Uan 2:4 - Fanawbuid tagsibaliwas Fakayabian

⁴ Ay Isus gbalus te, “Fagmangena, fabayani wa angku. Ya ndasug at kasakan fag buknga sa angku.”

Uan 2:4 ပူးပေါင်းရင်းမြစ်များ

2 Samwel 16:10

Ay Dabid nalong te, “Seruya at ngay baguama, lag am kasalag! Nu Yawi wan at nasugu anya laman gfauri angku, sinu au laman gfaragang anya?”

2 Samwel 19:22

Dewa katanya, Dabid glong te, “Ay am Seruya at baguama, nataw ay fakasalagun? Lag am gsalag ku ngay algan. Katsi au wan taw Israel at fun, ay gtuyan au te, nusdi sadik taw Israel, wa ro e kabul.”

1 Fun 17:18

Ay kanya fag fagbubayun nalong sas Elyas te, “Dius at fagsuguan, nataw am nadotaman angku? O nastae o laman namabul ku munama aroro sa ku ngay asalanan?”

Takamoyung 3:1

Fagayu fakamulun stes fagdaul daga e buknga:

Mateu 15:28

Ay Isus nabalus anya te, “Fagmangena, maksvn am fagafanudun. Umfasludan am fagetun.” Ay ginanya yay, kafag mangena at baguina anfia wan.

Mateu 8:29

Ay kanya fag duak taw nauro te, “Nataw am fagyafakamulunun ro sa emi, o Dius at Baguama? O am fagnastieun namaidapan o emi, dewa yud yay andasug nu gfaurianan fag menit?”

Lukas 2:49

Ay Isus nabalus te, “Wain ay fagrvbvyun angku? O wam nasaful te, masine nu si au ku Mama at bale?”

Uan 12:23

Ay Isus gbalus anya te, “Andasug wan at buknga laman gfasure Taw at Baguama at fagmasineun.

Uan 13:1

Nu munakbang wan taw Udyu at fagmafulun sabaliwa Tagbarita nu Glangfe, Isus saful wa te, andasug wan at buknga nu gubun ste swa daga laman kafoli wan sat Mama. Kanya maksvn nu kesug at ngay tagadal, ay gfalag sa anya te, kafanud nya nu kesug.

Uan 2:3

Ay at fanlangu nu namin, Isus at mina nalong anya te, “Namin wan fanlangu.”

Uan 20:13

Ay kanya fag duama nainto anya te, “Wain am fagwaywayun?” Maria nabalus te, “E nabul ku Fun, ay kwa nasaful te, dada nu gbuba.”

Uan 20:15

Ay Isus nainto anya te, “Wain am fagwaywayun? Sinu am fagrvbvyun?” Maria nu glong, at fagfakamatoanun tagalaga tanuman, nu katanya nalong te, “Nu o wan at nabul anya, namoyung o angku nu dada nu gbuba o, ay namul kro.”

Uan 7:30

Ay kafag ngay taw gananggamatun anya. Dewa katanya, we mananggamat anya aroro ya ndasug at kasakan fag buknga.

Uan 7:6

Isus gbalus te, “Ya ndasug at kasakan fia ku buknga, ay nu sa ayu masine way dewa snga ginain.

Uan 7:8

Am yakman lang tagsas fagmafulun. Au, kwa sanya aroro bunya katsi fag buknga at kasakan sa angku.”

Uan 8:20

Isus nafoyung takatanya gina sis Dius at bale, munakbang sis fagsuadan fanggalangun. Dewa katanya, we mananggamat anya aroro ya ndasug at kasakan fag buknga.

2 Kurintu. 5:16

Nu katanya, siginan katsi wami gamatangan ya sabaliwas taw, kata takalag fagayu nusnge wain. Ebi taguna katanya way nu gtoglag ami tam Fun Isus, ay katsi di katanya.

Deuterunumyu 33:9

Kanya fagayu nafalag sa emu at fagmatuyanun, gtungud yay at ngay fagtainan ay at ngay faduksay, ay at ngay sisian at fagmatuyanun. Ay nafaning fagayu am suguan ay galaga tua am nasadian.