Uan 17:3 - Fanawbuid tagsibaliwas Fakayabian

³ Katatuy sik taw nu e leleg at yud e fakatabuan: nu natoglag emu te, o wan at matuyan fag Dius, ay nu natoglag yangay angku am nasugu, Isus, am nafili fag Fun.

Uan 17:3 ပူးပေါင်းရင်းမြစ်များ

1 Krunika 28:9

“Ay o, ku baguama Sulumun, toglagi ay fakamuluni sa am mama at Dius sas fagdaul am amatanganan aroro Yawi glag way tam amatanganan ay saful tam algan ay tam fagamatanganun. Nu kakbang tua ban o gugat sa anya, ggubuk tua ban emu. Dewa katanya, nu natalyuyan way ban o anya, kanya ban gaiyan emu kabavn.

2 Krunika 15:3

Ngaduge wan ngay taw Israel nu gbanwan nu yud si anya at matuyan fag Dius, ay nu yud e ngay tagfon fanggalangun tagfoyung anya fagayu, ay nu yud e fagaloan suguan.

Alubad. 9:10

Ay ngay taw tagsaful emu gafanud tua, aroro di o gaiyan nusnga sinu tagrvbvy emu.

Fangatulun 8:35

Aroro nusnga sinu fag taw at natoglag angku, masine ay ngaduge tua nu gleleg, ay Yawi gfauseganan anya.

Isayas 48:16

Akbangi sa angku ay dungugani: Siginan ngay sfagsigadan kwe nalong at masuksuk. Ay gina ku longan kafasludan, sanya kwan.” Ay katsi Yawi tam Fun nasugu angku. Dius nasugu angku gadgaloan at Masine fag Falad.

Isayas 53:11

Ay nu nlangfe ban nu gidapan, kanya ban lumag at naidapanan at rawvg ay guseganan ban. Yawi nalong te, “Ku fagsuguan matuyan, ay siginan at fagsafulun ngayu ban at kumtap kata nu yud e asalanan, aroro kanya ban nanginkidapan laman sa sangay taw at asalanan.

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Usea 6:3

Masine nu gugatan tam gtoglag Yawi. Matuyan, kanya umdasug wa fia kata menit nu kasure. Ay kata arak nu kadasug laman namarugme daga.”

Markus 9:37

“Nusnga sinu tua takaylat sik sisian sirut takata tuy fag sisian, aroro kesug angku, kaylat yangay angku, ay nusnga sinu takaylat angku, bundi lang angku at fakaylatun, nu bunway anggan tua at nasugu angku.”

Lukas 9:48

Ay Isus glong sat ngay tagadal te, “Nusnga sinu tua takaylat tuy fag sisian sirut aroro kesug angku, kaylat yangay angku, ay nusnga sinu takaylat angku, kaylat anggan at nasugu angku, aroro nusnga sinu si ayu tiba daga katsi, kanya tua ban tiba tungud.”

Uan 10:36

Ay wain katsi ay faglongun te, nalong au mauri sabaliwas Dius siginan ku nalong te, Au wan Dius at Baguama? Dius nafili ay nasugu angku ste swa daga.

Uan 11:42

Saful au te, gdungug tuo gugat angku. Ku fagnalongun katanya laman tagligung angku fag ngay taw gafanud te, o wan at nasugu angku.”

Uan 14:26

Dewa katanya, at Masine fag Falad, fag Tagfasun, ku Mama at fagsuguun sa ku ngayan, kanya tagfoyung ban ayu fagayu nusnge wain, ay tagfamatang yangay ban sa ayu ku ngay foyungan.

Uan 17:18

Nu setain nu gsugu o angku ste swa daga, katanya yangay, gsugu kyangay anya fagayu sas fagdaul daga laman kamoyung.

Uan 17:21

Mama, nangus kanya fagayu masadi tua kata anta. Nu setain nu masadi o si angku ay nu masadi au si emu, katanya yangay nangus kanya fagayu nu masadi si anta, laman fagayu taw ste swa daga gafanud te, o wan at nasugu angku.

Uan 17:23

Ay au, masadi au sanya fag ngay taw, ay o, masadi o si angku, laman kanya fagayu masadi fia. Nu katanya, ste swa daga fag ngay taw sumaful te, o wan at nasugu angku, ay kesug o kanya fag ngay taw kata nu kesug o angku.

Uan 17:25

Mama, matuyan tuo. Ste swa daga fag ngay taw deyud gtoglag emu, au gtoglag ktua emu, ay am ngay nafon angku fag ngay taw nasaful tua te, o wan at nasugu angku.

