Uan 17:2 - Fanawbuid tagsibaliwas Fakayabian

² Ay nafon wo sa angku fagmabalyananun sas fagayu taw, laman gfon au leleg at yud e fakatabuan sam nafon angku fag ngay taw.

Uan 17:2 ပူးပေါင်းရင်းမြစ်များ

Alubad. 110:1

Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

Daniel 7:14

Ay Dius nafauseganan anya ay nafon fagmabalyananun laman gfunan, ay fagayu gaban taw sas fagayu talun sas fagdaul daga, tagsaman at ngay fangaringang naseg anya. Kanya nu gfunan we fakatabuan. Ay we marasras at fagfagtainanan.

Mateu 11:27

Ay Isus glong sa sangay taw te, “Ku Mama wan at nafon sa angku fagayu nusnge wain. Au, at Baguama, wa fia e gtoglag angku, ku Mama way lang tagtoglag angku. Ay we taw gtoglag fia ku Mama, nu bunway au way lang, at Baguama. Ay kayu ku fakaylatun gfatoglag ku Mama, anggan kafag taw tumoglag ku Mama.

Mateu 25:46

“Ay kafag ngay taw umdasug ban sas faurianan at yud e fakatabuan, ay at matuyan fag ngay taw umdasug tua ban sas leleg at yud e fakatabuan.”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Uan 17:24

“Mama, kaylat au am nafon angku fag ngay taw nu magamut ban si angku sa ku fagnangadasugan, laman ban kanya fagayu lumag am nafon angku fag fagmasineun, aroro kesug o angku siginan ngay nu yud e daga.

Uan 17:6

“Nafatoglag kwan emu sam nafon angku fag ngay taw ste sfagdaul daga. Kanya am ngay taw, ay katsi nafon yangay o angku, ay kanya fagayu nafaning tua am longan.

Uan 17:9

Gdarangin au anya fagayu. Ay kwa gdarangin ngay taw tagfaning ste swa daga at ugali nu bunway fagayu tua am nafon angku, aroro kanya am ngay taw.

Uan 3:35

Dius kesug at Baguama, ay nafon wan sa anya fagdaul at fagmabalyananun.

Uan 4:14

Ay dewa katanya, nusnga sinu ban at nainum ku fon fag mamam di kadanum ya. Ay kanya fag mamam kata sik bulbug gfamilugan sat basad, laman gfon leleg at yud e fakatabuan.”

Uan 6:27

Ay fagugatanun gfakamulun dangay sa takadan fag fakonun, nu bunway sa tua at yud kadan fag fakonun tagfon leleg at yud e fakatabuan. Au, Taw at Baguama, gfon au sa ayu takatanya fag fakonun, aroro Dius nafalag sa sangay taw te, ‘Matuyan ku Baguama at fakamulun.’ ”

Uan 6:37

Ku Mama at nafon angku fag ngay taw nangakbang sa angku. Ay nusnga sinu takakbang sa angku kdi gaiyan.

Uan 6:39

Katatuy at nasugu angku at fakaylatun, lag au gfabayan gfalyam nusdi sadi at nafon sa angku. Nu bunway at fakaylatun, namadog kban namaleleg anya fagayu sa taguyan fag menit.

Ruma 6:23

Aroro asalanan at famayad, fakabulun, ay dewa katanya, Dius at famonun leleg tua at yud e fakatabuan siginans Isus tam Fun.

1 Kurintu 15:25

Aroro masine tam Fun Isus nu gfagtainan yakmay ban nafasa at daga darafa at ngay fawayan.

Efesu 1:20

Kanya yangay Dius at fagmabalyananun gina nafadog nafaleleg tam Fun Isus siginan at fagmabulanan ay nafalunggung anya sit siun baliwa sis banwa.

Filipus 2:10

laman fagayu awatan tagsis banwa ay tagsis daga ay tagsas daga daga nantudan laman gseg anya,

1 Timuteu 1:16

Dewa katanya, tam Fun Isus anfanyu tua angku laman kanya namalag sas fagayu taw te, kaksvn tua kanya nu gagwantan laman sa angku, au fag taw tagtungud tua tibak taw nu mauri, laman at kinfasludan sa angku sik fafaskudanan sas fagayu tagafanud yay ban sa anya, kafag ngay taw at ke leleg ban at yud e fakatabuan.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.

1 Pedru 3:22

Tam Fun Isus siwas banwa ay malunggung sis Dius at siun, ay gfunan at ngay tagbarita ay at ke ngay fagmabalyananun sis banwa.

1 Uan 1:2

Tagfon leleg ansure, ay gfatuyan ami te, nalag ami fia anya. Gfoyung ami te, kanya gfon leleg at yud e fakatabuan, ay siginans fakasigadan gfaudgufudan gugat at Mama ay abandi ansure sa emi.

1 Uan 2:25

Nu katanya, mul tua ban am at fatuyanan fag leleg at yud e fakatabuan.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

Udas 1:21

Kabavn banwani sis Dius at fakesugun kaduge am gfanya tam Fun Isus at fakafanyun tagfosuk ayu sat yud e fakatabuan fag leleg.