Uan 15:5 - Fanawbuid tagsibaliwas Fakayabian

⁵ “Au wan fun wat ubas, ay am at ngay sanga. Tagbanwan si angku, ay si kyangay anya, ngayu kanya nu grawvg. Wayam masugfun si angku, wam e fagmakatuun nusnge wain.

Uan 15:5 ပူးပေါင်းရင်းမြစ်များ

Fangatulun 11:30

At matuyan fag taw magubuk tua at ngay iba, laman gfadugdug at leleg. Ay sik taw tagfalangfe ngayuk taw, e fagsafulun tua.

Usea 4:8

Ay naylat wayam ku ngay taw nu gasalanan, laman kayu ay ngay ramraman siginan nu gfon at ngay fanggalangun famalyam at ngay asalanan.

Mateu 13:21

Ay kanya fag ngay taw nu gafanud wa glugo, kata kafag bvtang nu yud nalalid. Fagidapun ay famaskud nu ndasug aroro siginan at nadungugan Dius at Longan, kanya fagayu gfangafoliun way.

Uan 12:24

Matuyan nu glong au ayu te, sik bvtang nu dyay e natanum ay anbul, kanya sik bvtang yay gugat. Ay kanya nu nbul wan, gtugbung ay ngayu ban nu grawvg.

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

Uan 5:19

Nu katanya, Isus nalong sanya fag ngay taw te, “Matuyan nu glong au ayu te, au, Taw at Baguama, kwa mafakamulun nung way lang ku sadili. Ku fagfakamulunun ku nalag tua ku Mama at nafakamulun. Ku Mama at nafakamulun, katanya yangay anggan angku, at Baguama, ku fagfakamulunun.

Uan 9:33

Kanya fag taw nu dway siginans Dius wa ro mafafakamulun.”

Fakamulun 4:12

Ste sfagdaul daga we mafalangfe antam nu bunway Isus.”

Ruma 12:5

Katanya yangay, itam dewa tam ngayu, sadi way tam bilug ansadi tam sa tam Fun Isus. Ay galay tam at sadi masadi tua tam sa tam iba.

Ruma 6:22

Ay katsi nalfas wam siginans asalanan, ay Dius tuam at ngay fagsuguan. Ay sanya ginan anke leleg tuam at yud e fakatabuan.

Ruma 7:4

Ku ngay faduksay, katanya yangay am. Siginan tam Fun Isus at nabulanan, anbul wam sabaliwas Muisis at Faugali, ay ansadi tuam sas Isus, kanya at nadog naleleg siginans at fagmabulanan. Fakatanyaun, laman e tungkul tuam sas Dius.

1 Kurintu 10:16

Ansadi tam sa tam Fun Isus at taguk nu nainum tam gina tam Fun at yafun, ay guseganan tam sas Dius. Ay ansadi yangay tam sat bilug nu naon tam kafag sadik tinapay.

1 Kurintu 12:12

Tam bilug sadi way, ay ngayu at afud. Ay fagayu at afud, ansadi sa sik bilug. Ay katanya yangay tam Fun Isus at bilug.

1 Kurintu 12:27

Ay am wan tam Fun Isus at bilug. Ay galay am at sadi tam Fun Isus am at afud.

2 Kurintu. 13:8

Aroro wa tam masine gbabo at matuyan, nu bunway gfaning tua tam.

2 Kurintu. 9:10

Dius gfon bvtang sa sangay tagtanum ay gfon fakonun sas fagayu taw. Ay kanya gfamut ay ramraman laman kaksvn tua nu kamon am sa sangay yud e kwa.

Galasya 5:22

Dewa katanya, katatuy tua takalag si sik taw at leleganan siginan at Masine fag Falad at gubuk: kanya mafangesug tua, ay guseganan, ay manabayan, ay magwanta, ay mafangafanyu, ay e fagmasineun, ay mafamaning,

Efesu 5:9

Aroro tagsis fagmayamagun at rawvg masine tua ay matuyan ay mafanud.

Filipus 1:11

ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.

Filipus 4:13

Mafafakamulun au nusnga setaw aroro siginan tam Fun Isus, kanya wan tagfae fagmabitsugun angku.

Filipus 4:17

Dewa katanya, kwa grvbvy ay famonun, nu bunway kaylat au gyalagun ay fakamulun at masine nu kafamut.

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.

Santiagu 1:17

Fagayu famonun at masine ay at matuyan, kanya siginans banwa, siginan tam Mama, takawat nusnge wain at masulo sis banwa. Dius di gbadbalian kata kafag ngay tagyamag at lanbung nu gadgalinan.

1 Pedru 2:4

Sia wan ngay taw at naukas fag Gang tagleleg, dewa katanya Dius nafili anya ay kanya mafanud sa anya. Gina am kakbang sa anya,

2 Pedru 3:18

Fataglayuni nu kaksvn am si tam Fun Isus tam tagfalangfe at fagmagalangun ay at fagsafulun. Si wa anya fagmasineun katsi ay kabavn ban. Anud.