Uan 3:2 - Fanawbuid tagsibaliwas Fakayabian

² Sik yabi kanya nalo sas Isus, ay glong anya te, “Rabi, nasaful ami te, sik takamoyung o siginans Dius, aroro we mafafakamulun kata am ngay nafakamulun at madulo, Dius nu dway gufud anya.”

Uan 3:2 ပူးပေါင်းရင်းမြစ်များ

1 Fun 17:24

Kafag mangena gbalus Elyas te, “Katsi nasaful au te, Dius o at fagsuguan, ay matuyan am ngay longan siginans Yawi.”

Isayas 51:7

Dungugani angku, am tagsaful at matuyan ay tagfaning ku faugali! Lag am kalimu ngay taw tagfapla ay tagfalingun ayu.

Eremyas 38:16

Ay fun Sedekya ginasan gfatuyanan sas Eremyas te, “Gfatuyanan au sas Yawi, tagleleg fag Dius tagfon antam leleg te, kwa ro gfabul ay kwa yangay ro gfon emu sa takaylat gyafabulun emu.”

Mateu 22:16

Ay kafag ngay taw Fariseu nasugu at ngay tagadal sas Isus gasfuan fun Erudes at ngay taw ay nalong te, “Takamoyung, saful ami te, matuyan tuo, ay matuyan nu gfoyung o Dius at fakaylatun, ay di o gamatangan nusnga setaw taw at longan, ay di o e fagfili nusnga sinu fag taw.

Mateu 23:7

Ay gina sis wabilug furuan, kaylat ngay taw nu gseg anya, ay nu glong sa anya te, ‘Takamoyung.’

Mateu 23:8

“Ay am, lag am kaylat ay iba nu glong sa ayu te, ‘Takamoyung.’ Sadi yakman ay Takamoyung. Aroro fagayu am duksayan am.

Markus 12:14

Ay kanya fagayu andasug sas Isus ay nalong te, “Takamoyung, saful ami te, matuyan tuo, ay di o gamatangan nusnga setaw taw at longan, ay di o e fagfili taw, ay matuyan nu gfoyung o Dius at fakaylatun. O gfaning manga tam tam faugali nu gfon tam famayad sas talun Ruma at fun, o mannga duan?

Uan 1:38

Isus anbiling ay nalag kanya fag dua nu galo anya. Ay kanya nainto te, “Nataw ay fagrvbvyun?” Ay duama gbalus te, “Rabi, dada nu gbanwan o?” (Rabi at masuad te, Takamoyung.)

Uan 10:38

Ay nu gfakamulun ktua katanya, afanudi tua siginan ku ngay nafakamulun, deyud am kaylat gafanud sa angku. Nu katanya tua, sumaful am te, ku Mama si wa angku, ay au si kyangay anya.”

Uan 12:37

Isus nafakamulun at ngay mabalyanan fag fakamulun tagfatoglag te, kanya siginans Dius. Ay dewa kafag ngay taw nalag, wa gafanud sa anya.

Uan 14:10

O nunda yo gafanud te, si au ku Mama ay ku Mama si yangay angku? Ku ngay foyungan bundi siginan angku nu bunway siginan tua ku Mama tagsi angku, ay kanya yangay tagfakamulun at fakamulun.

Uan 15:24

Nu dyaman au nafakamulun at yud e mafafakamulun fag ngay madulo si sangay taw at daga salubangan, kanya ro fagayu we asalanan. Dewa katanya, kanya fagayu nalag oma ku nafakamulun ay kauri way angku ay ku Mama.

Uan 2:11

Isus nu gfakamulun katanya, sis Kana fag furuan, sis talun Galilea. Kanya yay lang Isus at nafalag taguna at madulo fag fakamulun, tagfatoglag te, siginans Dius. Siginan at nafakamulun takatanya, Isus nafasure at fagmasineun, ay sanya ginan at ngay tagadal nafanud.

Uan 20:16

Ay Isus nalong te, “Maria.” Ay kanya nasalubang ay nalong sas Ebreu fag fangaringang te, “Rabuni!” (At masuad te, Takamoyung.)

Uan 3:26

Nu katanya, kanya fag ngay taw nalo sas Uan ay glong anya te, “Takamoyung, am ufud ebi tsi baliwa Liskung Urdan ay am nafatoglag sa sangay taw, kanya gfasurung yangay, ay fagayu taw sanya wa tanan.”

Uan 4:31

Ay at ngay tagadal gfabulun glong anya te, “Takamoyung, fangoni wan.”

Uan 5:36

Ay dewa katanya e tagfatuyan sabaliwa angku, gtungud yay Uan. Ku Mama nafafakamulun sa angku fag fakamulun, kanya way ku fakamulun, ay kanya wan tagfatuyan te, ku Mama at nasugu angku.

Uan 6:2

Ay ngayuk taw at nanangalo anya aroro kanya fagayu nalag Isus at madulo fag ngay fakamulun nu gfafia at ke ngay fakasaitun.

Uan 7:31

Ay ngayuk taw nafanud sa anya, ay glong te, “Sia wan Dius at nafili fag Fun, aroro nusnga sinu we mafakamulun tagtungud tua at nafakamulun fag ngay madulo.”

Uan 9:16

Ay tibak taw Fariseu glong te, “Kafag taw wa siginans Dius, aroro dewa sis Famiangalay fag Menit, gfakamulun way.” Ay tibak taw glong te, “Tain ro kanya nu mafafakamulun at ngay madulo fag fakamulun nu sik tagasalanan way?” Ay kafag ngay taw at amatanganan wa masadi.

Fakamulun 10:38

Ay nasaful am te, Dius nafon at Masine fag Falad ay fagmabalyananun sas Isus tagsiginans Nasaret, ay nasaful yangay am te, nusnga nday kanya nu glao, gfakamulun gugat at masine ay gfafia fagayu tagsis daga Satanas at fagmabalyananun, aroro Dius gufud tua anya fagayu.

Fakamulun 2:22

Pedru gfataglayun gfoyung te, “Ku kaiban fag ngay taw Israel, dungugani! Isus tagsiginans Nasaret nafakamulun at madulo ay at mabalyanan fag ngay fakamulun laman gfatoglag te, Dius at nasugu anya. Ay nasaful wam takatanya aroro nu kafasludan ste si ayu.

Filipus 1:14

Siginan yangay nu maubungan au, ngayu tam faduksay at kinkaksvn at fagafanudun sas Dius, ay maseganama yangay nu kamoyung Dius at longan.

Tagfangguna 6:27

Ay Gidyun nataban at fagsuguan fag safulu ay nafakamulun kata Yawi at suguan sa anya. Ay nu gfakamulun si way sad yabi, aroro kalimu at ngay kalongan ay at ngay kaiban.