu at matuyan ku nadungug siginans Dius, ay dewa katanya, kaylat am gyafabulun angku. Abrayam wa katanya at fakamulun.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.