Uan 3:3 - Fanawbuid tagsibaliwas Fakayabian

³ Isus gbalus te, “Matuyan nu glong au emu te, sik taw nu dway nadog ansalug, kanya ban wa mful sas Dius at fagfagtainanan.”

Uan 3:3 ပူးပေါင်းရင်းမြစ်များ

Eremyas 5:21

‘Am fag ngay taw at yud e fagsafulun ay takamaogatun, dungugani ku longan. E ngay mata oma am, dewa katanya, wam glag, ay e ngay talinga oma am, dewa katanya, wam gdungug.’ ”

Esekyel 36:26

Namon kban sa ayu at bagu fag amatanganan ay at bagu fag falad. Ay ay ngay fakamaboun ban nantubus kwan at mafamaning.

Mateu 16:17

Ay Isus nalong yangay anya te, “Mauseganan tuo Simun, Unas at baguama. We taw nafoyung emu takatanya. Ku Mama tua sas banwa at nafoyung emu.

Mateu 19:24

Ay glong kyangay ayu te, amasakit yap sik kamelyu nu nansulun sasad fansimat ramit at sulat, sa sik maramraman fag taw nu manangatap sas Dius at fagfagtainanan.”

Mateu 21:31

“Inday ro sanya fag duksay at nafaning at mama at fakaylatun?” Ay kafag ngay taw gbalus te, “At taguna.” Ay Isus nalong yangay anya te, “Matuyan nu glong au ayu te, ngay tagbul famayad laman sas fun ay ngay takamatugtug gumuna ayu nu nangatap sas Dius at fagfagtainanan.

Mateu 5:18

Matuyan nu glong au ayu te, dewa ban banwa ay daga ankamin, nusdi sik afud sirut Muisis at Faugali wa myud e tungkul yakmay ban umfasludan fagayu.

Markus 10:14

Ay Isus nu nasaful, nagras at ngay tagadal te, “Fabayani wan kafag ngay sisian nu kakbang sa angku. Lag am gsalag, aroro takata kanya fag ngay sisian katap ban sas Dius at fagfagtainanan.

Markus 9:47

Ay am mata nu gfae asalanan yangay emu, guladi wan ay ukasi. Aroro amasine yap dewa sadi am mata, nu kadasug tua ban o sas Dius at fagfagtainanan, dewa dua am mata nu gaukasan way ban o sas afuy daul.

Uan 1:13

Dius at ngay sisian nu kasalug di kata sik mangena nu gfasalug at sisian ay di kata sik taw at fakaylatun ay at algan, nu bunway siginan tua Dius at algan.

Uan 1:5

Ay kafag fagmayamagun gdamlag sis fagmadulumun, ay kanya kabavn di gababawan fagmadulumun.

Uan 1:51

Ay kanya nalong sa sangay taw te, “Matuyan nu glong au ayu te, lumag ban am banwa nu maluangan, ay Dius at ngay tagbarita nu gulul ay gtustus sa angku, Taw at Baguama.”

Uan 12:40

“Dius nafayud glag kafag ngay taw, ay nafaogat at ngay amatanganan. Ay Dius glong te, Nafakamulun au takatanya, laman kafag ngay taw ban wa glag ay wa gtogdungug, ay wa ban kafoli sa angku laman namafia au anya fagayu.”

Uan 3:4

Ay Nikudemu ginto anya te, “Tain ro sik taw nu gdog nangasalug nu mafagtainan wan? O kanya ro manga masakbo yay sat mina at ungdan laman nandog yay nangasalug?”

2 Kurintu. 4:4

Kafag ngay taw wa gafanud, aroro Satanas, tagfunan fagdaul daga, nafalikbug kafag ngay taw at amatanganan laman kafag ngay taw wa nalag at Masine fag Barita at yamag sabaliwa tam Fun Isus at fagmabalyananun. Tam Fun Isus wan Dius at aninu.

2 Kurintu. 5:17

Nu katanya, nusnga sinu at kinsadi sa tam Fun Isus kanya sik bagu tua fag taw. Naubun wan ebi ataw at ugali; katsi at ugali bagu wan.

Galasya 6:15

Nu katanya, wa mafanud ya dewa e fakatoglagan ay yud e fakatoglagan. At mafanud, Dius tua nu gfabagu antam.

Efesu 2:1

Ebi taguna kata way nu mabulan am aroro sa ay fakamaboun ay sa ay ngay asalanan.

Deuterunumyu 29:4

Dewa katanya, dasug katsi Yawi ya nafafoli sa ayu ay ngay amatanganan at matuyan.

Titu 3:5

kanya nafalangfe antam, bunwa siginan tam ngay nafakamulun at masine nu bunway siginan tua nu kafanyu antam. Anlangfe tam siginan nu gfegus antam gina tam nadog ansalug ay siginan at Masine fag Falad at nafon antam at bagu fag ugali.

Santiagu 3:17

Fagsafulun tagsiginans Dius: taguna, di e malong, ay manabayan tua, ay malukme, ay mafamaning, ay mafangafanyu ay masine, ay di e fagfili, ay di kamuag.

1 Pedru 1:3

Segi tam Dius, tam Fun Isus at Mama. Aroro Dius maksvn nu kafanyu antam, ansalug tam sa sik bagu fag leleg, siginan tam Fun Isus at nadogan naleleg. Kanya fag bagu leleg tagfon sa antam at maksvn fag fagsegun.

1 Uan 2:29

Nasaful wam te, tam Isus matuyan, ay saful yangay am te, fagayu taw tagfakamulun at matuyan, kanya Dius at sisian.

1 Uan 3:9

Nusnga sinu Dius at sisian di gfataglayun gfakamulun at mauri, aroro si tua anya Dius at ugali. Sarokta kanya wa makatu gfakamulun at mauri, aroro Dius wan at sisian.

1 Uan 5:1

Nusnga sinu tagafanud te, Isus wan Dius at nafili fag Fun, kanya fag taw Dius at sisian. Sik taw nu kesug tua sik mama, kesug yangay anggan kafag mama at sisian.

1 Uan 5:18

Nasaful watam te, Dius at ngay sisian di gfataglayun nu gasalanan, aroro Dius at Baguama gdiri tua anya, laman Satanas di gfauri anya.

1 Uan 5:4

Dius at ngay sisian gbabo tua fagdaul daga at fagmauriun. Nababo tam takatanya aroro siginan tam fagafanudun.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,