Uan 5:4 - Fanawbuid tagsibaliwas Fakayabian

⁴ Aroro tam Fun at tagbarita e buknga nanguig kafag lino. Ay gina kafag mamam guigan, nusnga sinu taguna nansurung kafia nusnga setaw at fakasaitun.

Uan 5:4 ပူးပေါင်းရင်းမြစ်များ

2 Fun 5:10

Elisyu nasugu at fagsuguan at sadi laman nanlong sas Naaman te, “Loi sas Liskung Urdan ay asurungi fitu ginan ay umfia ro wo.”

Alubad. 119:60

Ay ginanya yay, nafaning kwan am ngay suguan.

Fangatulun 6:4

Lag o gfaragang nu namafainfanyuan sa anya,

Fangatulun 8:17

Kesug au fagayu takesug angku, ay fagayu tagrvbvy angku lumag angku.

Takamoyung 9:10

Fakamuluni am fakamulun kaksvn am fagmakatuun, aroro sa ban at ngay kinbul at fagbanwanan am fakadasugan wo e fakamulun ya. Ay sanya wa yangay e gamatangan ya ay wa yangay e mamatanganan ya ay e fagsafulun.

Esekyel 47:8

Ay kanya fag taw nalong sa angku te, “Tuy fag mamam gfamilugan sas fakamenitan baliwa fag talun tagsas Araba sas Dagat at Mabulan. Ay kanya fag dagat masine tua ay di mayat.

Usea 13:13

Andasug sa ayu sik anini kata sik mangena tagafasalugun, ay kata wayam sik ngenge at yud e fagsafulun. Nu ndasug nu gfasalug fag buknga, wa gduksun siginan at mina at ungdan.

Sakaryas 13:1

Yawi at Mabalyanan nalong te, “Ginanya ban fag menit, nanluang au bulbug at fun laman sas Dabid at kasugfunanan ay sa sangay taw Erusalem laman namalyam at ngay asalanan ay at fagmasuyaun. Namalyam kwan ngay fagsegan siginans Erusalem laman kanya fagayu wa gamatang ya. Nangaiyan kwan siginans Erusalem ngay taglong ay at mauri fag ngay falad.

Sakaryas 14:8

Ginanya ban fag menit, siginans Erusalem e sik mamam malyo gfamilugan. Ay sik afud mamam nanfamilugan sas Dagat at Mabulan ay sik afud nanfamilugan sas Mediteranyu fag Dagat. Ay gfamilugan tua gugat dewa mangune ay abagat.

Mateu 11:12

Ay siginan Uan Tagfasurung nu nanfamoyung dasug katsi, Dius at fagfagtainanan anke maidap siginan tagfangauri fag ngay taw tagugatan gasanyaun ay gfabulun gagoan.

Mateu 6:33

Abat ngate am gafanawa, ugatani yakman te, setain Dius nu gfagtainan fia ayu, ay ugatani nu gfaning am at fakaylatun, ay Dius gfon ban sa ayu fagayu ay fagayudanun.

Lukas 13:24

“Ugatani sakboi sa talay fag sakbawan. Amatangani, glong au sa ayu te, ngayu oma tagyasakboun sanya fag sakbawan, dewa katanya wa masakbo.

Lukas 16:16

“Muisis at Faugali ay Dius at ngay taglong at rirukan e fagmabalyananun yakmay Uan andasug. Ay katsi gfoyung au at Masine fag Barita sabaliwa Dius nu gfagtainan. Ay ngayuk taw tagugatan nangatap.

Uan 5:3

Ay ngayuk taw e fakasaitun gtaygilidan sanya. Tibak taw at fakasaitun; wa glag, ay tiba wa malo, ay tiba wa malelegan. Ay kanya fagayu gfanya lino nu guigan.

Uan 5:5

Ay sanya sik mangama tulu wak safulu e waluk banwa nu e fakasaitun.

Uan 5:7

Ay at yud malo gbalus te, “Fagtainan, we gbuba angku, ay mamam nu nauigan, gina kyay galoun sanya e naguna wa angku.”

1 Kurintu 6:11

Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.