Uan 11:2 - Fanawbuid tagsibaliwas Fakayabian

² Maria wan at naugwag famaebebanglu ay at narus at buk sa tam Fun at darafa. Lasaru anke fakasaitun,

Uan 11:2 ပူးပေါင်းရင်းမြစ်များ

Markus 14:3

Isus sis furuan Betanya ay gfangon sis Simun at bale. (Simun ebi ataw gabangbang.) Ay ginanya, sik mangena andasug, gbuba famaebebanglu at yud e suglat siginan sik tanum nardu, at mabyat nu kabayad, at fagsuadan mawatan siginans gang alabastru. Ay kafag mangena nalifung kafag fagsuadan at liug, ay naugwag at ba famaebebanglu sas Isus at alfuyu.

Lukas 7:13

Ay tam Fun, nu nalag kafag fagbubayun, kafanyu, ay nalong te, “Lag o gwayway.”

Lukas 7:19

Ay Uan nauro at tagadal at dua, ay nasugu laman nanginto sa tam Fun te, “O o wan ebi at foyungan tagakadasugun, ay o mannga gfanya yay ban mi?”

Uan 11:21

Marta glong sas Isus te, “Ku Fun, nu ste di o, satu ro ku faduksay ya nbul.

Uan 11:3

nu katanya, at faduksay fag duak mangena nafasaful sas Isus te, “Em Fun, am fakesugun am fagadgalangan e fakasaitun.”

Uan 11:32

Ay Maria nu ndasug sas Isus, namalub sat salubangan ay glong anya te, “Ku Fun, nu ste di o, satu ro ku faduksay ya nbul.”

Uan 12:3

Ay Maria nabul sik baringan sirut famaebebanglu at yud e suglat, mawatan siginan sik tanum nardu, at mabyat nu kabayad. Ay kanya naugwag sas Isus at darafa ay at fangarus at buk wan. Ay sanya fag basad bale maksvn nu mabebanglu.

Uan 13:13

Nafangayan am angku te, Takamoyung ay ay Fun, anud, matuyan ay nalong.

Uan 13:14

Au, ay Fun ay ay Takamoyung nu nafegus ktua ay darafa, anggan am fedfegusani tua ay darafa.