Uan 1:9 - Fanawbuid tagsibaliwas Fakayabian

⁹ Andasug wan at matuyan fag fagmayamagun tagdamlag sas fagayu taw sas fagdaul daga.

Uan 1:9 ပူးပေါင်းရင်းမြစ်များ

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 8:20

Ay nu e gfoyung way yud gfadiuganan Dius at longan kata way sik ngay taw at yud yay nasaful at matuyan.

Mateu 6:23

Ay am mata nu dway malyo, anggan fagdaul am bilug madulum way. Ay am fagmayamagun nu madulum way, ida madulum yay ban daul fagdaul am bilug.

Lukas 11:36

Fagdaul am bilug nu mayamag tua, ay nu ddi e afud madulum, kanya masulo tua, kata sik salung at damlag nu gyamag emu.”

Uan 1:4

Kafag Longan leleg, ay kafag leleg kanya wan fagmayamagun sas fagayu taw.

Uan 1:7

Kanya andasug laman namatuyan sabaliwas fagmayamagun ay siginan at foyungan fagayu taw gafanud.

Uan 12:46

Ku fagindasugun laman sik fagmayamagun au ste swa daga, laman ban tagafanud sa angku di gbanwan sis dulum.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 15:1

“Au wan at matuyan fag fun wat ubas, ay ku Mama tagalaga.

Uan 6:32

Isus glong te, “Matuyan nu glong au ayu te, bunwa Muisis at nafon ayu tagsiginans banwa fag fakonun, nu bunway ku Mama tua. Kanya tua tagfon ayu at matuyan fag fakonun tagsiginans banwa.

Uan 7:12

Ay ngayuk taw tagibugan sabaliwa anya. Tibak taw glong te, “Kanya masine fag taw.” Ay tiba glong way te, “Kanya gfandaya way.”

1 Uan 1:8

Nu glong tam te, wa tam e asalanan, gdaya way tam antam, ay we si antam fagmatuyanun.

1 Uan 2:8

Ay tuy fag suguan dewa ngaduge wan, kata yay gugat nu bagu, aroro ansure si tam Isus at fakamulun ay anggan si ay fakamulun. Fagmadulumun kalyam wan, ay at matuyan fag fagmayamagun gdamlag wan.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.