Uan 1:4 - Fanawbuid tagsibaliwas Fakayabian

⁴ Kafag Longan leleg, ay kafag leleg kanya wan fagmayamagun sas fagayu taw.

Uan 1:4 ပူးပေါင်းရင်းမြစ်များ

Alubad. 49:6

Kafag ngay taw tagseg ay takamatungudun sat ramraman.

Alubad. 84:11

Yawi em Dius, o wan em tagbalabag, ay em taggubuk, ay nafasik takadungug o emi, kata menit nu gyamag sa emi. Ay di o gsuksuk nusnge wain at masine sas fagayu tagugali at matuyan.

Isayas 42:16

Nantaban au ku ngay taw at yud glag sat nayud yay batang glao fag dalan. Namae yamag au sat madulum fag fagloan, ay namadatag au ngay dalan at matagubung. Namakamulun au takatanya ay kdi ban gfabayan anya fagayu.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Lukas 2:32

Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Uan 11:25

Isus glong te, “Au wan tagfadog gfaleleg ay leleg. Nusnga sinu tagafanud sa angku, dewa nbul gdog yay ban gleleg.

Uan 12:35

Isus glong sa anya fagayu te, “Wa ban glugo ya fagmayamagun nu si ayu. Fataglayuni nu glao am kaduge mayamag, laman diam gaduluman. Nusnga sinu taglao sad dulum wa glag at dalan.

Uan 12:46

Ku fagindasugun laman sik fagmayamagun au ste swa daga, laman ban tagafanud sa angku di gbanwan sis dulum.

Uan 14:6

Isus glong anya te, “Au wan dalan ay at matuyan ay leleg. We taw madasug sa ku Mama nu dakway ban tumaban.

Uan 3:19

Ngay taw at faginfauriananun aroro fagmayamagun dewa andasug ste swa daga, kesug way fagmadulumun abat ngate sas fagmayamagun aroro at ngay fakamulun mauri way.

Uan 5:21

Nusnga setaw ku Mama nu gfaleleg ngay kinbul, katanya yangay au, at Baguama, gfaleleg kyangay ban nusnga sinu ku fakaylatun gfaleleg.

Uan 5:26

Ku Mama tagfon leleg, ay nafon fagmabalyananun sa angku, at Baguama, laman gfon kyangay leleg.

Uan 8:12

Isus gdog yay glong sa sangay taw Fariseu te, “Au wan fagmayamagun sas fagayu taw. Nusnga sinu tagalo angku di ban glao sasad madulum, nu bunway e fagmayamagun tua tagfon leleg.”

Uan 9:5

Kaduge au ste swa daga, au wan fagmayamagun sas fagayu taw.”

Fakamulun 26:23

Dius at nafili fag Fun nanginkidapan ban ay kanya ban taguna at nadog naleleg siginan at fagmabulanan, laman gfoyung ay gfayamag fakalangfean sas taw Udyu ay anggan sas yud Udyu fag ngay taw.”

1 Kurintu 15:45

Katatuy at longan sit Rirukan te, “Taguna fag taw, Adan, Dius nawat ay nafon anya at leleg tagste swa daga,” ay taguyan fag Adan, tam Isus, tagfon leleg fag falad.

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”

Kulusas 3:4

Tam Fun Isus tagfon ayu ay leleg. Ay gina ban ansure, umsure yangay ban am gasfuan anya sat fagmasineun.

1 Uan 1:1

Griruk ami sa ayu em nadungug sabaliwa Tagfon leleg fag Longan. Ay siginans fakasigadan kafag Longan sanya wan, ay nadungug ami fia, ay nalag ay nated anya.

1 Uan 1:2

Tagfon leleg ansure, ay gfatuyan ami te, nalag ami fia anya. Gfoyung ami te, kanya gfon leleg at yud e fakatabuan, ay siginans fakasigadan gfaudgufudan gugat at Mama ay abandi ansure sa emi.

1 Uan 5:11

Katatuy Dius nu gfatuyan: Dius nafon sa antam leleg at yud e fakatabuan, ay kafag leleg siwa at Baguama.

At Nafasure 22:1

Sanya ginan kafag tagbarita nafalag sa angku sik tagfon leleg fag liskung, malyo mandi, gbulbugan siginans Dius ay Tupa Riangan at faglunggungan,

At Nafasure 22:16

“Au wan Isus at nasugu ku tagbarita laman gfatuyan sa ayu sa sangay furuan. Au wan Dabid at sugfun, ay at masulo fag tagurabas.”