Uan 1:1 - Fanawbuid tagsibaliwas Fakayabian

¹ Siginans fakasigadan, Longan sanya wan. Ay kafag Longan gufud Dius ay kafag Longan Dius.

Uan 1:1 ပူးပေါင်းရင်းမြစ်များ

Fakasigadan 1:1

Taguna, Dius nawat banwa ay fagdaul daga.

Alubad. 45:6

At mabalyanan, nu gfagtainan o, we fakatabuan, ay matuyan tua nu gfunan o.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Mateu 1:23

“Sik baguina ban gfafion ay namasalug sik munama. Ay e gfangayan ban anya te, Emanuel.” (At masuad te, Dius si antam.)

Lukas 24:53

Ay kanya fagayu si gugat Dius at bale ay gseg Dius.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Uan 1:18

Kabavn we taw nalag Dius. Ay dewa katanya, at mafilian fag Baguama at nafatoglag Dius sas fagayu taw, kanya Dius yangay ay gbanwan sit Mama.

Uan 1:2

Siginans fakasigadan, kanya magamut gugat sis Dius.

Uan 16:28

Siginan au ku Mama ay andasug au ste swa daga, ay katsi glo kwan ste ginan ay kafoli kwan sa ku Mama.”

Uan 17:5

Nu katanya, Mama, fauseganani yangay angku sam day tigyangan kata gina ta magamut, gina yud ankawat fagdaul daga.

Uan 20:28

Ay Tumas nalong te, “Ku Fun ay ku Dius.”

Uan 8:58

Isus gbalus te, “Matuyan nu glong au ayu te, gina Abrayam yud ansalug, Au, au wan.”

Ruma 9:5

Dius nafili ngay taw Israel at ngay mangaguyang, ay sanya ginan yangay Dius at nafili fag Fun gina sia sik taw. Dius wan at mabalyanan sas fagayu, segi anya kabavn ban. Anud.

Efesu 3:9

ay gfayamag au sas fagayu taw te, setain Dius at algan at masuksukan nu kafasludan. Dius at nawat fagayu nusnge wain, ebi taguna kanya ya nafasure at algan at masuksukan,

Filipus 2:6

Aroro dewa si anya Dius at kawalungan, wa nagbilug at fagmadiusun;

Kulusas 1:15

At Baguama, kanya wan yud kalag fag Dius at aninu, ay kanya wan tagfunan sas fagayu at awatan.

Kulusas 1:17

Ay kanya tua taguna sas nusnge wain, ay fagayu nusnge wain at kasinean siginan wa anya.

1 Timuteu 3:16

Mayamag te, e nafasure at madulo sabaliwa tam fagafanudun: Kanya nsure, ay ansik taw fia. At Masine fag Falad nafatuyan sabaliwa anya, ay ngay tagbarita nalag anya. Sas fagayu talun e nafamoyung wan sabaliwa anya, ay ngayu tagafanud sa anya sas fagdaul daga, ay Dius nafabat anya sat fagmasineun.

Titu 2:13

Katanya tam fakamulun kaduge tam gfanya tam fagsegun, nu kafoli tam tiba tungud tam Dius ay tam Tagfalangfe, tam Fun Isus at fagmasineun.

Ebreu 13:8

Tam Fun Isus di gbadbalian. Nu setain kanya ebi, katanya yangay anggan katsi ay kabavn ban.

Ebreu 7:3

Kanya we mama ay we mina ay we mangaguyang, ay we fakasigadan ay we fakatabuan kata nu Dius at Baguama, ay sik tagfon fanggalangun kabavn ban.

2 Pedru 1:1

Au, Simun Pedru, tam Fun Isus at nasugu ay at fagsuguan. Griruk au sa ayu at ngay nabul at mafanud fag fagafanudun kata emi, aroro sa tam Dius ay Tagfalangfe, Isus tam Fun, at fagmatuyanun.

1 Uan 5:20

Ay nasaful yangay tam te, Dius at Baguama andasug ay nafon sa antam fagsafulun, laman sumaful tam at Matuyan. Ay katsi gbanwan tua tam sit Matuyan aroro gbanwan tua tam sit Baguama Isus tam Fun, aroro sia wan at matuyan fag Dius ay leleg at yud e fakatabuan.

1 Uan 5:7

Tulu tagfatuyan sabaliwas Isus:

At Nafasure 1:11

Ay nalong te, “Riruki ro fagayu am nalag ay fadasugi sas fituk furuan: sas Efesu, ay sas Esmirna, ay sas Pergamu, ay sas Tiatira, ay sas Sardis, ay sas Filadelfia, ay sas Laudisya.”

At Nafasure 1:17

Gina au nalag anya, anlub au sit daga salubangan ay kata wan nu nbul au. Ay kanya nafatayuk sa angku at siun fag daluap, ay nalong te, “Lag o kalimu. Au wan taguna ay taguyan.

At Nafasure 1:2

Uan nafatuyan fagayu at nalag, at masuad Dius at longan ay tam Fun Isus at foyungan.

At Nafasure 1:8

Dius tam Fun tagleleg katsi ay ebi ay takadasug yay ban, ay at tiba tungud nu mabalyanan, glong te, “Au wan taguna ay taguyan.”

At Nafasure 19:13

Ay at lanbung ngaba, ay nafasurung sas taguk. Ay at ngayan Dius at Longan.

At Nafasure 2:8

“Riruki sas tagbarita tagulit ngay tagafanud sis Esmirna te, “At nalong te, au wan taguna ay taguyan, ay at nadog naleleg, glong te,

At Nafasure 21:6

Ay kanya glong yangay fia sa angku te, “Anfasludan wan. Au wan taguna ay taguyan, ay at fakasigadan ay at fakatabuan. Nusnga sinu takadanum, gfainum au yud e bayad fag mamam tagsiginans bulbug tagfon leleg.

At Nafasure 22:13

Au wan taguna ay taguyan, ay at fakasigadan ay at fakatabuan.

At Nafasure 3:14

“Riruki sas tagbarita tagulit ngay tagafanud sis Laudisya te, “At ke ngayan te, Anud, ay at matuyan ay at mafanud nu e longan, ay fakasigadan Dius at awatan fagayu, kanya glong te,