Uan 10:3 - Fanawbuid tagsibaliwas Fakayabian

³ At tagulit sakbawan gfasakbo tua anya, ay at ngay tupa gdungugan tua at aringang. Ay kanya guro at ngay tupa at ngayan ay gguna at ngay tupa gina gduksun siginan sad ubung.

Uan 10:3 ပူးပေါင်းရင်းမြစ်များ

Alubad. 80:1

Israel at Tagalaga, malunggung o sim faglunggungan sis wabilug duak awatan ke ngay fakfak. Dungugi emi, aroro o tua tagfangguna ay tagtabanan Use at ngay kasugfunanan kata ngay tupa.

Nu Galin 33:17

Yawi nabalus Muisis te, “Gfakamulun au am fagetun sa angku. Aroro guseganan au emu ay toglag kwa emu.”

Fangatulun 27:23

Alagai fia fagayu am ngay fagbaugun,

Sulumun at Alubad 8:13

Ku fakesugun fag baguina tagfanloan sis tanuman, ku ngay fagadgalangan ngap nu nadungug tua am aringang, fadungugi yangay anggan sa angku.

Isayas 40:11

Kanya nangulit at ngay taw kata sik tagulit tupa ay gsalilian at ngay tupa riangan, ay gtabanan fia masine at ngay tupa tina.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Uan 10:14

Au wan at matuyan fag tagalaga. Gtoglag au ku ngay tupa, ay kanya fagayu gtoglag yangay angku,

Uan 10:16

E tiba kyay ktupa, at yud yay sisad ubung. Masine nu namaful kyangay anya fagayu, laman kanya fagayu gdungugan yangay ku aringang, ay laman ban kafag ngay tupa gadgaloan ay sadi tua tagalaga.

Uan 10:4

Ay nu nafaduksun wan, kanya gguna at ngay tupa ay at ngay tupa galo anya, aroro gtogdungug tua at aringang.

Uan 10:9

Au wan sakbawan. Nusnga sinu tagsakbo nu sa tua angku nu gdalan, kanya umlangfe. Kanya fagayu gsakbo ay gduksun ay lumag at fagnanfangonan.

Uan 6:37

Ku Mama at nafon angku fag ngay taw nangakbang sa angku. Ay nusnga sinu takakbang sa angku kdi gaiyan.

Uan 6:45

Katatuy Dius at ngay taglong at rirukan: ‘Dius namoyung ban sa anya fagayu.’ Ay nusnga sinu ban tagdungugan ay at kinfoyung sa baliwa ku Mama, kanya kakbang tua sa angku.

Ruma 8:30

Ay Dius nauro at ngay nafalganan. Ay kanya nafangayan at ngay nauro te, kata nu yud e asalanan. Ay kanya nafon at fagmasineun sa anya fagayu.

1 Kurintu 16:9

Aroro umke buknga au gfakamulun ku fakamulun ste, dewa ngayu tagsalag angku.

Filipus 4:3

Ay get kyangay sa emu, at matuyan ku taggubuk te, gubuki duena. Aroro kafag duena naugatan nagubuk angku nu gfarapyag au at Masine fag Barita, gadgaloan Kliminti ay e tiba yay ku ufud tagfakamulun, at ngay ngayan marirukan sis fagrirukan at ke leleg ban.

Kulusas 4:3

Ay darangini yangay emi laman tam Dius gfon emi ngayuk buknga nu kamoyung ami Dius at algan at masuksukan sabaliwa tam Fun Isus. Kanya wan ku fagmaubunganun katsi.

2 Timuteu 2:19

Dewa katanya, Dius at nafalganan sat ngay taw fag fagsarigan mogat tua. Ay katatuy at Rirukan te, “Tam Fun nasaful wan nu sinu at fagagbilugun fag ngay taw.” Ay nusnga sinu fag taw taglong te, “Gfaning au tam Fun,” at masine kanya nu ddi gfaning ya at mauri.

1 Pedru 1:12

Dius nafoyung sa kafag ngay taglong te, bunwa at ngay sadili at faggubukun nu bunway ayu tua at faggubukun. Ay katsi nadungug tuam kanya fag foyungan siginan at nafoyung ayu at Masine fag Barita. Kanya fagayu nafoyung sa ayu siginan at Masine fag Falad at fagmabalyananun, Dius at nasugu siginans banwa. Ngay tagbarita kaylat yangay nangasaful sabaliwa kafag ngay matuyan.

1 Uan 4:6

Dewa katanya, itam Dius tua tam at ngay taw, ay nusnga sinu at natoglag Dius, gdungugan tua antam. Ay dewa katanya, nusnga sinu at yud siginans Dius, kanya wa gdungugan antam. Katanya tam fagsafulan te, sik taw at foyungan siginan tua at Masine fag Falad ay mannga siginan way takamuagan fag falad.

3 Uan 1:14

Ku fagsegun, wa ban nangus glugo ya, lumadlagan yay ta ay gkamatoan.

At Nafasure 20:15

Ay nusnga sinu fag taw at yud marirukan at ngayan sis fafil fagrirukan at ngay ke leleg ban, e gukas yangay ban anya sas afuy daul.

At Nafasure 3:20

Malindug au sis lod bale sakbawan ay katuk au. Nusnga sinu at nadungug ku aringang ay at naluang at sakbawan, gsakbo au ay gfasfuan au anya gfangon.

At Nafasure 7:17

aroro Tupa Riangan at malunggung sis faglunggungan tagsis wabilug, kanya ban tagalaga kafag ngay taw. Ay kanya ban nantabanan kanya fagayu sa sik ngay bulbug tagfon leleg. Ay Dius ban garus kafag ngay taw at liasun.”