Uan 13:8 - Fanawbuid tagsibaliwas Fakayabian

⁸ Ay Pedru glong anya te, “Kwa kaylat nu owo tagfegus ku darafa.” Isus gbalus te, “Nu dway ro au at nafegus am darafa, wo e fagmasadiun sa angku.”

Uan 13:8 ပူးပေါင်းရင်းမြစ်များ

Fakasigadan 42:38

Ay Akub nabalus anya te, “Katsi kwa kaylat gfaalo ayu Benamin, aroro at faduksay anbul wan ay kanya way lang at sawad ste, ay mae ndasug sa anya at mauri gina am sa sangaba dalan. Ay aroro mafufuama kwan, manbul au sas fakabaluun.”

2 Samwel 20:1

E sik taw mauri siginan Benamin at kasugfunanan at ngayan Syeba, Bikri at baguama. Ay kanya nafawang budyung ay sanya ginan guro te, “Ngay taw Israel, wa tam kataip sas Dabid, Ese at baguama! Fagayu tam guli watam!”

1 Fun 12:16

Fagayu taw Israel nu nasaful te, Reubuam wa gdungugan, kanya fagayu nalong te, “Wami kataip ya sas Dabid at kasugfunanan. Wami ngap e fagmagbilugun siginans Ese at kasugfunanan. Wami kasalag ya emu, Dabid at kasugfunanan. Ngay taw Israel, guli watam.” Nu katanya, ngay taw Israel noli wan.

Alubad. 51:2

Falyami wan fagayu ku asalanan, ay fasinei ku amatanganan siginan ku ngay nafakamulun at mauri.

Alubad. 51:7

Lisgisi sa angku sik balugu laman umfegus au. Fegusi angku laman ku amatanganan umsine kata sik dingin at barugwak nu malaksi.

Isayas 4:4

Ay siginan ban tam Fun Dius nu ginsaful kata nu girug, kanya ban gfegus tagsis furuan Erusalem fag ngay mangena at fagmasuyaun, ay gfegus ngay taw Erusalem at ngay lanbung tagatagukun.

Esekyel 36:25

Namaramsig kban sa ayu at masine fag mamam laman umfegus am, siginan fagayu ay fagmauriun ay nu gseg am sa tibak fagsegan.

Sakaryas 13:1

Yawi at Mabalyanan nalong te, “Ginanya ban fag menit, nanluang au bulbug at fun laman sas Dabid at kasugfunanan ay sa sangay taw Erusalem laman namalyam at ngay asalanan ay at fagmasuyaun. Namalyam kwan ngay fagsegan siginans Erusalem laman kanya fagayu wa gamatang ya. Nangaiyan kwan siginans Erusalem ngay taglong ay at mauri fag ngay falad.

Mateu 16:22

Ay Pedru nataban Isus sat dayu ay gagras anya te, “Ku Fun, duan, wa ban umfasludan takatanya sa emu.”

Mateu 21:29

“Ay kafag baguama nabalus te, ‘Kwa kaylat.’ Ay arodi nafabali yay at amatanganan, ay nasanya yay.

Mateu 26:33

Ay Pedru nalong anya te, “Ku iba ro fagayu dewa naubun emu, au kwa gubun emu.”

Mateu 26:35

Ay Pedru gbalus Isus te, “Duan, dewa ro au nangabul gasfuan emu, kwa ro glong te, kwa toglag emu.” Ay katanya yangay fagayu at tagadal at longan.

Uan 13:6

Ay Isus nu nkakbang sas Simun Pedru, Simun Pedru glong anya te, “Ku Fun, o nunda o tua ro tagfegus ku darafa?”

Uan 13:9

Nu katanya, Simun Pedru glong anya te, “Ku Fun, dangay ku darafa lang am fagfegusun, anggan tua ku daluap ay ku alfuyu.”

Uan 3:5

Isus gbalus te, “Matuyan nu glong au emu te, sik taw nu dway ansalug sas mamam ay sat Masine fag Falad, kanya ban wa manangatap sas Dius at fagfagtainanan.

Fakamulun 22:16

Ay nataw am fagfanyaun katsi? Alindugi wan ay nangasurung wo, ay uroi sa tam Fun laman gfalyam am ngay asalanan.’

1 Kurintu 6:11

Ay ebi si ayu e gfakamulun takatanya. Dewa katanya, Dius nafegus tua ayu, ay nafayud e malong, ay natap ayu kata nu yud am e asalanan, siginan tam Fun Isus at fagmabalyananun, ay siginans Dius at Masine fag Falad.

Efesu 5:26

laman gfayud e malong ay gfasine anya fagayu siginan nu kasurung sasad mamam ay siginan Dius at Longan.

Deuterunumyu 12:12

Ay nu nanguseganan ban am sa tuam ay Dius Yawi at daga salubangan, gasfuan ay ngay sisian, ay ngay fagsuguan, ay anggan ngay taw Lebi tagbanwan si ay ngay furuan, at yud e afud daga.

Kulusas 2:18

Lag am gatabanan nusnga sinu at yud matuyan nu kamababaun ay tagseg ngay tagbarita. Takatanya fag ngay taw gfoyung sabaliwa at ngay taginfan, ay kamatungudun sabaliwa at ngay amatanganan tagfaning ste swa daga fag ngay ugali.

Kulusas 2:23

Ngay taw at amatanganan, kafag ngay foyungan kata tua at mamatanganan fag taw at foyungan, aroro kafag ngay tagfandaya maksvn nu gseg ngay tagbarita, ay wa matuyan nu kamababaun ay gfaidapan at sadili. Dewa katanya, takatanya fag ngay suguan wa mafafaragang tam bilug at fakaylatun.

Titu 3:5

kanya nafalangfe antam, bunwa siginan tam ngay nafakamulun at masine nu bunway siginan tua nu kafanyu antam. Anlangfe tam siginan nu gfegus antam gina tam nadog ansalug ay siginan at Masine fag Falad at nafon antam at bagu fag ugali.

Ebreu 10:22

Nu katanya, masinei tua tam amatanganan nu kakbang tam sas Dius aroro tam ngay basad ansine wan, ay tam ngay bilug anfegus wan, kata nu nfegus tam sat malyo fag mamam.

At Nafasure 1:5

ay siginan tam Fun Isus, at matuyan fag tagfatuyan, ay at taguna naleleg siginan at fagmabulanan, ay tagtungud fag Fun ste swa daga fag ngay fun. Kanya kesug tua antam, ay siginan at nabulanan nafalfas tua antam siginan tam ngay asalanan.

At Nafasure 7:14

Ay nabalus au te, “Ku fun, kwa nasaful. O wan at nasaful.” Ay kanya nalong sa angku te, “Kanya fag ngay taw at nainkidapan sat maksvn fag ngay faurianan. Ay kanya fagayu nafafasine ay nafalaksi at ngay lanbung sas Tupa Riangan at taguk.