Uan 1:3 - Fanawbuid tagsibaliwas Fakayabian

³ Siginan anya ankawat fagayu nusnge wain, ay nu dway siginan anya fagayu nusnge wain wa nkawat.

Uan 1:3 ပူးပေါင်းရင်းမြစ်များ

Fakasigadan 1:1

Taguna, Dius nawat banwa ay fagdaul daga.

Fakasigadan 1:26

Ay Dius nu ntabu wan nu kawat fagayu, nalong te, “Nangawat watam taw kata antam. Kanya ban tagalaga sas fagayu gaban tagleleg: tagfioan, taglayug, ay taglao, ay anggan tagalafang.”

Alubad. 102:25

ay nawat o banwa ay daga.

Alubad. 33:6

Siginan Yawi at aringang, banwa ankawat. Ay siginan at uyup, menit ansure, gasfuan magdanun ay anggan ngay galeme.

Fangatulun 8:30

Ay kata au sik tagsaful kawat nusnge wain, ay si kway gugat Yawi at day tigyangan. Ay gfauseganan au gugat anya, ay kabavn mabayan au sit day tigyangan.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 45:18

Yawi, o at nawat banwa ay fagdaul daga. O wan Dius. Wo nawat fagdaul daga way ro e gleleg, nawat o kanya laman e gbanwan. Ay nalong o te, “Au wan Yawi, sas day angku we tibak dius.

Uan 1:10

Kanya andasug sas fagdaul daga. Ay siginan anya ankawat fagdaul daga. Dewa katanya, ngay taw wa natoglag anya.

Uan 1:2

Siginans fakasigadan, kanya magamut gugat sis Dius.

1 Kurintu 8:6

nu sa antam sadi way tam Dius tam Mama at nawat fagayu nusnge wain, ay gleleg tam laman gfaning tam anya. Ay sadi way tam Fun, Isus, ay siginan anya ankawat fagayu nusnge wain, ay siginan yangay anya tam fagelelegun.

Efesu 3:9

ay gfayamag au sas fagayu taw te, setain Dius at algan at masuksukan nu kafasludan. Dius at nawat fagayu nusnge wain, ebi taguna kanya ya nafasure at algan at masuksukan,

Ebreu 11:3

Aroro siginan tam fagafanudun sas Dius, nasaful tua tam te, Dius nawat fagdaul daga siginan at longan, nu katanya, fagayu nusnge wain takalag ankawat siginan at yud kalag.

1 Uan 5:1

Nusnga sinu tagafanud te, Isus wan Dius at nafili fag Fun, kanya fag taw Dius at sisian. Sik taw nu kesug tua sik mama, kesug yangay anggan kafag mama at sisian.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,

At Nafasure 4:11

“Em Fun ay em Dius, e fagmasineun tuo gbul famauseganan ay nu gseg, ay fagmabalyananun, aroro fagayu nusnge wain o wan at nawat. Ay gfaning kata am fakaylatun, kanya fagayu ankawat.”