Uan 17:8

aroro nafoyung kwa sanya fag ngay taw am nafon angku fag ngay longan, ay kanya nafaning tua. Ay kanya antuyan wa te, siginan au emu, ay gafanud yangay te, o wan at nasugu angku.

Uan 3:17

Aroro Dius at fagnasuguun at Baguama ste swa daga di nanfaurianan ngay taw, nu bunway namalangfe tua.

Uan 3:34

Ay aroro Dius at nasugu gfoyung Dius at ngay longan, ay Dius nafon sa anya at Masine fag Falad at fagmabalyananun fagdaul.

Uan 5:44

Ay famauseganan nu sa way lang ay iba, tain ro nu gafanud am, wayam grvbvy famauseganan tagsiginan at matuyan fag sadik Dius?

Uan 6:57

Ku Mama at nasugu angku tagfon leleg, ay gleleg kyangay aroro sa anya. Ay katanya yangay ban nusnga sinu takon ku bilug e leleg tua ban aroro sa angku.

Uan 7:29

Au, toglag ktua anya aroro siginan au anya, ay kanya wan at nasugu angku.”

Uan 8:19

Ay kanya fagayu ginto anya te, “Dada am mama?” Ay Isus gbalus te, “Wam toglag angku ay ku Mama. Nu natoglag di am angku, toglag yangay ro am ku Mama.”

1 Kurintu 15:34

Nu katanya, afolii sat masine fag amatanganan, ay ubuni wan ay asalanan. Am tiba wam natoglag Dius. Nafoyung au sa ayu takatanya laman gfapla au ayu.

1 Kurintu 8:4

Nu katanya, sabaliwas fakonun at nafon sat yud matuyan fag ngay fagsegan, saful watam te, ngay fagsegan bunwa kanya at matuyan fag Dius, ay tam Dius sadi way.

2 Kurintu. 4:6

Aroro Dius wan at nalong te, “E yamagi sasad madulum,” ay kanya yangay tagfayamag tam amatanganan laman tumoglag tam at fagmabalyananun at kinsure siginan tam Fun Isus.

Filipus 3:10

Katsi, kaylat au gtoglag tam Fun Isus, ay gyasafulun au at kamabalyananan aroro nadog naleleg, ay kata anya kaylat au nanginkidapan, ay namaning anya anggan sat nabulanan.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

1 Tesalunika 1:9

Aroro kanya wan fag ngay taw at nafadungug sa emi te, naylat mandi am em nasiboan ayu. Ay kanya yangay fagayu at nalong sa emi te, naubun wam nu gseg am ay ngay fagsegan, laman gfaning am tagleleg ay at matuyan fag Dius,

2 Tesalunika 1:8

Kanya ban namaurianan fagayu at yud gtoglag Dius ay at yud gfaning at Masine fag Barita sabaliwa tam Fun Isus.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

2 Pedru 1:2

Sumawa fia ayu Dius at fagmagalangun ay at fagmanabayanun siginan ay natoglagan tam Fun Isus tam Dius.

2 Pedru 1:3

Dius at fagmabalyananun tagfon antam tam fagayudanun fagayu laman gugali tua tam gfaning anya, siginan tam natoglagan anya at nauro antam aroro siginan at fagmabalyananun ay at fagmasineun.

2 Pedru 1:8

Nu kaksvn tua nu gugali am takatanya, di ban umyud e masuad ay natoglagan tam Fun Isus nu bunway e tungkul tua ban.

1 Uan 1:2

Tagfon leleg ansure, ay gfatuyan ami te, nalag ami fia anya. Gfoyung ami te, kanya gfon leleg at yud e fakatabuan, ay siginans fakasigadan gfaudgufudan gugat at Mama ay abandi ansure sa emi.

1 Uan 1:3

Gfoyung ami ayu em nadungug ay em nalag, laman e fagmasadiun am sa emi. Ay e fagmasadiun tua tam sa tam Mama ay sat Baguama, Isus tam Fun.

1 Uan 2:23

Nusnga sinu at yud gtoglag at Baguama, at Mama wa si anya. Ay nusnga sinu tagtoglag tua at Baguama, at Mama gbanwan tua si anya.

1 Uan 4:6

Dewa katanya, itam Dius tua tam at ngay taw, ay nusnga sinu at natoglag Dius, gdungugan tua antam. Ay dewa katanya, nusnga sinu at yud siginans Dius, kanya wa gdungugan antam. Katanya tam fagsafulan te, sik taw at foyungan siginan tua at Masine fag Falad ay mannga siginan way takamuagan fag falad.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.