Uan 10:8 - Fanawbuid tagsibaliwas Fakayabian

⁸ At ngay naguna angku, sik ngay tagfangkamul way ay takamabul ay kafag ngay tupa wa gdungugan anya.

Uan 10:8 ပူးပေါင်းရင်းမြစ်များ

Esekyel 34:2

“Taw at baguama, nangaringang o sabaliwas Israel at ngay tagulit. Nanlong o sanya fag ngay taw te, ‘Fun Dius Yawi glong te, Afanyuan am. Ay fagalagaun ay ngay sadili way. O nunda tagalaga tupa, bunwa tupa at fagalagaun?

Uan 10:1

“Matuyan nu glong au ayu te, tagsakbo sa sangay tupa at ubung nu dway fia sas sakbawan nu gdalan, ay nu sa way sik yud masine fag fagsakboan, kanya sik tagfangkamul way ay takamabul.

Eremyas 23:1

Yawi, Israel at Dius, glong te, “Am fag ngay tagfangguna ku ngay taw afanyuan am! Am wan ku fagfatigwanan tagalaga ku ngay taw kata sik tagalaga ngay tupa, dewa katanya, nafabayan am kanya fagayu nu kabul ay nu gfanaruayan. Takatanya ay nafakamulun, nafasaruayan wayam ku ngay taw. Nu katanya, namaurianan au ayu. Anud wan, namaurianan au ayu aroro sa ay ngay nafakamulun at mauri.

Fakamulun 5:36

Ebi, e sik taw at ngayan Teudas, kanya andasug ay kamatungudun te, e fagmabalyananun. Kanya e ufatk sandank taw. Ay dewa katanya, e nafabul anya ay at ngay taw nasaruayan wan ay at adgaloanan wa nke tungkul.

Uan 10:27

Ku ngay tupa gdungugan tua angku, ay toglag au anya fagayu ay kanya fagayu galo angku.

Uan 10:5

Kanya fagayu di nangalo at fagyudun toglag fag taw, sarokta glagyu way, aroro wa gtogdungug at aringang.”

Sakaryas 11:16

Aroro namae tagfangguna au sas Israel sik takata yud e tungkul fag tagalaga. Kanya ban wa ggubuk ya ngay tupa tagakabulun wan. Ay wa nanrvbvy ya at nalyam, ay wa namafia ya at ke ngay bangbang, ay wa namafangon ya at maniwang, dewa katanya, kanya nangon ngay tupa at mataglu at yamas, ay gbul at ngay u.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.